Аз номи Пешвои миллат ба хонандагони Мактаб-интернати ҷумҳуриявии сустшунавоёни ноҳияи Рӯдакӣ туҳфаҳои идона тақдим шуданд
ДУШАНБЕ, 28.12.2021. /АМИТ «Ховар»/. Дар тарабхонаи «Саманд»-и ноҳияи Рӯдакӣ барои 220 нафар хонандагони Мактаб-интернати ҷумҳуриявии сустшунавоёни ноҳия маҳфили фарҳангӣ ва дастурхони идона ороста, аз номи Пешвои миллат туҳфаҳои солинавӣ тақдим гардиданд, иттилоъ доданд аз маркази матбуоти Вазорати маориф ва илми Ҷумҳурии Тоҷикистон.
Дар барнома муовини Сарвазири Ҷумҳурии Тоҷикистон Матлубахон Сатториён, Вазири маориф ва илми Ҷумҳурии Тоҷикистон Муҳаммадюсуф Имомзода, сардори Раёсати рушди иҷтимоии Дастгоҳи иҷроияи Президенти Ҷумҳурии Тоҷикистон Гулчеҳра Абдуфаттоҳзода ва раиси ноҳияи Рӯдакӣ Азизулло Исматзода иштирок намуданд.
Зимни ифтитоҳи маҳфил муовини Сарвазири Ҷумҳурии Тоҷикистон Матлубахон Сатториён тамоми хонандагонро аз номи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо соли нави мелодии 2022 муборакбод гуфта, дар рӯзгору таҳсили минбаъдаашон муваффақият таманно намуд.
Дар ҷараёни маҳфил туҳфаҳои Пешвои миллат, иборат аз сару либоси гарм, пойафзолу шириниҳо ва туҳфаи солинавӣ ба кӯдакони мактаб-интернат тақдим гардиданд.
Дар идомаи маҳфил аз тарафи хонандагон рақсу сурудҳои ҷолиб пешкаши ҳозирин гардида, ҳунармандони бахши фарҳанги ноҳия бо сурудҳои дилнишин хотири ҳамагонро болида намуданд.
АКСҲО аз маркази матбуоти Вазорати маориф ва илми ҶТ
Дар Душанбе вобаста ба иҷрои Барномаи миллии ташаккули тарзи ҳаёти солим ҷаласа баргузор гардид
Дар Душанбе Конфронси ҷумҳуриявӣ таҳти унвони «Ваҳдат – мароми модарон» баргузор шуд
Дар Душанбе вобаста ба хизматрасониҳои молиявӣ ва ҳуқуқи соҳибкорон конфронси ҷумҳуриявӣ доир гардид
Сафари Корвони «Модарони ваҳдатсаро» ба шаҳру ноҳияҳои ҷумҳурӣ оғоз гардид
Дар Озарбойҷон Конфронси байналмилалии ҳизбҳои сиёсӣ баргузор шуд
Фестивали дӯстии ҷавонон-2025 оғоз шуд
Бахшида ба Рӯзи ҷаҳонии донори хун дар Тоҷикистон маъракаи хунсупорӣ гузаронида шуд
Дар Женева масъалаи кушодани марказҳои раводиди давлатҳои Иттиҳоди Аврупо дар Тоҷикистон баррасӣ гардид
Бахшида ба ҷашни Ваҳдати миллӣ Корвони «Модарони ваҳдатсаро» ташкил мегардад
Дар Женева ҳамкорӣ байни Тоҷикистон ва Созмони байналмилалии меҳнат баррасӣ гардид
То соли 2028 ба ҳама шаклҳои бадтарини меҳнати кӯдакон дар Тоҷикистон хотима дода мешавад
Муовини Сарвазир бо рафти корҳои сохтмонии манзилҳои зист барои оилаҳои аз заминҷунбӣ зарардидаи ноҳияи Рашт шинос шуд
