31 январ вазоратҳои энергетика ва захираҳои об, фарҳанг, кишоварзӣ ва Хадамоти алоқа нишасти матбуотӣ баргузор менамоянд

ДУШАНБЕ, 31.01.2022 /АМИТ «Ховар»/. 31 январ Вазорати энергетика ва захираҳои оби Ҷумҳурии Тоҷикистон, Вазорати фарҳанги Ҷумҳурии Тоҷикистон, Вазорати кишоварзии Ҷумҳурии Тоҷикистон, Академияи илмҳои кишоварзии Тоҷикистон, Хадамоти алоқаи назди Ҳукумати Ҷумҳурии Тоҷикистон оид ба ҷамъбасти соли 2021 нишасти матбуотӣ баргузор менамоянд.

Нишасти матбуотии Вазорати фарҳанг соати 09:00 дар Вазорати фарҳанг доир мешавад.

Хадамоти алоқа нишасти матбуотиро соати 11:00 дар Маркази тиҷоратии «Созидание», ошёнаи 2 баргузор менамояд.

Вазорати кишоварзӣ дар якҷоягӣ бо Академияи илмҳои кишоварзӣ нишасти матбуотиро соати 14:00 дар маҷлисгоҳи Донишгоҳи аграрии Тоҷикистон ба номи Шириншоҳ Шоҳтемур доир менамоянд.

Нишасти матбуотии Вазорати энергетика ва захираҳои об соати 15:00 дар вазорати мазкур доир мешавад.

Масъулини вазорату идораҳо ва ташкилоту муассисаҳое, ки дар ҳудуди шаҳри Душанбе фаъолият мекунанд, вақти баргузории нишастҳои матбуотиро бо АМИТ «Ховар» тавассути телефонҳои 238-54-23, 888-08-34-04 мувофиқа намоянд.

Эълонҳо оид ба вақт ва макони баргузоршавии нишастҳои матбуотӣ ҳар рӯзи корӣ дар сомонаи АМИТ «Ховар» —www.khovar.tj  бо забонҳои тоҷикӣ ва русӣ нашр карда мешаванд.