Намояндаи Тоҷикистон дар ҷаласаи 16-уми Гурӯҳи кории СПЕКА оид ба савдо раисӣ намуд

Ноябрь 18, 2021 14:12

ДУШАНБЕ, 18.11.2021 /АМИТ «Ховар»/. 16 ноябр ҷаласаи 16-уми Гурӯҳи кории  Барномаи махсуси СММ барои иқтисодиёти Осиёи Марказӣ (СПЕКА) оид ба савдо бо иштироки намояндагони кишварҳои Озарбойҷон, Қазоқистон, Қирғизистон, Тоҷикистон, Туркманистон ва Узбекистон, инчунин намояндагон аз созмонҳои бонуфузи байналмилалӣ дар шаҳри Тошканд баргузор гардид, ки онро роҳбари ҳайати кишвар, муовини Вазири рушди иқтисод ва савдо Абдураҳмон Абдураҳмонзода раисӣ намуд, хабар доданд аз Вазорати рушди иқтисод ва савдо ба АМИТ «Ховар».

А. Абдураҳмонзода зимни ифтитоҳи ҷаласа иброз намуд, ки ҳамкорӣ дар соҳаи савдо байни кишварҳои аъзои СПЕКА новобаста аз давраи ҳассоси буҳронӣ, ки тақрибан ҳамаи кишварҳои ҷаҳонро фаро гирифтааст, дар ҳоли муътадил ҷараён дорад ва вобаста ба корҳои амалигардида ҳисоботи гурӯҳи кориро пешниҳод намуд.

Зикр карда шуд, ки дар доираи ҷаласа масъалаҳои ҳамкорӣ байни кишварҳои аъзои СПЕКА дар чаҳорчӯбаи СУС, Стратегия ва Харитаи роҳи СПЕКА оид ба содагардонии расмиёти савдо, тавсеа ва татбиқи минбаъдаи принсипҳо барои савдои устувор дар минтақа, таҳқиқот ва тавсияҳо вобаста ба монеаҳои ғайритарифӣ дар савдо дар давраи пандемия ва рақамикунонии соҳа мавриди муҳокимаи иштирокдорон қарор гирифтанд.

Ҳамзамон дар қатори дигар давлатҳои минтақа дар ҷаласа вазъи кунунии соҳа, ташаббусҳои роҳандозинамудаи Ҳукумати кишвар вобаста ба пешгирии коронавируси COVID-19 ва дастовардҳои Ҷумҳурии Тоҷикистон дар як соли охир пешниҳод карда шуд.

Изҳор гардид, ки дар асоси дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон вобаста ба пешгирӣ ва коҳиш додани таъсири манфии коронавируси COVID-19 ба соҳаҳои иқтисодӣ ва иҷтимоии кишвар нақшаи тадбирҳо қабул гардид. Новобаста аз паҳншавии бемории ҳамагир ва пайомадҳои он дар ҷаҳон моҳҳои январ-октябри соли 2021 дар Тоҷикистон рушди ММД нисбат ба ҳамин давраи соли 2020 4,2 фоиз таъмин гардид.

Тоҷикистон раисии Гурӯҳи кории СПЕКА оид ба савдоро ба уҳда дошта, ин ҷаласа ҳамасола дар ҳошияи чорабиниҳои СПЕКА дар яке аз кишварҳои минтақа баргузор мегардад.

Дар охири ҷаласа аз ҷониби раиси гурӯҳи корӣ- А. Абдураҳмонзода ҷиҳати тақвияти ҳамкории минбаъда дар соҳаи савдо байни кишварҳои СПЕКА тавсияҳои мушаххас пешниҳод шуданд.

АКС: Вазорати рушди иқтисод ва савдо

Ноябрь 18, 2021 14:12

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст