РОҲИ ДУШАНБЕ-ЧАНОК КУШОДА ШУД. Роҳ пас аз фаромадани 17 тарма тоза карда шуда, ҳаракати нақлиёт дар ду самт оғоз гардид
ДУШАНБЕ, 04.01.2022 /АМИТ «Ховар»/. Ҳаракати нақлиёт дар роҳи мошингарди Душанбе-Чанок аз нав ба роҳ монда шуд. Кормандони ширкати нигоҳдории роҳ барфтӯдаҳоро бартараф намуданд ва ҳаракати мошинҳо дар ду самт миёни Душанбе ва Хуҷанд роҳандозӣ гардид. Дар ин бора ба АМИТ «Ховар» аз идораи ширкати IRS иттилоъ доданд.
Тайи рӯзҳои охир дар баландкӯҳҳои Тоҷикистон бориши барф афзоиш ёфтааст. Наҷотдиҳандагон ҳушдор додаанд, ки дар масири кӯҳии Душанбе-Чанок, муҳимтарин роҳи васлкунандаи шимолу ҷануби Тоҷикистон вазъияти хавфноки тармафароӣ ба вуҷуд омадааст.
Бинобар ин Раёсати БДА-и Вазорати корҳои дохилии Тоҷикистон тасмим гирифт, ки роҳи мошингард баста шавад. Намояндаи IRS Далери Абдулло гуфт, миқдори фаромадани тарма дар ин масир афзоиш ёфта, ҳудуди 20 километр — аз километри 62 то 82 -ро фаро мегирад.
«Агар дирӯз 14 тарма ба қайд гирифта шуда бошад, ҳоло шумораи онҳо ба 17 адад расидааст. Баландии тарма дар баъзе ҷойҳо ба 15 метр расида, ҳудуди 35 мошин ба ин минтақа сафарбар шудааст», — гуфт Далери Абдулло.
Ба гуфтаи ӯ, шоми 3 декабр кормандони Вазорати корҳои дохилӣ, Вазорати нақлиёт ва ҳамчунин мақомоти маҳаллии ноҳияи Варзоб ба маҳалли тармафароӣ омаданд. «Ду мошин зери тарма монда, мусофиронро кормандони IRS наҷот доданд. Ягон кас ҳалок ё захмӣ нашудааст. Дар маҷмӯъ, тақрибан 25 мошин дар минтақаи тарма дар мондаанд ”- иброз дошт сухангӯи IRS.
Ба гуфтаи ӯ, имрӯз, 4 январ, ҳаракати нақлиёт дар ду самт -навоҳии Айнӣ ва Варзоб қатъ карда шуд.
Ёдовар мешавем, ки филиали ширкати бритониёии IRS бар асоси тавофуқ бо ҳукумати Тоҷикистон аз соли 2009 нигоҳдорӣ ва тармими роҳи Душанбе-Хуҷандро дар масофаи 358 километр бар уҳда дорад.
АКС: IRS
МАВҚЕЪГИРИИ СИЁСӢ ВА АРЗЁБИИ МУШКИЛОТИ ИМРӮЗ. Андешаҳо дар ҳошияи суханронии Президенти Тоҷикистон дар мулоқот бо фаъолону намояндагони ҷомеа ва ходимони дин
Владимир Путин ба Эмомалӣ Раҳмон: Ҳеҷ неруе наметавонад муносибатҳои бародаронаи мардумони ду давлатро халалдор намояд
Маҷлиси Ҳукумати Ҷумҳурии Тоҷикистон баргузор гардид
Чанд андеша дар ҳошияи сафари расмии Президенти Тоҷикистон муҳтарам Эмомалӣ Раҳмон ба Аврупо
ШАРИКИИ СТРАТЕГӢ ТАҚВИЯТ МЕЁБАД. Яке аз самтҳои муҳиму афзалиятноки сиёсати хориҷии Тоҷикистонро ҳамсоягии нек бо давлатҳои минтақа ташкил медиҳад
Шавкат Мирзиёев: «Узбекистон минбаъд низ кӯшишҳои самимонаи мардуми шарафманд ва меҳнатдӯсти тоҷикро дастгирӣ менамояд»
Шавкат Мирзиёев: «Узбекистон минбаъд низ дар паҳлуи Тоҷикистон меистад»
ТАШАККУЛИ МАКТАБИ ЗЕҲНГАРОЁНАИ ИДОРАКУНӢ ДАР СИЁСАТИ ҶУМҲУРИИ ТОҶИКИСТОН. Мулоҳизаҳои докторони илми фалсафа Хайриддин Усмонзода ва Саидмурод Фаттоҳзода
Президенти Тоҷикистон: «Сарфакорона истифода бурдани обу неруи барқро дар тамоми фаслҳои сол, ҳатто дар тобистон қатъиян таъмин намоем»
Президенти Тоҷикистон: «Бояд ҳамеша сарҷамъ ва дар зери парчами миллиамон муттаҳид бошем»
ХАЙРУ САДАҚОТ – СУННАТИ НЕК. Андешаҳои вакили Маҷлиси намояндагон Файзулло Баротзода дар ин мавзуъ
Эмомалӣ Раҳмон: «Ба ҷойи намоишкориву исрофкорӣ мо бояд кӯшиш кунем, ки барои таълиму тарбияи фарзандонамон шароити беҳтарин муҳайё созем»
