Беморхонаи клиникии шаҳрии Хуҷанд ба таъмиру таҷдид фаро гирифта шуд
ДУШАНБЕ, 17.01.2022 /АМИТ «Ховар»/. Дар асоси дастуру ҳидоятҳои Президенти Ҷумҳурии Тоҷикистон муҳтарам Эмомалӣ Раҳмон бинои чорошёнаи ҷарроҳию табобатии Беморхонаи клиникавии шаҳрии №1- и шаҳри Хуҷанд ба таҷдиду навсозӣ фаро гирифта шуд. Дар ин бора корманди хадамоти матбуоти Раиси вилояти Суғд Андар Раҳмонӣ ба АМИТ «Ховар» хабар дод.
16 январ Раиси вилояти Суғд Раҷаббой Аҳмадзода бо ҷараёни таҷдиду навсозӣ дар бинои асосии ҷарроҳию табоботии Беморхонаи клиникавии шаҳрии №1- и шаҳри Хуҷанд шинос шуд. Ин беморхона ҳанӯз соли 1972 мавриди баҳрабардорӣ қарор гирифта, то ҳол аз таъмири куллӣ бароварда нашуда буд. Дар бинои мазкур шуъбаҳои қабул, эҳё, ҷарроҳии фасоднок, ҷарроҳии калонсолон, осеби хурдсолон, осеби калонсолон, бемориҳои сӯхта, ҷарроҳии бачагона, корпуси ҷарроҳигузаронӣ ва ғайраҳо ҷойгир карда шуда, маҷмуан беш аз 250 кати табобатӣ дорад.
Раҷаббой Аҳмадзода зимни шиносоӣ бо лоиҳаи ангории таҷдиду навсозии бинои ҷарроҳию табобатии беморхона иброз намуд, ки талаботи замони муосир моро водор месозад, ки ба шароити табобату муолиҷа ва барқароркунии саломатии шаҳрвандон аҳамияти хосса диҳем, аз ин рӯ тасмим гирифта шуд, ки бинои мазкур мавриди навсозӣ қарор дода шавад.
Раиси вилоят ба роҳбарияти шаҳр ва сохтмончиён ҷиҳати анҷом додани корҳои босифати сохтмонӣ, аз ҷумла, батартибдарории ҳудуди беморхона, деворҳои иҳотавӣ, ҷӯйборҳо, роҳрав, истгоҳи мошинҳо ва муҳайё кардани шароити мусоид баҳри муолиҷаву дидорбинии беморону корафтодагон дастуру супоришҳои мушаххас дод.
Ҳоло корҳои сохтмонӣ аз тарафи ҶДММ «Сохтмонворидот» ҷараён дошта, беш аз 40 нафар сохтмончиёни маҳаллӣ бо кор машғуланд.
Дар интиҳои боздид аз ҷониби Раиси вилоят Раҷаббой Аҳмадзода ва кормандони соҳаи тиб дар ҳудуди беморхона ниҳолҳои ҳамешасабз шинонида шуданд.
АКСҲО: Хадамоти матбуоти Раиси в. Суғд
Наваскарони қисмҳои ҳарбии Вазорати мудофиаи Тоҷикистон савганди садоқат ёд намуданд
Дар Муассисаи давлатии «Боғи Ирам» даври сеюми Фестивал-озмуни «Беҳтарин армуғон» баргузор мешавад
Дар Хатлон ба иштирокчии Ҷанги дуюми ҷаҳонӣ туҳфаҳои моддию молиявӣ тақдим карда шуд
Зулфиқор Гулаҳмадзода: «Ба тарбияи ватандӯстии шаҳрвандон бояд ба тарзи бефосила, бетанаффус ва доимӣ машғул шавем»
ҲИФЗИ ВАТАН ВА ҲИМОЯИ ҲАЁТИ ОСОИШТАИ МАРДУМ. Ин амал барои ҳар шаҳрванди огоҳу соҳибватан вазифаи муқаддас аст
Дар Душанбе чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд
ГУЛЕ, КИ ТАРБИЯТ АЗ ДАСТИ БОҒБОН НАГИРИФТ. Чаро баъзе аз падару модарон ба таълиму тарбияи фарзандон беаҳамиятӣ зоҳир мекунанд?
Президенти Тоҷикистон: «50 фоизи аҳолии қобили меҳнати Тоҷикистон ба Ҷанги дуюми ҷаҳон ҷалб шуда буд»
Дар Душанбе пайвастшавии 3300 иншоот ба шабакаҳои гармдиҳӣ ба нақша гирифта шудааст
Дар Хатлон бо иштироки 25 оилаи намунавӣ даври вилоятии озмуни «Оилаи беҳтарин» ҷамъбаст гардид
Эмомалӣ Раҳмон: «Дар Ҷанги дуюми ҷаҳонӣ 55 нафар афсарону сарбозони тоҷик ба унвони баланди «Қаҳрамони Иттиҳоди Шуравӣ» мушарраф гардиданд»
Туҳфаи Президенти Тоҷикистон ба ду иштирокчии Ҷанги дуюми ҷаҳонӣ дар Ҳисор расонида шуд
