Дар Қувваҳои Мусаллаҳи Тоҷикистон соли хониш оғоз гардид
ДУШАНБЕ, 05.01.2022 /АМИТ «Ховар»/. Аз аввали моҳи январи соли 2022 дар Қувваҳои Мусаллаҳи Ҷумҳурии Тоҷикистон шашмоҳаи якуми соли хониш оғоз гардид. Дар ин бора аз Вазорати мудофиаи Ҷумҳурии Тоҷикистон ба АМИТ «Ховар» хабар доданд.
Ба ин муносибат дар толори асосии Вазорати мудофиа бо иштироки сардори Ситоди генералӣ, муовинон ва мушовирони Вазири мудофиа, фармондеҳони навъҳои қӯшун, сардорони раёсатҳо, шуъбаю хадамоти алоҳидаи дастгоҳи марказӣ ва Ситоди генералӣ бо садо додани Суруди миллӣ ҳамоиши тантанавӣ баргузор гардид.
Сардори Ситоди генералии Қувваҳои Мусаллаҳ-муовини якуми Вазири мудофиаи ҷумҳурӣ Эмомалӣ Собирзода доир ба вазъи имрӯзаи ҷаҳони муосир, таҳдиду хатарҳои эҳтимолӣ ва авзои мураккаби ҳарбӣ-сиёсии минтақа сухан гуфт. Мавсуф иброз дошт, ки ҳайати роҳбариву фармондеҳии сатҳу зинаҳои гуногунро зарур аст дар чунин шароити пуртазод барномаҳои таълимӣ ва мавзуъҳои барои давраи таҳсил пешбинигардидаро зери назорати қатъӣ гирифта, донишҳои соҳавии ҳайати шахсиро боз ҳам тақвият бахшанд ва бо масъулияти касбиву вазифавӣ дар самти баланд бардоштани иқтидори мудофиавии кишвар саҳм гузоранд.
Ҳамин гуна ҷамъомадҳо дар тамоми ҷузъу томи Қувваҳои Мусаллаҳ дар сатҳи зарурӣ баргузор гардида, хизматчиёни ҳарбӣ дар доираи дастуру нақшаҳои таҳиягардидаи ин даври таҳсил дар нуқтаҳои таълимӣ ба дарсҳо аз фанҳои тахассусӣ ва омӯзиш дар машғулияти муайяншуда ҷалб гардиданд.
Ҳамасола дар Қувваҳои Мусаллаҳи кишвар ду давраи хониш доир мегардад. Шашмоҳаи якуми соли хониш аз моҳи январ оғоз гардида, то моҳи июн идома меёбад, нимсолаи дуюм аз моҳи июл то моҳи ноябр давом мекунад. Дар ҳарду давраи соли хониш як моҳ таътил дода мешавад, ки дар ин давра, хизматчиёни ҳарбӣ ба омода намудани синфхонаҳои таълимӣ, майдончаҳои тактикӣ, муҳандисию сафороӣ, варзишӣ ва пурра мутобиқ намудани пойгоҳҳои моддиву таълимӣ машғул мешаванд.
АКС аз Вазорати мудофиаи ҶТ
СААД баимзорасии Шартнома байни Тоҷикистон ва Қирғизистон дар бораи сарҳади давлатиро истиқбол менамояд
Барои кормандзанони мақомоти корҳои дохилӣ барномаи идонаи бошукуҳ доир гардид
Дар Душанбе ҷаласаи Комиссияи даъвати ҷумҳуриявӣ баргузор шуд
Котиби Шурои амнияти Ҷумҳурии Тоҷикистон бо Директори Кумитаи иҷроияи Сохтори минтақавии зиддитеррористии СҲШ мулоқот намуд
«БЕҲТАРИН РАСМИ МОДАР ВА ДУХТАР БО ЛИБОСИ МИЛЛӢ». Таҳти ин унвон озмун баргузор мегардад
Сарфармондеҳи Олии Қувваҳои Мусаллаҳ: «Артиши миллии Тоҷикистон ба яке аз рукнҳои муҳимми давлатдории навини тоҷикон мубаддал гардидааст»
ИМРӮЗ — РӮЗИ ТАЪСИСИ ҚУВВАҲОИ МУСАЛЛАҲИ ТОҶИКИСТОН. Давлат бо Артиши миллӣ муқтадиру пойдор мемонад
СИПАҲСОЛОРИИ ПЕШВОИ МИЛЛАТ. Артиши миллӣ — артиши дар ибтидо пароканда ва номукаммале, ки имрӯз ба қувваи бузург ва ифтихори тоҷикон табдил ёфтааст
ҶОННИСОР, ШАБЗИНДАДОР ВА БОИСИ ИФТИХОР! Имрӯз Артиши миллии Ҷумҳурии Тоҷикистон сипари боэътимоди давлат ва миллат аст
ЗАНОНИ НИЗОМИПӮШ. Дар баробари зан-модар будан масъулияти ҳимояи Ватанро низ бар дӯш доранд
Эмомалӣ Раҳмон: «Ҳимояи Ватан ва ҳаёти осоиштаи мардум барои ҳар ҷавонмарди бонангу номус вазифаи муқаддас ва пуршараф ба ҳисоб меравад»
Дар шаҳри Бишкек ҷаласаи муштараки ҳайатҳои ҳукуматии Тоҷикистону Қирғизистон оид ба делимитатсия ва демаркатсияи сарҳади давлатӣ баргузор шуд
