Дар Конфронси осиёии коҳиши хатари офатҳои табиӣ дар соли 2021 дастовардҳои Тоҷикистон зикр шуданд

Декабрь 16, 2021 14:31

ДУШАНБЕ, 16.12.2021 /АМИТ «Ховар»/. Раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон, генерал-полковники милитсия Рустам Назарзода аз 14 то 16 декабр ба таври онлайн дар кори Конфронси осиёии коҳиши хатари  офатҳои табиӣ дар соли 2021(ACDR-2021) ширкат намуд. Ҳамраиси ин конфронс Ҷумҳурии Тоҷикистон мебошад, хабар медиҳад АМИТ “Ховар” бо истинод ба Кумитаи ҳолатҳои фавқулода ва мудофиаи гражданӣ.

Конфронс аз маросими ифтитоҳ, ҷаласаи сатҳи баланди роҳбарони кумитаҳо ва се ҷаласа иборат буда, масъалаҳои зерин дар он баррасӣ шуданд: коркарди технологияи коҳиши хатари офатҳо, ки ба эҳтиёҷоти маҳаллӣ барои эҷоди ҷомеаи бехатар, амн ва қобили зиндагӣ ҷавобгӯ мебошанд; баланд бардоштани омодагӣ ба офатҳои табиӣ: маълумотнокӣ ва огоҳӣ, баланд бардоштани дастгирии паст кардани хатари офатҳои табиӣ;  сармоягузорӣ ба коҳиши хатари офатҳои табиӣ барои ҷомеаи устувор.

Дар конфронс ҳамчунин намояндагони Арманистон, Ветнам, Индонезия, Шри-Ланка, Муғулистон, Сингапур, Таиланд, Филиппин, Кореяи Ҷанубӣ, Туркия, Ҷопон, якчанд созмонҳои байналмилалӣ ва доираҳои илмӣ ширкат ва суханронӣ карданд.

Дар маросими ифтитоҳи конфронс Раиси КҲФ, генерал-полковник Рустам Назарзода сухан гуфта,  дар бораи дастовардҳои кишвар дар татбиқи Барномаи қолабии Сендай ва Стратегияи миллии коҳиши хатари офатҳо дар солҳои 2019-2030, ҷараёни иҷрои лоиҳаҳо ва барномаҳое, ки ташкилоти байналмилалӣ ва сармоягузорони хориҷӣ маблағгузорӣ мекунанд, ба иштирокчиён маълумот дод

Дар ҷаласаи сатҳи баланд сарвари Кумита дар бораи дастовардҳои Тоҷикистон дар самти коҳиши хатари офатҳои табиӣ изҳори назар намуд. Вай ба иштирокчиёни конфронс аз дастовардҳои кишвари мо дар татбиқи Барномаи қолабии Сендай ва Стратегияи миллии коҳиши хатари офатҳои табиӣ барои солҳои 2019-2030, аз ҷараёни татбиқи лоиҳаҳо ва барномаҳое, ки аз ҷониби созмонҳои байналмилалӣ ва кишварҳои донор маблағгузорӣ мешаванд, маълумот дод.

Ҳамчунин дар ҷаласа дар сатҳи баланд раиси Кумита оид ба дастовардҳои Тоҷикистон дар самти коҳиши хатари офатҳои табиӣ маърӯза намуд.

Раиси Кумита зикр кард, ки «бо мақсади ноил шудан ба афзалияти асосии Барномаи қолабии Сендай ва Стратегияи миллӣ дар Тоҷикистон якчанд лоиҳаҳои бузурги байналмилалӣ дар соҳаи идоракунии хавфи офатҳои табиӣ бомуваффақият амалӣ карда мешаванд. Аз ҷумла, лоиҳаи Бонки ҷаҳонӣ оид ба сохтмони бинои нави муосири назорати марказӣ, лоиҳаи Бонки Осиёии Рушд оид ба таҳкими иқтидори хадамоти зидди жола – насби радари нави “Доплер” зидди жола, тавсеаи системаи огоҳсозии бармаҳал ва назорати кӯли Сарез, лоиҳаи САҲА бо дастгирии молиявии Иттиҳодияи Аврупо оид ба сохтмони Маркази миллии омодасозии наҷотдиҳандагон ба рафъи оқибатҳои ҳолатҳои фавқулодаи табиӣ нигаронида шудааст”.

 

АКСҲО: КҲФ ва МГ

Декабрь 16, 2021 14:31

Хабарҳои дигари ин бахш

Хадамоти давлатии оташнишонӣ кафили бехатарии мардуми Тоҷикистон аст. Ба ифтихори иди касбии кормандони соҳа
Аз 26 то 29 июл дар баъзе кӯчаҳо ва хиёбони Рӯдакии пойтахт ҳаракати воситаҳои нақлиёт маҳдуд карда мешавад
НИШАСТИ МАТБУОТӢ. Дар бозорҳои истеъмолии Тоҷикистон беш аз 107 ҳазор килограмм маҳсулоти бесифат ва хавфнок нобуд карда шуд
Бо иштироки ҳайати роҳбарикунандаи Вазорати мудофиаи Тоҷикистон ҷамъомадӣ таълимӣ-методӣ доир гардид
Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон хабар медиҳад
Дар вилояти Суғд кӯшиши интиқоли 70 кг маводи нашъадор пешгирӣ гардид
Дар Озмуни байналмилалии нозирони навраси ҳаракат 7 даста аз давлатҳои ИДМ иштирок менамояд
Вобаста ба малакаи амалии кӯдакон оид ба бехатарии ҳаракат дар роҳ конфронси байналмилалӣ доир шуд
Нақшаи Барномаи муштараки «Тағйири низомҳои озуқаворӣ барои беҳтар намудани сифати ғизо» қабул шуд
Ҳайати Тоҷикистон дар ҷаласаи Маҷмаи умумии фавқулодаи Созмони байналмилалии мудофиаи гражданӣ иштирок намуд
Ташаккули дониши кӯдакон оид ба бехатарии ҳаракат дар роҳ дар конфронси байналмилалӣ баррасӣ мегардад
Дар Қазоқистон ҷаласаи роҳбарони мақомоти корҳои дохилии пойтахтҳои давлатҳои аъзои ИДМ доир шуд