Дар Шаҳринав оид ба таҷлили 35-солагии Истиқлоли давлатии Тоҷикистон ҷаласаи корӣ баргузор шуд
ДУШАНБЕ, 05.02.2022 /АМИТ «Ховар»/. 4 феврал дар мақомоти иҷроияи ҳокимияти давлатии ноҳияи Шаҳринав доир ба иҷрои Фармони Президенти Ҷумҳурии Тоҷикистон «Дар бораи ҷашн гирифтани 35- солагии Истиқлоли давлатии Ҷумҳурии Тоҷикистон» ҷаласаи васеъ доир гардид, хабар доданд дар мақомоти иҷроияи ҳокимияти давлатии ноҳия ба АМИТ «Ховар».
Дар кори он намояндаи Ҳукумати Ҷумҳурии Тоҷикистон Юсуф Акрамзода ва раиси ноҳияи Шаҳринав Ҷаббор Носирзода иштирок намуданд.
Дар ҷамъомади корӣ зикр гардид, ки Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатӣ ба Маҷлиси Олии Ҷумҳурии Тоҷикистон дар баробари баррасии масъалаҳои муҳими иқтисодию иҷтимоии мамлакат пешниҳод намуданд, ки соли 2026 35 -солагии Истиқлоли давлатии Ҷумҳурии Тоҷикистон ботантана таҷлил карда шавад. Вобаста ба ин ҷиҳати таҳкими Истиқлоли давлатии Ҷумҳурии Тоҷикистон, ҳифзу густариши арзишҳои миллӣ ва таъмини рушди босуботи ҷомеа аз 7 январи соли 2022 Фармони Президенти Ҷумҳурии Тоҷикистон ба тасвиб расид, ки дар он вазифаҳо доир ба таҷлили сазовори ин ҷашни муҳими таърихӣ ба таври мушаххас баён гардидаанд.
“Ҷиҳати татбиқи ҳамаҷонибаи Фармони Президенти Ҷумҳурии Тоҷикистон дар бораи таҷлили 35-солагии Истиқлоли давлатии Ҷумҳурии Тоҷикистон аз 1 феврали соли равон қарори раиси ноҳия ба тасвиб расида, дар он ҳайати Кумитаи тадорукот, нақшаи чорабиниҳои мақомоти иҷроия, Комиссия оид ба сохтмони иншооти ҷашнӣ, гурӯҳҳо ва зергурӯҳҳои корӣ, тақвими вохӯрии гурӯҳҳои таблиғотию ташвиқотии мақомоти иҷроияи ҳокимияти давлатии ноҳия тасдиқ карда шуданд. Вазифаҳои сохторҳои масъул доир ба таҷлили ин ҷашни таърихӣ дар давраи омодагиҳо ба ҷашн ба таври мушаххас муайян карда шудаанд”, зикр дошт раиси ноҳияи Шаҳринав Ҷаббор Носирзода зимни ҷаласаи корӣ.
Ҳамзамон намояндаи Ҳукумати Ҷумҳурии Тоҷикистон Юсуф Акрамзода ҷиҳати расонидани дастуру супоришҳои Сарвари давлат ва Ҳукумати Ҷумҳурии Тоҷикистон иброз намуд, ки баҳри таҷлили сазовори ҷашни 35-солагии Истиқлоли давлатии Ҷумҳурии Тоҷикистон ҳамагон бояд аз ҳамин рӯз камари ҳиммат банданд.
АКСҲО: мақомоти иҷроияи ҳокимияти давлатии ноҳияи Шаҳринав
Президенти Ҷумҳурии Тоҷикистон Эмомалӣ Раҳмон бо рафти корҳои сохтмонӣ дар бинои Театри миллӣ шинос шуданд
СОЛИ ТАҚВИЯТУ ТАҲКИМИ ХУДШИНОСИВУ ХУДОГОҲИИ МИЛЛӢ. Доир ба масоили ҳувияти миллӣ ва амнияти давлат ҳамоиши илмӣ баргузор шуд
Президенти Ҷумҳурии Тоҷикистон Эмомалӣ Раҳмон доир ба рафти омодагиҳо ба таҷлили ҷашни 35-солагии Истиқлоли давлатии Ҷумҳурии Тоҷикистон машварати корӣ доир намуданд
СОЛИ ОБОДОНИЮ СОЗАНДАГӢ. Сокинони деҳаи ба номи Ортиқ Ҷумаеви шаҳри Турсунзода бо оби нӯшокӣ таъмин шуданд
Дар доираи сафари кории Президенти Тоҷикистон дар Исфара иншооти соҳаи тандурустӣ ба истифода дода шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Мастчоҳ 735 иншоот бунёду навсозӣ гардидааст
Пешвои миллат Эмомалӣ Раҳмон дар шаҳри Исфара ба таври фосилавӣ як қатор иншооти иҷтимоиро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Исфара кони ангишти №8-и Ҷамъияти саҳомии кушодаи «Ангишт»-ро ба истифода доданд
Сарвари давлат Эмомалӣ Раҳмон дар шаҳри Исфара бо лоиҳаи азхудкунии заминҳои бекорхобида, пойгоҳи обкашӣ, сардхона, коргоҳи бастубанди мева ва хоҷагии чорводорӣ ба таври фосилавӣ шинос шуданд
Пешвои миллат Эмомалӣ Раҳмон бо сафари корӣ ба шаҳри Исфара ташриф оварданд
Дар Хатлон неругоҳи офтобӣ бо иқтидори умумии 500 мегаватт сохта мешавад
Сарвари давлат Эмомалӣ Раҳмон бинои нави Беморхонаи марказии ноҳияи Мастчоҳро ба истифода доданд
