Гулнора Ҳасанзода: «Натиҷаҳои ниҳоии барӯйхатгирии аҳолӣ ва фонди манзили марҳилаи соли 2020 солҳои 2022-2023 ҷамъбаст мегарданд»

Февраль 16, 2022 13:01

ДУШАНБЕ, 16.02.2022 /АМИТ «Ховар/. Натиҷаҳои ниҳоии барӯйхатгирии аҳолӣ ва фонди манзили марҳилаи соли 2020 бо дарназардошти коркарди сканерии мавод дар солҳои 2022-2023 дар 11 ҷилд (беш аз 135 нишондиҳанда) тибқи нақша ҷамъбаст карда шуда, дастраси истифодабарандагон гардонида мешаванд.

Дар ин бора имрӯз зимни нишасти матбуотӣ директори Агентии омори назди Президенти Ҷумҳурии Тоҷикистон Гулнора Ҳасанзода ба хабарнигорон иттилоъ дод.

Агентии омори назди Президенти Ҷумҳурии Тоҷикистон дар асоси моддаи 41  Қонуни Ҷумҳурии Тоҷикистон  «Дар бораи барӯйхатгирии аҳолӣ» ва «Нақшаи тақвимии чорабиниҳо (корҳо) оид ба тайёрӣ, гузаронидан ва паҳн намудани натиҷаҳои барӯйхатгирии аҳолӣ ва фонди манзили Ҷумҳурии Тоҷикистон дар соли 2020» натиҷаҳои пешакии барӯйхатгирии аҳолӣ ва фонди манзили Ҷумҳурии Тоҷикистон дар соли 2020-ро аз рӯи панҷ нишондиҳанда – шумораи умумии аҳолӣ, шумораи аҳолии шаҳр ва шаҳракҳо, шумораи аҳолии деҳот, шумораи мардҳо ва шумораи занҳо ҷамъбаст намуда, 12 октябри соли 2021 эълон намуд, -гуфт Гулнора Ҳасанзода.

Мавсуф ҳамчунин  зикр намуд, ки «моҳҳои январ — декабри соли 2021  дар мамлакат содироти мол 2149,6 млн долларро ташкил дод, ки нисбат ба соли 2020  52,8 фоиз зиёд аст.  Давлатҳои зерин шарикони асосии Тоҷикистон оид ба содирот мебошанд: Швейтсария – 41,7 фоиз аз ҳаҷми умумии содирот, Туркия – 10,8 фоиз, Қазоқистон – 16,8 фоиз, Афғонистон – 3,8 фоиз, Узбекистон – 6,0 фоиз, Чин – 7,4 фоиз, Русия – 3,4 фоиз, Белгия – 4,1 фоиз ва ғайра».

-Мувофиқи натиҷаҳои  ҷамъбасти соли сипаришуда, соли 2021 рушди соҳаи кишоварзии мамлакат 6,6 фоизро ташкил дод, ки ба соҳаи растанипарварӣ 5,9 фоиз ва чорвопарварӣ 8,4 фоиз рост меояд. Инчунин якчанд намуди маҳсулоти кишоварзӣ соли гузашта бештар истеҳсол гардидаанд, ба монанди ғалладонагӣ 1,4 фоиз, сабзавот 4,7 фоиз, истеҳсоли зироати полезӣ 8,2 фоиз ва ангур 11,5 фоиз зиёд истеҳсол шудааст, — афзуд директори Агентии омор Гулнора Ҳасанзода.

Ба саволи хабарнигорон вобаста ба он ки соли гузашта содироти кадом навъи маҳсулоти кишоварзӣ ба хориҷи мамлакат афзуд, муовини якуми директори Агентии омори назди Президенти Ҷумҳурии Тоҷикистон Шодмон Шокирзода посух дод, ки соли 2021  208 ҳазор тонна маҳсулоти кишоварзӣ ба хориҷи мамлакат содирот гардид, ки аз ҳама бештар пиёз — 96 ҳазор тонна мебошад.

«Инчунин соли гузашта меваи хушк ба миқдори 41,4 ҳазор тонна (нисбат ба соли 2020 2,4 баробар зиёд) ва пахта 101 ҳазор тонна (нисбат ба соли 2020 ҳазор тонна бештар) содирот шудааст,» — тазаккур дод ӯ.

 

АКСҲО: АМИТ «Ховар»

Февраль 16, 2022 13:01

Хабарҳои дигари ин бахш

Дар Душанбе масъалаи густариши ҳамкории судӣ байни Тоҷикистон ва Арабистони Саудӣ баррасӣ гардид
Барои пешгирии заҳролудшавӣ аз дуди ангишт қоидаҳои муҳими истифодаи онро бояд риоя намуд
Доктор Ҳала бинти Мазид Ат-Тувайҷирӣ: «Дар «Стратегияи дурнамои рушди Арабистони Саудӣ то соли 2030» ҳифзи ҳуқуқи инсон ҷойгоҳи хос дорад»
Тавсеи ҳамкорӣ байни мақомоти Ваколатдор оид ба ҳуқуқи инсон дар Ҷумҳурии Тоҷикистон ва Кумитаи ҳуқуқи инсони Шоҳигарии Арабистони Саудӣ баррасӣ гардид
Ҳокимияти судӣ дар Тоҷикистон такягоҳи адолат ва пояи устувори қонун аст
Пешвои миллат: «Фалсафаи ҷашни Меҳргон инсонҳоро ба адолатхоҳӣ, баробарӣ ва меҳрубонӣ ҳидоят мекунад»
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд
Дар Маркази ҷумҳуриявии илмии ҷарроҳии дилу рагҳо шуъбаи ҷарроҳии бариатрикӣ ва герниологӣ пас аз таъмиру азнавсозӣ ба истифода дода шуд
Ҳамкории Тоҷикистону Қатар дар самти меҳнат ва шуғли аҳолӣ тақвият меёбад
Намояндаи Тоҷикистон дар Конфронси шашуми вазирони меҳнати кишварҳои аъзои СҲИ иштирок намуд
КУМАКҲОИ УНВОНИИ ИҶТИМОӢ. Ба қишри осебпазири Тоҷикистон беш аз 917 миллион сомонӣ кумак расонида шуд