Роҳбарияти Осорхонаи миллӣ дар Форуми якуми байналмилалии осорхонаҳои Авруосиё иштирок намуд
ДУШАНБЕ, 16.06.2026 /АМИТ «Ховар»/. Дар Осорхонаи миллии Муғулистон Форуми якуми байналмилалии осорхонаҳои Авруосиё баргузор гардид, ки дар он ҳайати Осорхонаи миллии Тоҷикистон иштирок намуд. Дар ин хусус АМИТ «Ховар» бо истинод ба Осорхонаи миллии Тоҷикистон хабар медиҳад.
Форуми якуми байналмилалии осорхонаҳои Авруосиё таҳти сарпарастии Президенти Муғулистон доир шуда, он намояндагони осорхонаҳо, муассисаҳои илмӣ-тадқиқотӣ ва созмонҳои фарҳангиро аз давлатҳои гуногуни Авруосиё ба ҳам овард.
Баъд аз маросими ифтитоҳи форум коршиносон ва роҳбарони муассисаҳои бонуфузи фарҳангӣ дар мавзуи «Ҳамкории байналмилалии Осорхонаи миллии Муғулистон: имкониятҳо ва натиҷаҳо», «Санъати Осиё дар осорхонаи асри XXI», «Рушди илмҳои консерватсионӣ барои ҳифзи мероси фарҳангӣ» ва ғайраҳо маъруза намуданд.
Дар кори форум директори Осорхонаи миллии Тоҷикистон Зафаршо Иброҳимзода дар бахши «Мубодилаи бузурги фарҳангӣ: ҳамкорӣ ва имкониятҳои нав» дар мавзуи «Ҳамкории байналмилалии фарҳангӣ ва робитаҳои хориҷии Осорхонаи миллии Тоҷикистон» маъруза кард.
Форуми якуми байналмилалии осорхонаҳои Авруосиё то 19 июн идома ёфта, баргузории ҷаласаҳои илмӣ, мубоҳисаҳои касбӣ, мулоқотҳои дуҷониба ва сафарҳои фарҳангиро дар бар мегирад.
АКС: Осорхонаи миллии Тоҷикистон
Дар Тоҷикистон Бозиҳои 20-уми Делфии ҷавонони кишварҳои аъзои ИДМ идома доранд
Фарҳанги пурғановати Тоҷикистон дар Туркманистон муаррифӣ мегардад
Имрӯз даври сеюми Озмуни ҷумҳуриявии «Фурӯғи субҳи доноӣ китоб аст» оғоз мегардад
Доир ба дастгирии истеъдодҳои ҷавон дар ИДМ конференсияи байналмилалӣ баргузор шуд
Дар Душанбе Бозиҳои 20-уми Делфии ҷавонони кишварҳои аъзои ИДМ оғоз мегардад
«ДОСТОНИ ХУДШИНОСӢ». Китоби нави Шоири халқии Тоҷикистон Давлат Сафар рӯнамоӣ гардид
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
ЗАБОН–САДОИ ХОТИРАИ МИЛЛАТ. Мулоҳизаҳои академик Фарҳод Раҳимӣ ба ифтихори Рӯзи забони давлатӣ
Президенти Тоҷикистон: «Мутахассисони соҳа бояд, ки истилоҳоти дурусту фаҳмо ва мувофиқ ба мазмуну муҳтавои соҳаҳои гуногунро барои истифода пешниҳод намоянд»
ЗАБОНИ МОДАРИИ МО—ЗАБОНИ ШИРИНУ ШЕВО ВА ШОИРОНАИ ТОҶИКӢ! Иқтибосҳо аз суханрониҳои Президенти Тоҷикистон Эмомалӣ Раҳмон
«ҶАҲОНИ РАССОМ». Дар Осорхонаи миллии Тоҷикистон намоиши асарҳои Дӯст Азизов ташкил гардид
