Дастаи мунтахаби наврасони Тоҷикистон дар Мусобиқаи байналмилалии «Ҷоми рушд-2021» иштирок мекунад

ДУШАНБЕ, 09.01.2022 /АМИТ «Ховар»/. Дастаи мунтахаби наврасони Тоҷикистон (U-16) дар Мусобиқаи 18-уми байналмилалии «Ҷоми рушд-2021», ки аз 5 то 14 феврал дар пойтахти Беларус – шаҳри Минск доир мегардад, иштирок мекунад. Дар ин бора АМИТ «Ховар» бо истинод ба Федератсияи футболи Тоҷикистон хабар медиҳад.

Барои ғолибият дар мусобиқа даҳ даста мубориза мебаранд. Дастаи мунтахаби наврасони Тоҷикистон оид ба футбол (U-16) дар Мусобиқаи байналмилалии «Ҷоми рушд-2021» дар гурӯҳи «А» бо дастаҳои мунтахаби наврасони Беларус (U 17), Қазоқистон, Озарбойҷон ва Эрон вомехӯрад.

Ба гурӯҳи «В» дастаҳои мунтахаби Беларус (U-16), Молдова, Баҳрайн, Узбекистон и Исроил шомил шуданд.

Мусобиқаи анъанавии зимистона дар толори футболи Минск тибқи системаи даврӣ дар як давр баргузор мешавад. Ғолиб аз рӯи холҳои бадастоварда муайян мегардад.

 Мусобиқаи байналмилалии «Ҷоми рушд-2021» дар Минск

 Гурӯҳи «А»: Беларус (U-17), Қазоқистон, Озарбойҷон, ТОҶИКИСТОН, Эрон.

Гурӯҳи «В»: Беларус (U-16), Молдова, Баҳрайн, Узбекистон, Исроил.

Акс: ФФТ