Ронандаи дағалрафтори «Автобус»-и хатсайти №8 ҷаримабандӣ ва аз кор ронда шуд
ДУШАНБЕ, 20.11.2021. /АМИТ «Ховар»/. Ронандаи автобуси хатсайти №8 –и пойтахт Бахтиёр Назаров барои рафтори дағалонааш нисбат ба мусофири ин хатсайт шурӯъ аз 19 ноябри соли равон аз ҳаққи фаъолият дар нақлиёти мусофиркашонӣ маҳрум карда шуд. Дар ин бора АМИТ «Ховар» бо истинод ба маркази матбуоти Раёсати ВКД дар шаҳри Душанбе хабар медиҳад.
Бино ба иттилои манбаъ, шоми 18-уми ноябри соли ҷорӣ як нафар ҷавонзани сокини шаҳри Душанбе бо нашри муроҷиат дар саҳифаи иҷтимоии Фейсбук аз мақомоти дахлдор хоҳиш намуд, ки нисбат ба ронандаи «Автобус», рақамҳои қайди давлатиаш 8705ТТ05, ки дар хатсайри №8 фаъолият дорад, чораҳои қонунӣ андешида шавад.
Ба иттилои муроҷиаткунанда, ронандаи автобус хилофи талаботи хизматрасонии нақлиёти мусофиркашони ҷамъиятӣ амал намуда, барои ба таври нақдина насупоридани маблағи роҳкиро ва истифодаи корти нақлиётӣ аз ҷониби як нафар ҷавондухтари тахминан 12-13 сола ғазабнок шуда, нисбати охирон хилофи маданияти ронандагӣ бо садои баланд дағалгуфторӣ намуда, оромии дигар мусофиронро халалдор ва рафтори зиддиҳуқуқӣ содир намудааст.
Муроҷиати мазкур боиси вокуниши шадиди шаҳрвандону истифодабарандагони шабакаҳои иҷтимоии интернетӣ қарор гирифта, дар зимн аз Раёсати ВКД дар шаҳри Душанбе хоҳиш намудаанд, ки нисбат ба ин ронандаи дағалрафтор чораҳои дахлдори қонунӣ андешида шавад.
Дар натиҷаи пешбурди як қатор чорабиниҳои фаврӣ-санҷишӣ ронандаи хатсайри зикргардида муайян ва ба мақомоти милитсияи пойтахт дастрас карда шуд.
Муайян гардид, ки ин нафар шаҳрванд Назаров Бахтиёр Алишерович, соли таваллудаш 1977, сокини шаҳри Душанбе, кӯчаи Н.Махсумов-125, ронандаи ККВД «Авбобус-1» мебошад. Зимни пурсиши шоҳидон ва санҷиши ҳамаҷонибаи ҳодисаи мазкур гуноҳи содирнамудаи ронанда тасдиқи худро ёфт.
Вобаста ба ин нисбат ба Назаров Бахтиёр тибқи талаботи моддаи 460 (майдаавбошӣ) Кодекси ҳуқуқвайронкунии маъмурии Ҷумҳурии Тоҷикистон протокол тартиб дода шуд. Бо Қарори Суд нисбаташ ҷазо дар намуди ҷарима ба андозаи 7 нишондиҳанда барои ҳисобҳо баробар ба 420 сомонӣ таъйин карда шуд. Илова бар ин, номбурда барои ин кирдори содирнамудааш, шурӯъ аз 19.11.2021 аз ҳаққи фаъолият дар нақлиёти мусофиркашонӣ маҳрум карда шуд.
Ҳамзамон дар доираи муроҷиати мазкур ҷиҳати аз байн бурдани рафтори дағалонаи ронандагон бо мусофирон аз ҷониби кормандони милитсияи шаҳри Душанбе бо ронандагону кормандони ККВД «Автобус-1» корҳои профилактикӣ гузаронида шуд.
АКСҲО: Раёсати ВКД дар шаҳри Душанбе
4364 САДАМАҲОИ РОҲУ НАҚЛИЁТ ДАР 4 СОЛ. Чӣ тавр пеши роҳи ин ҳодисаҳои нохушро бигирем?
Тоҷикистон дар муборизаи муштарак ба муқобили ҷиноятҳои фаромиллӣ фаъолона иштирок мекунад
Дар Душанбе ҷаласаи роҳбарони мақомоти корҳои дохилии пойтахтҳои давлатҳои аъзои Иттиҳоди Давлатҳои Мустақил баргузор гардид
Дар Бӯстон вохӯрии навбатии гурӯҳҳои кории топографӣ ва гурӯҳҳои кории ҳайатҳои ҳукуматии Тоҷикистону Қирғизистон баргузор гардид
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир шуд
Прокурори генералии Ҷумҳурии Тоҷикистон бо фаъолони вилояти Суғд вохӯрӣ намуд
Антониу Гутерриш: «Тоҷикистон дар масъалаи буҳрони Афғонистон шарики муҳими Созмони Милали Муттаҳид мебошад»
Президенти Тоҷикистон: «Дар фаъолияти Созмони ҳамкории Шанхай масъалаҳои амнияти минтақавӣ аввалиндараҷа боқӣ мемонанд»
ЭҲТИЁТ — НИМИ ҲАЁТ. Дар фасли тобистон зарфҳои нигаҳдории гази моеъро дар ҷойи соя ва дур аз гармӣ гузоред
Дар Петербург масъалаи истифодаи васеи технологияҳои иттилоотию коммуникатсионӣ дар пешниҳоди хизматрасониҳои давлатӣ дар Тоҷикистон баррасӣ шуд
МУҚОВИМАТ БА ИФРОТГАРОӢ. Дар ин мавзуъ дар Душанбе конференсияи илмӣ-амалӣ баргузор гардид
Намояндагони мақомоти ҳифзи ҳуқуқи Тоҷикистон дар Форуми байналмилалии ҳуқуқӣ дар Санкт-Петербург иштирок намуданд
