«IRS». Дар роҳи мошингарди Душанбе-Чанок тозакунии роҳ аз барф ва коркарди он бо маводи зиддилағжиш бомаром ҷараён дорад

ДУШАНБЕ, 14.12.2021. /АМИТ «Ховар»/. Ҳоло дар масири  мошингарди Душанбе-Чанок — аз  километри 28 то 258-уми роҳ бориши барф идома дошта,  кормандони филиали Ширкати саҳомии «Инновейтив Роуд Солюшнз ЛТД» дар Ҷумҳурии Тоҷикистон аз субҳи содиқ тоза намудани роҳ аз барф ва коркарди он бо маводи зиддилағжишро бомаром ба роҳ мондаанд. Дар ин бора ба хабарнигори  АМИТ «Ховар» аз Маркази матбуоти филиали Ширкати саҳомии “Инновейтив Роуд Солюшнз ЛТД” дар Ҷумҳурии Тоҷикистон хабар доданд.

Айни ҳол роҳ кушода буда, вобаста ба зарурат дар баъзе маврид барои гузариши «Фура» ва мошинҳои боркаши ядакдор (притсепдор) маҳдудият ҷорӣ шудааст.  Ин иқдом ба хотири эҷод нашудани монеа ба ҳаракати дигар намуди нақлиёт, хосса мошинҳои сабукрав ба роҳ монда шудааст.

АКС: маркази матбуоти филиали Ширкати саҳомии «Инновейтив Роуд Солюшнз ЛТД» дар ҶТ