Ҷамъияти Ҳилоли Аҳмари Тоҷикистон дар арафаи Рӯзи Модар ба ниёзмандон кумаки хайриявӣ расонид
ДУШАНБЕ, 07.03.2022. /АМИТ «Ховар»/. Ҷамъияти Ҳилоли Аҳмари Тоҷикистон бо мақсади дастгирии ниёзмандон 5 март ба 5 муассисаи ҷумҳурӣ кумаки хайриявӣ дар намуди маводи хӯрока расонид. Дар ин бора АМИТ «Ховар» бо истинод ба Маркази иттилоотии Ҷамъияти Ҳилоли Аҳмари Тоҷикистон хабар медиҳад.
Кумаки мазкур дар доираи ҳамкории башардӯстона бо дастгирии Ҷамъияти Ҳилоли Аҳмари Туркия амалӣ гардида, ба ниёзмандон мувофиқи дархости муассисаҳои марбута расонида шуд.
Кумак аз маҳсулоти мавриди ниёзи аввал аз қабили орд, равғани растанӣ, шакар, биринҷ, наск, нахуд, марҷумак, намак, чойи хушк, лӯбиё, гӯшти гов, макарон иборат буда, ба Мактаб-интернати ҷамоати деҳоти Анзоби ноҳияи Айнии вилояти Суғд, беморхонаи байниноҳиявии бемории сили ноҳияи Восеи вилояти Хатлон, Муасссисаи давлатии таълимии «Литсей-интернати шаҳри Турсунзода», Беморхонаи ҷумҳуриявии клиникии бемориҳои равонии ноҳияи Рӯдакӣ ва Муассисаи давлатии «Шифохонаи шаҳрии парастории ҳамшираҳои шафқат», воқеъ дар кӯчаи Фирдавсӣ 86-и ноҳияи Фирдавсии шаҳри Душанбе тақсим шуд. Дар Муассисаи давлатии «Шифохонаи шаҳрии парастории ҳамшираҳои шафқат» 120 нафар дар умум табобат мегиранд, ки аз онҳо 100 нафар калонсолон ва 20 нафар кӯдакон мебошанд.
Ёдовар мешавем, ки Ҷамъияти Ҳилоли Аҳмари Тоҷикистон дар арафаи моҳи шарифи Рамазон низ тасмим дорад, ба ниёзмандони шаҳру ноҳияҳои ҷумҳурӣ кумаки хайриявӣ расонад.
Бояд гуфт, ки дастгирии шахсони ниёзмандон, аз ҷумла маъюбон, маризон, пиронсолони яккаву танҳо, ятимону бепарасторон ва дигар табақаҳои ниёзманди аҳолӣ яке аз ҳадафҳои асосии фаъолияти Ҷамъияти Ҳилоли Аҳмари Тоҷикистон ба хисоб рафта, Ҷамъият дар ин самт ҳамеша барои дастгирии онҳо чораҳои саривақтӣ меандешад.
АКСҲО: Ҷамъияти Ҳилоли Аҳмари Тоҷикистон
ҚОНУНИ ТАНЗИМ — НАМУНА БАРОИ КИШВАРҲОИ МИНТАҚА. Дар давраи амали ин қонуни миллӣ беш аз 12 миллиард сомонӣ сарфа шудааст
Пешвои миллат: «Ба ҷойи ҳаҷҷу умраи такрорӣ анҷом додани амалҳои дорои садақаи ҷория савоби бамаротиб бештар дорад»
Президенти Тоҷикистон: «Шахсоне, ки имконияти молиявӣ надоранд, набояд ба хотири савоб аз дигарон қарз гирифта, қурбонӣ кунанд»
Аз ифлосшавии ҳавои атмосферӣ эҳтиёт намоед! Аз 6 то 9 июн дар Тоҷикистон чангу ғубор ба амал меояд
Эмомалӣ Раҳмон: «Оростани дастурхони пурдабдаба ва меҳмондории зоҳирпарастонаву намоишкоронаро дини мубини ислом, шариат ва таълимоти мазҳаби ҳанафӣ маҳкум мекунад»
ТОҶИКИСТОН – ВАТАНИ ОРЗУҲОИ ҶАВОНӢ. Дар Душанбе моҳвораи ҷавонон ҷамъбаст гардид
Вобаста ба омилҳои рушди сармояи инсонӣ дар Душанбе конфронс доир гардид
110 нафар соҳиби шаҳодатномаи маҳфили «Пайравони Пешвои миллат» гардиданд
Агентии обуҳавошиносӣ бо таҷҳизоти зарурии техникӣ таъмин мегардад
Падару модар дар таълиму тарбияи кӯдак чӣ ҳуқуқ ва уҳдадорӣ доранд?
Кӯдаконро аз иттилооти ба саломатӣ ва инкишофи онҳо зараровар ҳифз бояд намуд
Ба муносибати Рӯзи байналмилалии ҳифзи ҳуқуқи кӯдак дар боғи «Курӯши Кабир» чорабинии тантанавӣ баргузор шуд
