Олимони Тоҷикистон ва Русия ҳамроҳ корҳои илмӣ-тадқиқотӣ анҷом медиҳанд
ДУШАНБЕ, 27.11.2021 /АМИТ «Ховар»/. Миёни Донишкадаи иқтисод ва савдои Донишгоҳи давлатии тиҷорати Тоҷикистон дар шаҳри Хуҷанд ва Институти тадқиқоти демографии Маркази илмӣ-тадқиқотии иҷтимоии федералии Академияи илмҳои Русия дар бобати иҷрои корҳои илмӣ-тадқиқотӣ, гузаронидани онлайн-лексияҳо ва тайёр кардани мутахассисони илмӣ созишномаи ҳамкории тарафайн баста шуд, хабар медиҳад АМИТ «Ховар» ба истинод ба донишкадаи мазкур.
Созишнома 25 ноябр дар мизи мудаввари байналмилалии илмӣ дар мавзӯи «Муаммоҳои иҷтимоӣ-демографии давлатҳои ИДМ дар марҳилаи COVID-19», ки дар Донишкадаи иқтисод ва савдои Донишгоҳи давлатии тиҷорати Тоҷикистон дар шаҳри Хуҷанд бо иштироки меҳмонони ватаниву хориҷӣ баргузор шуд, ба имзо расид.
Дар ҳамоиш аз ҷониби директори Институти тадқиқоти демографии Маркази илмӣ-тадқиқотии иҷтимоии федералии Академияи илмҳои Русия Сергей Рязансев дар мавзӯи «Рушди демографии давлатҳои ИДМ: 30 соли пошхӯрии ИҶШС», муовини директор Артём Лукянес дар мавзӯи «Муҳоҷирати иқлимӣ ҳамчуни тренди муосир», корманди пешбари маркази илмӣ-тадқиқотии Донишкадаи иқтисод ва савдои ДДТТ, профессор Абдумавлон Азимов дар мавзӯи «Муҳоҷирати таълимӣ дар шароити ҷаҳонишавӣ» маърӯзаҳо шунида шуданд.
Дар фазои тантанавӣ директори Донишкадаи иқтисод ва савдои ДДТТ Ҳомид Ҳошимзода ба директори Институти тадқиқоти демографии Маркази илмӣ-тадқиқотии иҷтимоии федералии Академияи илмҳои Русия Сергей Рязансев дипломи «Профессори фахрӣ» -и донишкадаро супорид.
Ҳамоиши байналмилалии илмӣ бо муҳокимаҳои илмӣ ва баррасии пешниҳодҳои судманд ба анҷом расид.
АКС: Донишкадаи иқтисод ва савдои ДДТТ
РАНГОМЕЗИИ НАВРӮЗ. Дар Узбекистон намоиши асарҳои рассомони тоҷик баргузор шуд
Дар шаҳри Бишкек Бозиҳои Делфӣ ба таври бошукуҳ ифтитоҳ шуданд
Дар Узбекистон Рӯзҳои кинои Тоҷикистон баргузор гардиданд
25 март даври дуюми Фестивали гулҳо таҳти унвони «Сайри гули лола» ҷамъбаст мегардад
Хабарнигорони Қирғизистон бо фаъолияти ду шабакаи телевизонӣ дар Тоҷикистон ва студияҳои сабти овоз шинос гардиданд
Ҳайати Тоҷикистон дар Бозиҳои байналмилалии Делфӣ дар Қирғизистон иштирок дорад
Намоишномаи ҳунармандони Театри вилоятии мусиқӣ-мазҳакавии ба номи Ато Муҳаммадҷонови шаҳри Бохтар дар Узбекистон пешниҳод мегардад
«ДӮСТИИ АДАБӢ — ДӮСТИИ АБАДӢ». Бо иштироки аҳли фарҳангу санъати Тоҷикистону Узбекистон ҳамоиш доир шуд
Гурӯҳи хабарнигорони Қирғизистон аз як қатор ҷойҳои таърихию фарҳангии Тоҷикистон боздид намуд
Рӯзҳои кинои Тоҷикистон дар Узбекистон доир мешавад
Хабарнигорони Қирғизистон дар Осорхонаи миллӣ бо таъриху фарҳанги Тоҷикистон шинос гардиданд
НАВРӮЗИ ХАТЛОН. Фасли баҳор дар ин минтақаи Тоҷикистон пештар оғоз меёбад
