Намояндагони Тоҷикистон бо роҳбари Федератсияи муҳоҷирони кишвари Забайкалйе вохӯрӣ намуданд

Февраль 18, 2022 15:04

ДУШАНБЕ, 18.02.2022. /АМИТ «Ховар»/. Масъалаи интиқоли қувваи корӣ аз Ҷумҳурии Тоҷикистон ба кишвари қабулкунанда, баргузории машваратҳои гурӯҳи дуҷониба дар доираи мувофиқаи ҷонибҳо дар соҳаи муҳоҷират 17 феврал зимни мулоқоти Консули генералии Ҷумҳурии Тоҷикистон дар шаҳри Новосибирски Федератсияи Русия Ятим Давлатхоҷа ва масъули Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Ҳавзаи федералии Сибир Шералӣ Нуриддинов бо роҳбари Федератсияи муҳоҷирони кишвари Забайкалйе Анна Вертипрахова баррасӣ гардид.

Тавре масъули бахши матбуоти Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Русия оид ба муҳоҷират Каримҷон Салимзода ба АМИТ «Ховар» хабар дод, дар мулоқоти мазкур масъалаҳои гуногунҷабҳа дар доираи муносибатҳои дуҷониба миёни Ҷумҳурии Тоҷикистон ва кишвари Забайкалие мавриди баррасӣ қарор гирифтанд.

Мусоҳибон оид ба масъалаҳои интиқоли қувваи корӣ аз Ҷумҳурии Тоҷикистон ба кишвари қабулкунанда, баланд бардоштани тахассуси муҳоҷирони меҳнатӣ, фароҳам овардани шароити хубу корӣ барои онҳо, ҳимояву ҳифзи ҳуқуқи онҳо дар кишвари иқомат, мусоидат ба ҳалли масъалаҳои муҳоҷиратӣ, ба таҳсил фаро гирифтани фарзандони муҳоҷирони меҳнатӣ ва дигар масъалаҳои муҳими ин самт мубодилаи афкор намуданд.

Дар мулоқот барои амалӣ намудани дархостҳои тарафайн ва тақвияти ҳамкории минбаъда қарорҳои дахлдор қабул карда шуданд.

 

Акс аз Намояндагии Вазорати меҳнат, муҳоҷират ва шуғли аҳолии ҶТ дар ФР оид ба муҳоҷират

Февраль 18, 2022 15:04

Хабарҳои дигари ин бахш

Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд
Барои пешгирии бемориҳои зоонозӣ ҷаласа доир карда шуд