Соли 2021 аз ҷониби Русия нисбат ба 120 590 нафар шаҳрванди Тоҷикистон — муҳоҷирони меҳнатӣ қонуни афв татбиқ гардид
ДУШАНБЕ, 09.02.2022. /АМИТ «Ховар»/. Соли 2021 аз ҷониби Федератсияи Русия нисбат ба 120 590 нафар шаҳрванди Ҷумҳурии Тоҷикистон — муҳоҷирони меҳнатӣ қонуни афв татбиқ гардид. Инчунин бо баргузории чорабиниҳои иттилоотӣ зиёда аз 150 ҳазор шаҳрвандони мо будубоши худро дар Федератсияи Русия расмӣ намуданд.
Дар ин бора Вазири меҳнат, муҳоҷират ва шуғли аҳолии Ҷумҳурии Тоҷикистон Ширин Амонзода имрӯз зимни нишасти матбуотии ин ниҳод оид ба ҷамъбасти фаъолият дар соли 2021 хабар дод.
«Соли 2021 ҳамкорӣ бо давлатҳои қабулкунандаи муҳоҷирони меҳнатӣ тақвият ёфт. Аз ҷумла, дар доираи ҷаласаи 17-уми Комиссия оид ба ҳамкории иқтисодӣ байни Ҷумҳурии Тоҷикистон ва Федератсияи Русия ҷаласаи 25-уми Шӯрои роҳбарони мақомоти муҳоҷирати давлатҳои узви ИДМ, Форуми VII-уми байнипарлумонии Тоҷикистону Русия ва ҷаласаи 16-уми Комиссия оид ба ҳамкории иқтисодӣ байни Ҷумҳурии Тоҷикистон ва Ҷумҳурии Қазоқистон масоили муҳоҷирони меҳнатӣ баррасӣ гардида, дар ин самт протоколҳои дахлдор қабул гардиданд»,-афзуд Вазири меҳнат, муҳоҷират ва шуғли аҳолӣ.
Дар нишаст ҳамчунин иттилоъ дода шуд, ки соли сипаришуда 373773 нафар ба муҳоҷирати меҳнатӣ сафар намуданд, ки 352385 нафари онҳо ба Федератсияи Русия ва 9089 нафар ба Ҷумҳурии Қазоқистон марбут аст. Инчунин 150 000 нафар аз муҳоҷират ба Ватан баргаштаанд.
Дар ин давра бо мақсади шарҳи қонунгузории кишварҳои қабулкунандаи муҳоҷирони менҳатӣ, гирифтани сертификат дар бораи донистани забон, таърих ва асосои давлатҳои қабулкунанда, тартиби аз муоинаи тиббӣ гузаштан, гирифтани патент, эҳтиёт аз бемориҳои эҳтимолии сироятӣ, пешгирии ҳолатҳои шомилшавии ҷавонон ба ҳизбу ҳаракатҳои террористию экстремистӣ ва ҳифзи меҳнату риояи техникаи бехатарӣ аз ҷониби кормандони масъули Хадамоти муҳоҷират дар шаҳру ноҳияҳои кишвар инчунин Марказҳои машваратӣ дар шаҳрҳои Душанбе, Бохтар, Хуҷанд ва Хоруғ ва аъзои ситоди махсус дар ҳамкорӣ бо мақомоти иҷроияи ҳокимияти давлатии шаҳру ноҳияҳои кишвар ва дигар мақомоти дахлдор бо аҳолӣ 2920 вохӯрӣ бо ҷалби 248 529 нафар доир карда шуд.
АКС: АМИТ «Ховар»
НОМИ НАКӮ-НИСФИ ҲУСН. «Феҳристи номҳои миллии тоҷикӣ» мардуми моро бо ному насаби миллӣ ба оламиён муаррифӣ менамояд
«ҶОЙГОҲИ ЗАН-МОДАР ДАР ПЕШБУРДИ ОИЛА БЕНАЗИР АСТ». Дар Шаҳринав ҳамоиши фарҳангӣ-маърифатӣ доир гардид
Иштироки фаъолонаи ҷавонон дар раванди интихобот бозгӯи камолоти фарҳанги сиёсию ҳуқуқии онҳо аст
25 январ — Рӯзи кормандони соҳаи меҳнат ва ҳифзи иҷтимоии аҳолӣ
Дар Академияи миллии илмҳои Тоҷикистон дар мавзуи ҷашни Сада конференсияи илмӣ-амалӣ баргузор шуд
Бахшида ба Рӯзи кормандони соҳаи меҳнат ва ҳифзи иҷтимоии аҳолӣ ҳамоиш доир гардид
Дар назди Литсейи касбии техникии шаҳри Бохтар Маркази шуғли фосилавӣ ифтитоҳ гардид
Мақомоти корҳои дохилии Федератсияи Русия ба шаҳрвандони хориҷӣ барои дастрас намудани ҳуҷҷатҳои қонунии иқомат муҳлат додааст
Ҷаласаи 7-уми Кумитаи роҳбарикунандаи байниидоравӣ оид ба амалисозии лоиҳаи «Беҳтарсозии малакаҳои касбӣ ва имконияти боркортаъминшавӣ» доир гардид
Дар доираи «Лоиҳаи навсозии ҳифзи иҷтимоӣ ва ҳамгироии иқтисодӣ» соҳаи тандурустии Тоҷикистон пурра рақамӣ мегардад
ШУҒЛИ ПУРМАҲСУЛ. Чӣ гуна ҷавонон соҳибкасб мешаванд ва оё касбашон бозоргир аст?
ОЁ МЕДОНЕД? Бағоҷи дар фурудгоҳ фаромӯшшуда чӣ гуна ба соҳибаш баргардонида мешавад?
