Дар Ҷамоати деҳоти Ворух иншооти соҳаи тандурустӣ ба истифода дода шуд
ДУШАНБЕ, 25.12.2021 /АМИТ «Ховар»/. Дар Ҷамоати деҳоти Ворухи шаҳри Исфара бо иштироки раиси вилояти Суғд утоқи рентгени рақамӣ ва бинои иловагии Маркази саломатии деҳоти Ворух мавриди истифода қарор дода шуд, хабар доданд ба АМИТ «Ховар» аз Хадамоти матбуоти Раиси вилояти Суғд.
Утоқи рентгени рақамӣ бо дастгирии Вазорати тандурустӣ ва ҳифзи иҷтимоии аҳолӣ бо маблағи қариб 2 миллион сомонӣ ҷиҳозонида шуда, барои сокинони ин минтақа имкон фароҳам меоварад, ки дар ҳамин ҷамоат аз ташхис гузаранд.
Бинои иловагии Маркази саломатии деҳоти Ворух бо саҳми соҳибкорон сохта шуда, дорои ҳуҷраи хатна, ҳуҷраи модару кӯдак ва ҳуҷраҳои ёрирасон мебошад.
Дар маросими ифтитоҳи иншоот Раиси вилояти Суғд Раҷаббой Аҳмадзода дар суҳбат бо табибону сокинон зикр намуд, ки Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатӣ ба Маҷлиси Олӣ соҳаи тандурустӣ ва ҳифзи солимии аҳолиро яке аз бахшҳои муҳим арзёбӣ карда, зикр намуданд, ки ин соҳа чун самти афзалиятноки сиёсати иҷтимоии давлат ва Ҳукумати Тоҷикистон боқӣ мемонад.
Барои рушди соҳаи тандурустӣ ва ҳифзи иҷтимоии аҳолӣ ҳаҷми маблағгузории соҳа марҳила ба марҳила зиёд гардида, ҳамасола садҳо иншооти замонавии тиббӣ бунёд мешаванд.
АКСҲО: Хадамоти матбуоти Раиси вилояти Суғд
Бахшида ба Рӯзи Конститутсия бо иштироки судяҳо конфронси ҷумҳуриявии илмӣ-амалӣ баргузор гардид
«КОНСТИТУТСИЯ- ШОҲСУТУНИ ДАВЛАТИ ОБОДИ МО». Таҳти ин унвон дар Кумитаи хоҷагии манзилию коммуналӣ ҳамоиш доир гардид
Ҳаракати навбатии пиряхи Деҳдал мушоҳида гардид
Дар Академияи миллии илмҳо бахшида ба 31-солагии Конститутсия конференсияи илмию амалӣ баргузор шуд
Музаффар Ашуриён: «Конститутсияи Тоҷикистон санади тақдирсоз ва муайянкунандаи сарнавишти халқу миллати мо мебошад»
Дар пойтахт Симпозиуми байналмилалии «Саҳми Абӯалӣ ибни Сино дар рушди илм, фалсафа ва тамаддуни ҷаҳонӣ» идома дорад
Доир ба нақши Конститутсия дар рушди давлатдории миллӣ ҳамоиш баргузор гардид
Моҳи ноябр Тоҷикистонро чӣ гуна ҳаво интизор аст?
Ҳуҷраи кории аввалин президенти Академияи фанҳои Тоҷикистон Садриддин Айнӣ навсозӣ гардид
Дар Душанбе Форуми ёздаҳуми миллӣ оид ба волоияти қонун оғоз гардид
Симпозиуми байналмилалӣ таҳти унвони «Саҳми Абуалӣ ибни Сино дар рушди илм, фалсафа ва тамаддуни ҷаҳонӣ» оғоз гардид
Дар вилояти Свердловски Федератсияи Русия дар мавзуи рушди саноатикунонии Тоҷикистон вохӯрӣ доир шуд
