Маҳаллаи навбунёди Абдураҳмони Ҷомии шаҳри Кӯлоб бо инфрасохтори зарурӣ таъмин мешавад
ДУШАНБЕ, 16.12.2021 /АМИТ «Ховар»/. Ба ифтихори 30-солагии Истиқлолияти давлатии Ҷумҳурии Тоҷикистон бо дастгирии Ҳукумати Ҷумҳурии Тоҷикистон ва саҳми соҳибкорон қисмати зиёди роҳҳои ҳудуди шаҳри Кӯлоб пурра навсозӣ карда шуд, хабар доданд ба АМИТ «Ховар» аз бахши матбуоти мақомоти иҷроияи ҳокимияти давлатии шаҳри Кӯлоб.
Масофаи умумии роҳҳои автомобилгарди шаҳри Кӯлоб беш аз 223 км, аз ҷумла 18 км роҳи байналмилалӣ, 26,1 км роҳи аҳамияти ҷумҳуриявӣ ва қариб 180 км роҳи дорои аҳамияти маҳаллиро ташкил медиҳад.
Дар идомаи чунин корҳои созандагӣ ва татбиқи дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон оид ба таҳкими вазъи инфрасохтори деҳот барои ҳалли мушкилоти иҷтимоии сокинон бо дастгирии мақомоти иҷроияи ҳокимияти давлатии шаҳри Кӯлоб дар маҳаллаи навбунёди ба номи Абдураҳмони Ҷомии шаҳри Кӯлоб навсозии роҳи маҳаллӣ оғоз гардид.
Дар асоси муроҷиати сокинон ба мақомоти иҷроияи ҳокимияти давлатӣ дар ин маҳали навбунёди шаҳр дар баробари роҳ мушкилоти норасоии оби нӯшокӣ низ бартараф карда шуд. Маҳаллаи ба номи Абдураҳмони Ҷомӣ дар қисмати болоии шаҳри Кӯлоб дар мавзеи кӯҳдоман ҷойгир аст. Ба ин хотир роҳи қаблӣ бо гузаронидани корҳои заминӣ аз нав ҳамвор ва барои бехатарии ҳаракати воситаҳои нақлиёт паҳноии он васеъ ва дар баъзе қисматҳо сатҳи роҳ ба маротиб паст карда мешавад. Дар ин маҳаллаи навбунёд айни замон бо сабаби мушкилоти роҳ ва норасоии об беш аз 50 оила ба сар мебаранд.
Баъди сохтани роҳ ин маҳалла низ обод ва барои сокинон шароити арзандаи зиндагӣ фароҳам оварда мешавад. Тибқи нақшаи чорабинии мақомоти иҷроияи ҳокимияти давлатӣ ва амалӣ гаштани барномаи рушди иқтисодиву иҷтимоии шаҳр бояд марҳила ба марҳила дар чунин маҳаллаҳои навбунёд инфрасохтори зарурӣ таъмин ва ҳар гӯшаи шаҳр ободу зебо карда шавад.
АКСҲО: МИҲД шаҳри Кӯлоб
35-СОЛАГИИ ИСТИҚЛОЛИ ДАВЛАТӢ. Дар ноҳияи Ёвон муассисаҳои соҳаи маориф бунёд мегарданд
35-СОЛАГИИ ИСТИҚЛОЛИ ДАВЛАТӢ. Дар шаҳри Бӯстон беш аз 200 иншооти таъйиноти гуногун сохта мешавад
Дар шоҳроҳи Ёвон-Душанбе маъракаи ниҳолшинонӣ оғоз ёфт
35-СОЛАГИИ ИСТИҚЛОЛИ ДАВЛАТӢ. Дар деҳаи Калфи Сабади ноҳияи Ёвон майдони варзишии муосир сохта мешавад
Дар шаҳру ноҳияҳои вилояти Суғд беш аз 2 ҳазор километр роҳ таъмиру навсозӣ карда шуд
«Равобит бо олами Ғарб: нақши Пешвои миллат ва дипломатияи тоҷик». Таҳти чунин унвон китоби нав ба нашр расид
Пешвои миллат Эмомалӣ Раҳмон бинои нави Раёсати минтақавии Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар гурӯҳи ноҳияҳои водии Ҳисорро ифтитоҳ намуданд
Сарвари давлат Эмомалӣ Раҳмон ҶДММ «Бозори Турсунзода»-ро ба таври фосилавӣ ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Турсунзода ба фаъолияти корхонаи маҳсулоти алюминии ҶДММ «Алюминийи аввалин» оғоз бахшиданд
Пешвои миллат Эмомалӣ Раҳмон дар шаҳри Турсунзода 6 кӯдакистони хусусиро ба таври фосилавӣ мавриди истифода қарор доданд
Сарвари давлат Эмомалӣ Раҳмон дар шаҳри Турсунзода бинои Муассисаи таҳсилоти томактабии хусусии «Ғунчаҳои Истиқлол»-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Турсунзода 8 муассисаи таҳсилоти миёнаи умумиро тариқи фосилавӣ ба истифода доданд
