Дар Душанбе амалисозии Стратегияи ҳифзи солимии аҳолии Ҷумҳурии Тоҷикистон барои давраи то соли 2030 баррасӣ шуд
ДУШАНБЕ, 09.12.2021 /АМИТ «Ховар»/. 8 декабр дар шаҳри Душанбе вобаста ба таҳлили ҳолатҳои критикӣ ва пешгирии фавти модар ва бо мақсади беҳтар намудани сифати хизматрасонии тиббӣ ба модарон ва кӯдакон дар доираи амалисозии Стратегияи ҳифзи солимии аҳолии Ҷумҳурии Тоҷикистон барои давраи то соли 2030 ҷаласаи корӣ доир гардид, иттилоъ доданд ба АМИТ «Ховар» аз маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон.
Муовини Вазири тандурустӣ ва ҳифзи иҷтимоии аҳолии мамлакат Зулфия Абдусаматзода иброз намуд, ки масъалаҳои ҳифзи солимии модар ва кӯдак яке аз самтҳои афзалиятноки сиёсати имрӯзаи Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба ҳисоб мераванд.
Зикр шуд, ки давоми 30 соли Истиқлолияти давлатии Ҷумҳурии Тоҷикистон дар соҳаи тандурустӣ, алалхусус дар соҳаи ҳифзи саломатии модарон ва кӯдакон якчанд дастовардҳои назаррас ба чашм мерасанд. Аз ҷумла, дар ин самт як қатор ҳуҷҷатҳои муҳими стратегӣ таҳия ва қабул гардида, бо дастур ва ташаббуси бевоситаи Пешвои миллат муҳтарам Эмомалӣ Раҳмон Муассисаи давлатии «Маҷмааи тандурустии «Истиқлол», Таваллудхонаи вилоятии шаҳри Хоруғ, Беморхонаҳои марказии ноҳияҳои Лахш, Нуробод, Дӯстӣ, Хуросон, Ёвон, Фархор, Ҳамадонӣ, таваллудхонаҳои вилоятӣ ва шаҳрии шаҳри Хуҷанди вилояти Суғд, таваллудхонаи №2-и шаҳри Душанбе сохтаю бо таҷҳизоти муосир ҷиҳозонида шуданд, ки дастрасӣ ва сифати табобати модарону кӯдаконро беҳтар гардонид.
Инчунин дар шаҳрҳои Кӯлоб ва Бохтари вилояти Хатлон марказҳои перинаталӣ ва дар ноҳияи Восеъ Беморхонаи марказии ноҳиявӣ сохтаю бо таҷҳизоти муосир муҷаҳҳаз гардонида шуданд.
Дар идомаи ҷаласа, ки роҳбарони якчанд муассиса ва раёсатҳо, шарикони рушд, мутахассисон ва сармутахассисони соҳавии муассисаҳои тандурустии шаҳри Душанбе, раёсатҳои тандурустии вилоятҳо иштирок доштанд, вобаста ба самтҳои гуногуни масъала суҳбат намуданд.
АКС: Вазорати тандурустӣ ва ҳифзи иҷтимоии аҳолии ҶТ
5 ҳазор истироҳатгоҳи Тоҷикистон барои фароғати тобистонаи кӯдакон ва наврасон омода карда мешаванд
ИСТИФОДАИ САМАРАНОКИ ЗАМИН. Нурулло Саидбеков аз замини наздиҳавлигияш ду ҳосил мегирад
«ОИЛАИ БЕҲТАРИН». Ин озмун дар ноҳияи Ҷалолиддини Балхӣ баргузор гардид
Табибони тоҷик тариқи стентгузорӣ бемориҳои гуногунро табобат менамоянд
Ғолибони даври ҷумҳуриявии озмуни «Сайри гули лола» муайян карда шуданд
Кумакҳои навбатии Пешвои миллат муҳтарам Эмомалӣ Раҳмон ба зарардидагони офати табиии дар ноҳияҳои Рашт ва Тоҷикобод фиристода шуд
Байни Ҷумҳурии Тоҷикистон ва Подшоҳии Арабистони Саудӣ Ёддошти тафоҳум ба имзо расид
Ҳамкории Агентии хизмати давлатии Тоҷикистон бо мақомоти ваколатдори соҳаи хизмати давлатии Чин баррасӣ шуд
Ба зарардидагони ноҳияи Рашт масолеҳи сохтмонӣ, маводи озуқаворӣ ва маблағҳои пулӣ кумак расонида шуданд
Дар Душанбе вобаста ба инкишофи барвақтии кӯдак ҳамоиш доир шуд
Барномаи ҳамкорӣ байни Хадамоти иҷрои Тоҷикистон ва Хадамоти федералии иҷрочиёни судии Русия ба имзо расид
Муовини якуми Раиси ҲХДТ дар Форуми ҳизбҳои сиёсии Созмони ҳамкории Шанхай иштирок намуд
