ҚОНУН – ДАР МАДДИ АВВАЛ. Нисбат ба 630 нафар шахсони масъул барои содир кардани ҳуқуқвайронкуниҳои маъмурӣ дар соҳаи меҳнат ҷарима таъйин карда шуд
ДУШАНБЕ, 09.02.2022. /АМИТ «Ховар»/. Соли сипаришуда барои содир кардани ҳуқуқвайронкуниҳои маъмурӣ дар соҳаи меҳнат, муҳоҷират ва шуғли аҳолӣ ба 630 нафар корфармо ва дигар шахсони масъул 797,1 ҳазор сомонӣ ҷарима таъйин шуда, 714,6 ҳазор сомонӣ ба буҷет пардохт гардида, 82,5 ҳазор сомонӣ дар марҳилаи иҷро қарор дорад.
Дар ин хусус имрӯз зимни нишасти матбуотии Вазорати меҳнат, муҳоҷират ва шуғли аҳолии Ҷумҳурии Тоҷикистон оид ба ҷамъбасти фаъолият дар соли 2021 иттилоъ дода шуд.
Дар нишасти хабарӣ ҳамчунин зикр гардид, ки соли 2021 вазъи риояи қонунгузории соҳа дар фаъолияти 2588 субъекти хоҷагидор мавриди санҷиш қарор гирифт, ки дар натиҷа 11809 қонунвайронкунӣ ошкор гардид.
Аз теъдоди номбаршуда 6896 ҳолати қонунвайронкунӣ ба ташкилоту муассисаҳои ғайридавлатӣ ва 4913 адад ба ташкилоту муассисаҳои давлатӣ марбут аст. Дар натиҷа 64 млн. 582,1 ҳазор сомонӣ ба буҷети давлат ва ба фоидаи шаҳрвандон рўёнида шуд.
Иттилоъ дода шуд, ки ба ҳолати 1 январи соли 2022 дар ҷумҳурӣ 30936 адад корхона, муассиса ва ташкилот, новобаста аз шакли моликият фаъол доранд. Аз ин шумора 20 ҳазор корхона ҳуқуқи ба имзо расонидани шартномаи коллективиро доранд, ки аз ин 87 фоиз бо шартнома ва созишнома фаро гирифта шудаанд.
АКСҲО: АМИТ “Ховар”
Дар Тоҷикистон корҳои омодагӣ барои истироҳати тобистонаи кӯдакон ва наврасон оғоз гардид
Дар Вазорати меҳнат, муҳоҷират ва шуғли аҳолии Тоҷикистон татбиқи методологияи таҳлили хавфҳои коррупсионӣ баррасӣ шуд
Ҳайати Тоҷикистон дар ҷаласаи 70-уми Комиссияи Созмони Милали Муттаҳид оид ба мақоми зан иштирок дорад
ГРАНТИ ПРЕЗИДЕНТӢ. Занони хоҳишманд метавонанд лоиҳаҳои грантиро пешниҳод намоянд
Дар Тоҷикистон ҳавои номусоид то 11 март боқӣ мемонад
Эмомалӣ Раҳмон: «Модарон дар тарбияи насли нав масъулияти беназир доранд»
Табиат мекунад моро табобат! Сиёҳалаф дорои витаминҳои табиӣ мебошад
Пешвои миллат: «Занон дар ҳама соҳаҳои рушди Тоҷикистон саҳми арзанда доранд»
Эмомалӣ Раҳмон: «Модарон намунаи ахлоқ ва масъулияти ҷомеа мебошанд»
Эмомалӣ Раҳмон: «Донишмандии зан омили пешрафти тамоми миллат аст»
ЗАН БЕҲТАРИН ВА ОХИРИН ТУҲФАИ ОСМОНӢ АСТ. Гуфтаҳои бузургон дар васфи Зан – Модар
ҲАМДУ САНО БА ЗАН-МОДАР, КИ МУҲАББАТИ Ӯ ИНТИҲО НАДОРАД. Иқтибосҳо аз суханрониҳои Президенти Тоҷикистон Эмомалӣ Раҳмон
