Дар Душанбе масъалаи пешгирии бемориҳои сироятии мавсимӣ баррасӣ шуд
ДУШАНБЕ, 14.01.2022 /АМИТ «Ховар»/. 13 январ дар Муассисаи давлатии «Маркази назорати давлатии санитарию эпидемиологии шаҳри Душанбе» ҷаласаи навбатии Раёсати тандурустии мақомоти иҷроияи ҳокимияти давлатии шаҳри Душанбе бо иштироки сардори Раёсат, зерсохторҳои Раёсати тандурустӣ ва роҳбарони муассисаҳои тандурустӣ баргузор гардид, хабар медиҳад АМИТ «Ховар» бо истинод ба Раёсати тандурустии мақомоти иҷроияи ҳокимияти давлатии шаҳри Душанбе.
Сардори Раёсат Хушвахт Шарифзода зикр намуд, ки бояд фаъолияти асосӣ ба баланд бардоштани фарҳанги тиббии мардум нисбат ба бемориҳои сироятӣ, аз ҷумла бемории сил равона карда шавад.
Дар ҷаласа масъалаҳои пешгирӣ аз бемориҳои сироятии мавсимӣ, камхунӣ дар байни занони ҳомила, фарбеҳӣ дар байни наврасону ҷавонон ва пиронсолон, дар шаҳри Душанбе пурзӯр намудани тадбирҳои саривақтӣ, махсусан эмгузаронии оммавии сокинони пойтахт, амалӣ намудани корҳои фаҳмондадиҳӣ миёни аҳолӣ, назорати риояи қоидаҳои беҳдоштӣ ва дигар самтҳои хизматрасонии тиббӣ мавриди баррасӣ қарор гирифтанд.
Ҳадаф аз баргузории чунин ҷаласаҳо дар сатҳи баланд таъмин намудани хизматрасонии тиббӣ ба аҳолии пойтахт, рафъи камбудиҳои ҷойдошта дар дигар муассисаҳои табобатию пешгирикунандаи зерсохтори Раёсати тандурустии шаҳри Душанбе мебошад.
Дар интиҳо дар самти таъмини хизматрасонии босифати тиббӣ ба аҳолӣ ба масъулин дастуру супоришҳо дода шуд.
АКС: Раёсати тандурустии МИҲД-и ш. Душанбе
Ҳамкории Тоҷикистон ва Иттиҳоди Аврупо дар самти ҳуқуқи инсон тақвият меёбад
СОЛИ ТАҚВИЯТУ ТАҲКИМИ ХУДШИНОСИВУ ХУДОГОҲИИ МИЛЛӢ. Доир ба масоили ҳувияти миллӣ ва амнияти давлат ҳамоиши илмӣ баргузор шуд
Оид ба татбиқи нақшаи амали Стратегияи миллии фаъолгардонии нақши занон дар Тоҷикистон конференсия доир шуд
Дар Институти геология, сохтмони ба заминҷунбӣ тобовар ва сейсмология Маркази мониторинги сейсмикӣ ба истифода дода шуд
Намояндагони Сафорати Тоҷикистон дар Федератсияи Русия бо донишҷӯёни тоҷик вохӯрӣ намуданд
Дар Душанбе масъалаи ифлосшавии ҳавои атмосферӣ дар мамлакат баррасӣ гардид
Дар Тоҷикистон барои беҳтар намудани хизматрасонии тиббӣ иқдоми нав амалӣ мегардад
Тоҷикистону Чин дар бахши тандурустӣ Ёддошти ҳамкории сеҷониба ба имзо расониданд
«БАҲОРИ ҶАВОНӢ — НАВРӮЗИ ҶАҲОНӢ». Дар вилояти Суғд Фестивали ҷумҳуриявии дӯстии ҷавонон оғоз гардид
МАСЪУЛИЯТ БАРОИ ТАЪЛИМУ ТАРБИЯИ КӮДАК. Судяҳои ноҳияи Фирдавсӣ бо волидону хонандагон вохӯрӣ намуданд
Дар Душанбе оид ба нақши занон дар эҳёи суннатҳои наврӯзӣ форуми байналмилалӣ баргузор гардид
Байни Тоҷикистон ва Узбекистон дар соҳаи таҳсилоти касбӣ Ёддошти тафоҳум ба имзо расонида шуд
