Дар 11 моҳ ба Тоҷикистон 1554 адад техника ва мошинолоти кишоварзӣ ворид шудааст

Декабрь 14, 2021 15:37

ДУШАНБЕ, 14.12.2021 /АМИТ «Ховар»/. Тибқи маълумоти Вазорати кишоварзии Ҷумҳурии Тоҷикистон, дар 11 моҳи соли равон ба ҷумҳурӣ ҳамагӣ 1554 адад техника ва мошинолоти кишоварзӣ ворид гардидааст. Дар ин бора  ба  АМИТ «Ховар» аз маркази матбуоти Вазорати кишоварзии мамлакат  иттилоъ доданд.

Аз шумораи техникаи воридгардида 576 адад тракторҳо, 79 адад комбайни ғалладаравӣ, 3 адад ядаки тракторӣ, 80 адад испори тракторӣ, 10 адад мошини алафдаравӣ, 81 адад кулӯхмайдакунак (фреза), 1 адад дости трактории худгарди КСК-100, 48 адад гандумкӯбак, 1 адад култиватор, 79 адад тойбанду тагрезчин, 53 адад мотоблок, 16 адад алафдараваки тракторӣ, 50 адад дорупошак, 32 адад картошкашинонак, 16 адад картошкаканак, 16 адад култиватори картошка, 11 адад пармакунак, 20 адад тухмипошаки пахта,  32 адад алафҷамъкунак, 17 адад тухмипошаки ҷуворимакка, 94 адад  алафдараваки дискӣ  ва 4 адад алафдараваки КИР-1,5 мебошанд.

Тибқи маълумоти оморӣ оид ба вазъи техника ва мошинолоти кишоварзӣ ба ҳолати 1 декабри соли равон дар ҷумҳурӣ ҳамагӣ 27462 адад тракторҳои  гуногунтамға мавҷуд буда, 77 фоизи он омодаи кор мебошанд.       Аз он 1629 адад тракторҳои шудгоркунанда, 1086 адад комбайни ғалладарав, 9182 адад ядакҳои тракторӣ, 10161 адад испорҳои тракторӣ, 3372 адад култиваторҳо, 2240 адад тухмипошакҳо мебошанд.

Инчунин техникаи ёрирасони соҳаи кишоварзӣ, аз ҷумла экскаватор 107 адад, боркунак 120 адад, булдозер 3 адад ва техникаҳои роҳсозӣ 5 адад ворид гардидааст.

Бояд гуфт, ки дар Тоҷикистон 51 дарсади аҳолӣ ба кишоварзӣ машғул буда, талабот ба техникаи кишоварзӣ зиёд аст.

Имрӯз дар ҷумҳурӣ асосан техникаҳои кишоварзии истеҳсоли Русия ва Беларус истифода мешаванд.

АКС: манбаи боз

Декабрь 14, 2021 15:37

Хабарҳои дигари ин бахш

Соҳибкорзан Зарринаи Сафаралӣ: «Дастрасӣ ба гранти президентӣ омили пешрафти соҳибкории занон аст»
Дар Душанбе роҳҳои нави ҳамкории иқтисодӣ байни Тоҷикистон ва Вилояти Мухтори Синзян-Уйғури Чин баррасӣ гардиданд
Дар Душанбе тавсеаи ҳамкории Тоҷикистон бо Иттиҳоди Аврупо дар соҳаи энергетика баррасӣ шуд
Барномаи рақамикунонии соҳаи кишоварзии Ҷумҳурии Тоҷикистон барои солҳои 2025-2030 қабул гардид
Тоҷикистон аъзои Иттиҳоди байналмилалии ҳифзи табиат (IUCN) гардид
Вазорати энергетикаи Тоҷикистон бо ташкилоти байналмилалӣ санадҳои нави ҳамкорӣ ба имзо расонид
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Он самтҳои калидии ҳамкории байналмилалӣ, таҳқиқоти илмӣ ва қарорҳои сиёсиро фаро мегирад
Вобаста ба устувории молиявӣ барои ҳифзи пиряхҳо ва устувории иқтисодӣ дар Тоҷикистон ҳамоиш доир шуд
«АЗ ПИРЯХҲО ТО ХОҶАГИДОРОН». Барои нуҳ давлат барномаи нав таҳия карда мешавад
Масъалаҳои татбиқи лоиҳаҳои муҳими миллӣ вобаста ба тағйирёбии иқлим ва муҳофизати пиряхҳо баррасӣ шуданд
Дар Душанбе доир ба маблағгузорӣ барои мутобиқшавӣ, коҳиш ва ҷуброни талафоти вобаста ба пиряхҳо ҳамоиш доир шуд
Лоиқ Раҳмонзода: «Яке аз хатарноктарин пайомадҳо афзоиши шумораи рахнашавии кӯлҳои пиряхӣ мебошад»