Дар Тоҷикистон баҳогузорӣ ба сифат ва сатҳи азхуднамоии барномаҳои таълимӣ ба раванди меъёрҳои фаннию касбӣ мутобиқ карда мешавад
ДУШАНБЕ, 14.02.2022. /АМИТ «Ховар»/. Агентии назорат дар соҳаи маориф ва илми назди Президенти Ҷумҳурии Тоҷикистон тасмим гирифтааст, ки соли 2022 индикатор ва меъёрҳои муайянкунандаи сифати таҳсилот ва сатҳи донишазхудкуниро дар мувофиқа ва ҳамкорӣ бо Вазорати маориф ва илми Ҷумҳурии Тоҷикистон таҷдиди назар карда, баҳогузорӣ ба сифат ва сатҳи азхуднамоии барномаҳои таълимиро ба раванди ислоҳот ва стандартҳои фаннию касбӣ мутобиқ намояд.
Дар ин бора имрӯз зимни нишасти матбуотии Агентии назорат дар соҳаи маориф ва илми назди Президенти Ҷумҳурии Тоҷикистон директори ин ниҳод Шоҳин Саидзода ба доираи васеи хабарнигорон хабар дод.
Иттилоъ дода шуд, ки аз ҷониби кормандони Агентӣ ҷиҳати арзёбӣ намудани сифати таҳсилот, омӯзиши фанҳои риёзӣ, дақиқ, табиӣ, технологияҳои иттилоотӣ ва аз худ намудани забонҳои русӣ ва англисӣ давоми соли ҳисоботӣ омӯзиш ва мониторинги сифати таҳсилот тибқи нақшаи корӣ дар ҳамаи зинаҳои таҳсилот гузаронида шуд.
Дар соли сипаригардида тибқи нақшаи кори Агентӣ барои муайян намудани сифати таҳсилот ва сатҳи донишазхудкунии хонандагону донишҷӯён дар 831 муассисаи таълимӣ санҷиш гузаронида шуд. Натиҷаи санҷиш нишон дод, ки дар муассисаҳои таҳсилоти умумии санҷидашудаи шаҳру ноҳияҳои ҷумҳурӣ сатҳи донишазхудкунии хонандагон 77,6 фоиз ва сифати таҳсилот 38,4 фоизро ташкил медиҳад.
Ёдовар мешавем, ки Ассосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатиашон ба Маҷлиси Олии Ҷумҳурии Тоҷикистон иброз доштанд, ки «… раванди таҳсил дар муассисаҳои таълимӣ ба низоми муайян даромадааст, зарур аст, ки барои боз ҳам баланд бардоштани сатҳу сифати таҳсилот, омода кардани кадрҳои баландихтисос, омӯхтани забони давлатӣ, таъриху фарҳанги бостонии халқи тоҷик, боло бурдани завқу рағбати хонандагон ба омӯзиши фанҳои риёзӣ, дақиқ, табиӣ, технологияҳои иттилоотӣ ва аз худ кардани забонҳои русиву англисӣ таваҷҷуҳи аввалиндараҷа зоҳир карда шавад».
АКСҲО: АМИТ «Ховар»
Дар Тоҷикистон корҳои омодагӣ барои истироҳати тобистонаи кӯдакон ва наврасон оғоз гардид
Дар Вазорати меҳнат, муҳоҷират ва шуғли аҳолии Тоҷикистон татбиқи методологияи таҳлили хавфҳои коррупсионӣ баррасӣ шуд
Ҳайати Тоҷикистон дар ҷаласаи 70-уми Комиссияи Созмони Милали Муттаҳид оид ба мақоми зан иштирок дорад
ГРАНТИ ПРЕЗИДЕНТӢ. Занони хоҳишманд метавонанд лоиҳаҳои грантиро пешниҳод намоянд
Дар Тоҷикистон ҳавои номусоид то 11 март боқӣ мемонад
Эмомалӣ Раҳмон: «Модарон дар тарбияи насли нав масъулияти беназир доранд»
Табиат мекунад моро табобат! Сиёҳалаф дорои витаминҳои табиӣ мебошад
Пешвои миллат: «Занон дар ҳама соҳаҳои рушди Тоҷикистон саҳми арзанда доранд»
Эмомалӣ Раҳмон: «Модарон намунаи ахлоқ ва масъулияти ҷомеа мебошанд»
Эмомалӣ Раҳмон: «Донишмандии зан омили пешрафти тамоми миллат аст»
ЗАН БЕҲТАРИН ВА ОХИРИН ТУҲФАИ ОСМОНӢ АСТ. Гуфтаҳои бузургон дар васфи Зан – Модар
ҲАМДУ САНО БА ЗАН-МОДАР, КИ МУҲАББАТИ Ӯ ИНТИҲО НАДОРАД. Иқтибосҳо аз суханрониҳои Президенти Тоҷикистон Эмомалӣ Раҳмон
