АҲСАН! Варзишгарони тоҷик аз Чемпионати Осиё оид ба бокс бо 8 медал ба Ватан бармегарданд

Март 15, 2022 11:31

ДУШАНБЕ, 15.03.2022 /АМИТ «Ховар»/. Чемпионати Осиё оид ба намуди варзиши бокс миёни наврасону ҷавонон дар шаҳри Аммони Урдун бо муҳорибаҳои ҷавонон дар даври финалӣ ба анҷом расид. Дар даври финалии он варзишгари тоҷик Абдураҳим Ёқубов дар вазни -60кг муҳориба карда, ҷои дуюмро ишғол намуд, иттилоъ медиҳад шореҳи варзиши АМИТ «Ховар» бо истинод ба Кумитаи миллии олимпии Тоҷикистон.

Абдураҳим Ёқубов аз ҳарифи қирғизистониаш Алмаз Орозбеков бо ҳисоби 2:3 мағлуб гашта, сазовори медали нуқра шуд.

Ин варзишгари тоҷик то ба финал расидан дар се муҳориба муқобили варзишгарони Тайланд (Паочанзуек Фиси), Ҳиндустон (Рудра Пратап Сингҳ), Узбекистон (Суҳроб Аминов) дастболо шуда буд.

Мавриди зикр аст, ки миёни ҷавонон се варзишгари дигарамон — Юсуф Фозилов (-71кг), Нурланбек Эрматов (-75кг), Акмалҷон Абдувалиев (-86кг) бо медалҳои биринҷӣ мукофотонида шуданд.

Варзишгаронамон миёни наврасон низ 4 медал ба даст оварданд: Анӯшервон Фозилов (-46кг) медали нуқра, Ҳангома Исоева (-57кг), Руслан Ғафуров (-57кг), Рустамҷон Ашӯров (-60кг) медали биринҷӣ.

Ёдовар мешавем, ки Чемпионати Осиё оид ба бокс миёни наврасону ҷавонон 2 март дар шаҳри Аммони Урдун оғоз гардида, 14 март ба анҷом расид. Дар чемпионат варзишгарон аз 21 давлати қора иштирок карданд.

Аз Ҷумҳурии Тоҷикистон 21 варзишгар (11 нафар миёни ҷавонон, 10 нафар миёни наврасон) ба шаҳри Аммони Урдун сафарбар гардиданд, ки бо 8 медал – 2 нуқра ва 6 биринҷӣ ба Ватан бармегарданд.

 

АКС: Кумитаи миллии олимпии Тоҷикистон

Март 15, 2022 11:31

Хабарҳои дигари ин бахш

Варзишгарони тоҷик аз мусобиқаҳои байналмилалӣ 958 медал ба даст оварданд
ЛИГАИ ЧЕМПИОНҲО-2-И ОСИЁ. Имрӯз дастаҳои футболи «Истиқлол» ва «Ал-Наср» бо ҳам бозӣ мекунанд
9 паҳлавони тоҷик дар Мусобиқаи байналмилалии Abu Dhabi Grand Slam -2025 иштирок мекунанд
Ҳайати дастаи футболи «Ал-Наср»-и Арабистони Саудӣ барои бозӣ бо «Истиқлол» ба Душанбе омад
ЧЕМПИОНАТИ CAFA-2025. Дастаи мунтахаби занонаи то 18-солаи Тоҷикистон бо дастаи занонаи Узбекистон бозиро мусовӣ кард
Дар даврони соҳибистиқлолии Тоҷикистон бо шарофати варзишгарон Парчами давлатӣ зиёда аз 7500 маротиба баланд бардошта шуд
«ВАРЗИШГАРОН — ПАРЧАМБАРДОРОНИ МИЛЛАТ». Дар Донишкадаи тарбияи ҷисмонии Тоҷикистон ҳамоиши тантанавӣ баргузор шуд
Варзишгарони тоҷик дар Бозиҳои 6-уми ҳамбастагии исломӣ-2025 соҳиби ҳашт медал шуданд
ҶОМИ ОСИЁ ОИД БА ҶУДО БАЙНИ НАВРАСОН ВА ҶАВОНОН-2025. Варзишгарони тоҷик дар рӯзи якум 3 медали тилло ба даст оварданд
«ҶАВОНОН ВА ВАРЗИШГАРОН -САДОҚАТ БА ПЕШВОИ МИЛЛАТ ВА ПАРЧАМИ ДАВЛАТӢ». Бо чунин унвон «Дав барои хушҳолӣ» баргузор гардид
Дар ноҳияи Ёвон варзишгарони ҷавон барои дастовардҳои назаррас қадрдонӣ шуданд
Парчами давлатии Тоҷикистон давоми нуҳ моҳ ба шарафи варзишгарони тоҷик зиёда аз 320 маротиба баланд бардошта шуд