«30 СОЛИ ҲАМБАСТАГИИ ҶАВОНОН БО ПЕШВОИ МИЛЛАТ». Дар АМИТ «Ховар» аксияи ҷумҳуриявӣ доир шуд
ДУШАНБЕ, 8.02.2022. /АМИТ «Ховар»/. Бо ташаббуси дастгоҳи марказии Иттифоқи ҷавонони Тоҷикистон дар шаҳри Душанбе ва бо иштироки масъулини Иттифоқи ҷавонони Тоҷикистон дар Агентии миллии иттилоотии Тоҷикистон «Ховар» таҳти унвони «30 соли ҳамбастагии ҷавонон бо Пешвои миллат» аксияи ҷумҳуриявӣ баргузор гардид.
Зимни баргузории аксияи мазкур ба роҳбарият ва кормандони АМИТ «Ховар» тақвими соли 2022-и Иттифоқи ҷавонони Тоҷикистон бо навиштаҷоти «30 соли ҳамбастагии ҷавонон бо Пешвои миллат» дастрас карда шуд.
Роҳбари дастгоҳи Иттифоқи ҷавонони Тоҷикистон Давлатҷон Ғаффорзода иброз дошт, ки аксияи мазкур бо мақсади таблиғи дастовардҳои истиқлолияти давлатӣ, инчунин 30-солагии таъсиси Иттифоқи ҷавонони Тоҷикистон роҳандозӣ гардида, барои ба марҳилаи нави давлатдорӣ ва созандагиву бунёдкорӣ ҷалб кардани қувваи ҷавонон равона шудааст.
Мавриди зикр аст, ки Иттифоқи ҷавонони Тоҷикистон давоми 30 соли фаъолият ҳамчун ниҳоди ҷомеаи шаҳрвандӣ тавонист сиёсати пешгирифтаи Пешвои миллатро мунтазам дастгирӣ карда, ба ташаббусҳои созандаи давлату Ҳукумати кишвар ва таъмини нақши устувори ҷавонони тоҷик дар пешрафт ва шукуфоии Тоҷикистон ҳамовозӣ намояд
Бояд тазаккур дод, ки Пешвои миллат аз рӯзи аввали фаъолият ба кадрҳои ҷавон бовар карда, ҳамеша иқдомҳои наҷиби ҷавононро дастгирӣ менамоянд. Сарвари давлат борҳо иброз доштаанд, ки ҷавонон ва неруи созандаи онҳо барои ояндаи давлату миллат заруранд.
Тайи 30 соли истиқлолият ҷавонони кишвар дар амри расидан ба ҳадафҳои бузурги миллӣ саҳми назаррас гузоштанд. Ҳукумати Ҷумҳурии Тоҷикистон, хосса Пешвои миллат ба маҷмӯи дастовард, ташаббусу корномаҳои ҷавонон пайваста таҳсин мехонанд ва ба фаъолияти ҷавонони мамлакат баҳои баланд медиҳанд.
АКСҲО: Тоҳир Саид/АМИТ «Ховар»
Ҳамкории Тоҷикистон ва Иттиҳоди Аврупо дар самти ҳуқуқи инсон тақвият меёбад
СОЛИ ТАҚВИЯТУ ТАҲКИМИ ХУДШИНОСИВУ ХУДОГОҲИИ МИЛЛӢ. Доир ба масоили ҳувияти миллӣ ва амнияти давлат ҳамоиши илмӣ баргузор шуд
Оид ба татбиқи нақшаи амали Стратегияи миллии фаъолгардонии нақши занон дар Тоҷикистон конференсия доир шуд
Дар Институти геология, сохтмони ба заминҷунбӣ тобовар ва сейсмология Маркази мониторинги сейсмикӣ ба истифода дода шуд
Намояндагони Сафорати Тоҷикистон дар Федератсияи Русия бо донишҷӯёни тоҷик вохӯрӣ намуданд
Дар Душанбе масъалаи ифлосшавии ҳавои атмосферӣ дар мамлакат баррасӣ гардид
Дар Тоҷикистон барои беҳтар намудани хизматрасонии тиббӣ иқдоми нав амалӣ мегардад
Тоҷикистону Чин дар бахши тандурустӣ Ёддошти ҳамкории сеҷониба ба имзо расониданд
«БАҲОРИ ҶАВОНӢ — НАВРӮЗИ ҶАҲОНӢ». Дар вилояти Суғд Фестивали ҷумҳуриявии дӯстии ҷавонон оғоз гардид
МАСЪУЛИЯТ БАРОИ ТАЪЛИМУ ТАРБИЯИ КӮДАК. Судяҳои ноҳияи Фирдавсӣ бо волидону хонандагон вохӯрӣ намуданд
Дар Душанбе оид ба нақши занон дар эҳёи суннатҳои наврӯзӣ форуми байналмилалӣ баргузор гардид
Байни Тоҷикистон ва Узбекистон дар соҳаи таҳсилоти касбӣ Ёддошти тафоҳум ба имзо расонида шуд
