ДАРАХТ БИНШОН! Дар Исфара 400 бех ниҳоли олу парвариш карда мешавад

Февраль 26, 2022 09:44

ДУШАНБЕ, 26.02.2022 /АМИТ «Ховар»/. Раиси шаҳри Исфара Баҳоваддин Баҳодурзода ҳамроҳ бо пирони кор ва масъулину мутахассисони бахши кишоварзӣ дар Кооперативи тиҷоратию истеҳсолии «Кишоварзони Навгилем» дар маъракаи ниҳолшинонӣ дар боғи сиёҳолу иштирок намуд. Дар ин бора АМИТ «Ховар» бо истинод ба мақомоти иҷроияи ҳокимияти давлатии шаҳри Исфара хабар медиҳад.

Зикр карда шуд, ки масоҳати боғи мазкур қариб ду гектар буда, дар он олуи сиёҳи навъи «Венгерка» парвариш карда мешавад. Дар умум дар ин қитъаи замин беш аз 400 бех ниҳоли олу парвариш мешавад.

Бино ба гуфти муовини раиси хоҷагӣ Абдумухтор Ахмедов, айни замон дар ҳудуди боғоти «Кишоварзони Навгилем» ба ғайр аз олуи сиёҳ инчунин зиёда аз 40 намуди зардолу парвариш карда мешавад.

Чун хоҷагии мазкур дар самти сабзавоткорӣ низ фаъолияти назаррас дорад, дар замини байни қаторҳо асосан сабзавот кишту парвариш карда хоҳад шуд. Ин дар оянда ҷиҳати таъмини корхонаҳои коркард бо ашёи хоми маҳаллӣ ва ғанигардонии бозори дохилӣ бо сабзавоти тару тоза мусоидат мекунад.

Мавриди зикр аст, ки айни замон дар шаҳри Исфара дар ҳамаи шаклҳои хоҷагидорӣ майдони боғот зиёда аз 13 300 гектарро ташкил медиҳад, ки аз ин 11 ҳазор гектарашро зардолузор ташкил медиҳад.

Раиси шаҳри Исфара Баҳоваддин Баҳодурзода иқдоми хоҷагидоронро ҷиҳати бунёди боғҳои нав, аз ҷумла боғи сиёҳолу шоистаи дастгирӣ ва мувофиқи матлаб ҳисобида, зимнан дастур дод, ки боғдорон бо истифода аз усулҳои муосир ва таҷрибаҳои пешқадами соҳавӣ барои бунёди боғҳои интенсивӣ ва суперинтенсивӣ низ амалан ташаббус зоҳир намоянд.

Ҳамчунон ба садорати хоҷагӣ тавсия дода шуд, ки ҷиҳати шинонидани ниҳоли дарахтони ороишӣ қад-қади роҳ мусоидат намояд.

Мардуми Исфара ҳам дар боғдорӣ ва ҳам дар хушк кардани навъҳои гуногуни мевагиҳо таҷрибаи ғании аҷдодӣ доранд. Соҳибкорони Исфара дар самти коркарду банду басти меваи хушк ва содироти он ба хориҷи кишвар пешсафанд.

 

АКС: МИҲД-и ш. Исфара

Февраль 26, 2022 09:44

Хабарҳои дигари ин бахш

ДАРАХТ БИНШОН! Корхонаи воҳиди давлатии ниҳолпарварии Ҳамадонӣ ҳар сол беш аз 100 ҳазор бех ниҳол ба фурӯш мебарорад
Дар ҳудуди Боғи «Истиқлол» зиёда аз 7 ҳазор бех дарахтони ороишӣ ва 70 ҳазор дона гулҳои садбарг шинонида шудаанд
Дар доираи ташаббуси наҷиби Пешвои миллат дар миқёси мамлакат 1,5 миллион бех ниҳол шинонида шуд
Раиси вилояти Суғд аз хоҷагиҳои деҳқонии шаҳри Панҷакент боздид намуд
«Парвариши дарахти муъҷизанок «павловния» дар Тоҷикистон манфиати зиёд дорад», — чунин пешниҳод кардааст рўзноманигори тоҷик ба соҳибкорон
Соҳибкорони вилояти Липетск дар Суғд ниҳол шинониданд
ДАРАХТ БИНШОН! Дар ноҳияи Темурмалик беш аз 500 ниҳолҳои ороишӣ шинонида шуд
Дар Истаравшан дар майдони 40 гектар боғи себ бунёд мегардад
ИҚДОМ БА ЗЕБОИПАРАСТИВУ ОЗОДАГӢ. Дар шаҳри Хоруғ Ҳафтаи гулшинонӣ эълон гардид
ДАРАХТ БИНШОН! Дар Мурғоб 4 ҳазор қаламча ва ниҳоли дарахтони бед, ки ба иқлими баландкӯҳи ноҳия мутобиқанд, шинонда шуданд
ДАРАХТ БИНШОН! Дар мавсими имсола дар Хоруғ зиёда аз 3 ҳазор бех дарахтони босамару ороишӣ шинонида мешаванд
Пешвои миллат Эмомалӣ Раҳмон барои бунёди тутзор дар Хоҷагии деҳқонии «Хурсандӣ-2»-и ноҳияи Кӯшониён дарахт шинонданд