Ҳукумати ИМА ба Тоҷикистон тақрибан 2,5 миллион воя ваксина бар зидди COVID-19 эҳдо кард
ДУШАНБЕ, 14.12.2021. /АМИТ «Ховар»/. Иёлоти Муттаҳидаи Амрико тавассути Агентии ИМА оид ба рушди байналмилалӣ (USAID) ба Тоҷикистон 153 000 вояи ваксинаи изофӣ аз Pfizer эҳдо кард. Боқимонда 146 520 воя ваксина ҳафтаи ҷорӣ интиқол дода мешавад ва шумораи умумии онҳо ба 299 520 адад мерасад. Вояҳои ваксина тавассути механизми COVAX — ташаббуси ҷаҳонӣ барои мусоидат дар дастрасии баробар ба ваксинаҳои COVID-19 имконпазир гардид. Интиқоли имрӯза ҳаҷми умумии хайрияи ҳукумати ИМА аз ваксинҳои Pfizer (823 680) ва Модерна (1 622 500) дар Тоҷикистон ба 2 446 180 адад хоҳад расонд. Дар ин бора АМИТ «Ховар» бо истинод ба Сафорати ИМА дар Душанбе хабар медиҳад.
Бино ба иттилои манбаъ, аз моҳи марти соли 2020 Иёлоти Муттаҳидаи Амрико барои кумак ба Тоҷикистон дар мубориза бо COVID-19 ба маблағи беш аз 12 миллион доллар таҷҳизот ва дастгирии техникӣ ҷудо кардааст. Ин дастгирӣ барои хариди лавозимоти тиббӣ-санитарӣ ва таҷҳизоти муҳофизати шахсӣ, такмили лабораторияҳо, омодасозии мутахассисони соҳаи тандурустӣ ва тиб, инчунин дастгирии кӯшишҳои эмкунӣ дар Тоҷикистон истифода бурда мешавад.
«Иёлоти Муттаҳида шарикиро бо Тоҷикистон барои хотима додан ба пандемияи COVID-19, коҳиш додани таъсири харобиовари иҷтимоӣ ва иқтисодии он ва беҳтар кардани омодагӣ ба вокуниш ба авҷгирии оянда идома хоҳад дод», — гуфта шудааст дар хабари Сафорат.
Интиқоли имрӯзаи ваксинаи Pfizer ба Тоҷикистон як қисми уҳдадориҳои ҳукумати ИМА оид ба эҳдо кардани 1,1 миллиард вояи ваксинаи COVID-19 ба кишварҳои эҳтиёҷманд – бехатар, одилона ва бидуни шарт мебошад. Дар саросари ҷаҳон Иёлоти Муттаҳида аллакай беш аз 5,7 миллиард доллари ИМА кумак барои мубориза бо COVID-19 фиристодааст ва расонидани кумаки бештар дар назар аст.
Роҳбари намояндагии USAID дар Тоҷикистон Питер Райли бо ишора ба муваффақияти маъракаи эмгузаронии Тоҷикистон, ки аллакай беш аз 40 дарсади аҳолии кишварро фаро гирифтааст, чунин иброз дошт: «Мо ният дорем, ки Тоҷикистон то моҳи сентябри соли оянда дар доираи барномаи эмкунӣ ба 70 дарсади пурраи эмкунӣ бирасад, ки ин як қисмати ташаббуси маъмурияти Президент Байден- «Ҷаҳонро эм кунед!» мебошад».
АКС: Сафорати ИМА дар Тоҷикистон
Вайрон намудани қоида ва меъёрҳои истифодаи қувваи барқ ҷиноят аст
Эмомалӣ Раҳмон: «Масъалаи талафоти неруи барқ ва истифодаи ғайриқонунии он дар ҷумҳурӣ ташвишовар аст»
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
