Вазорати тандурустӣ ва ҳифзи иҷтимоии аҳолӣ дар 265 маркази саломатии деҳоти Тоҷикистон қуттиҳои махсус насб мекунад
ДУШАНБЕ, 12.02.2022 /АМИТ «Ховар»/. Вазорати тандурустӣ ва ҳифзии иҷтимоии аҳолии мамлакат дар 265 маркази саломатии деҳоти 16 ноҳияи таҷрибавӣ, аз ҷумла ноҳияҳои Деваштич, Ҷаббор Расулов, Мастчоҳ, Спитамен ва Зафарободи вилояти Суғд, А.Ҷомӣ, Кӯлоб, Кӯшониён, Ҳамадонӣ, Фархор, Ҷ.Балхӣ, Қубодиён, Ёвон ва ноҳияҳои Дарвозу Файзобод барои боз ҳам беҳтар роҳандозӣ намудани тартиби муроҷиати шаҳрвандон ва ҳалли онҳо қуттиҳои махсус насб мекунад, иттилоъ доданд ба АМИТ «Ховар» дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон.
Қуттиҳои мазкур бо мақсади таъмини имконоти бештари муроҷиати шаҳрвандон ва вокуниши саривақтии масъулони соҳаи тандурустӣ ва ҳифзи иҷтимоӣ роҳандозӣ гардидааст.
Гуфта шуд, ки қаблан низ чунин қуттиҳо барои арзу шикоят вуҷуд доштанд, вале бо гузашти вақт мо онҳоро хеле кам мебинем. Аз ин рӯ дастрас ва насби чунин қуттиҳо барои роҳандозии саривақтии муроҷиати мардуми маҳал, бахусус деҳоти кишвар ва вокуниши саривақтӣ ба он мусоидат мекунад.
Бояд гуфт, ки имрӯз дастрасии аҳолӣ ба воситаҳои электронии муроҷиат хеле зиёд аст. Вале дар сатҳи деҳот аксари муроҷиатҳоро дар сатҳи маркази саломатӣ ва ё шабакаи кумаки аввалини тиббиву санитарӣ метавон ҳал кард.
Ёдовар мешавем, ки дар Пажӯҳишгоҳи тиббӣ-профилактикии Тоҷикистон «Маркази иттилоотии зиддибуҳронӣ вобаста ба масъалаҳои пешгирӣ ва назорати сирояти COVID-19»-и назди Вазорати тандурустӣ ва ҳифзи иҷтимоии аҳолии Ҷумҳурии Тоҷикистон бо телефони боварии 511 ба фаъолият оғоз намуд, ки он бо таҷҳизоти замонавии иттилоотӣ, нуқтаҳои қабули зангҳои телефонӣ ҳам аз корбарони алоқаи мобилӣ ва ҳам аз пешниҳодкунандагони алоқаи телефонии маъмулии хаттӣ муҷаҳҳаз буда, бо ҷалби мутахассисони соҳавӣ дар ду басти корӣ давоми 24 соат фаъолият менамояд.
АКС: Вазорати тандурустӣ ва ҳифзи иҷтимоии аҳолии ҶТ
Дар Душанбе масъалаи густариши ҳамкории судӣ байни Тоҷикистон ва Арабистони Саудӣ баррасӣ гардид
Барои пешгирии заҳролудшавӣ аз дуди ангишт қоидаҳои муҳими истифодаи онро бояд риоя намуд
Доктор Ҳала бинти Мазид Ат-Тувайҷирӣ: «Дар «Стратегияи дурнамои рушди Арабистони Саудӣ то соли 2030» ҳифзи ҳуқуқи инсон ҷойгоҳи хос дорад»
Тавсеи ҳамкорӣ байни мақомоти Ваколатдор оид ба ҳуқуқи инсон дар Ҷумҳурии Тоҷикистон ва Кумитаи ҳуқуқи инсони Шоҳигарии Арабистони Саудӣ баррасӣ гардид
Ҳокимияти судӣ дар Тоҷикистон такягоҳи адолат ва пояи устувори қонун аст
Пешвои миллат: «Фалсафаи ҷашни Меҳргон инсонҳоро ба адолатхоҳӣ, баробарӣ ва меҳрубонӣ ҳидоят мекунад»
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд
Дар Маркази ҷумҳуриявии илмии ҷарроҳии дилу рагҳо шуъбаи ҷарроҳии бариатрикӣ ва герниологӣ пас аз таъмиру азнавсозӣ ба истифода дода шуд
Ҳамкории Тоҷикистону Қатар дар самти меҳнат ва шуғли аҳолӣ тақвият меёбад
Намояндаи Тоҷикистон дар Конфронси шашуми вазирони меҳнати кишварҳои аъзои СҲИ иштирок намуд
КУМАКҲОИ УНВОНИИ ИҶТИМОӢ. Ба қишри осебпазири Тоҷикистон беш аз 917 миллион сомонӣ кумак расонида шуд
