АЗ «АВТОБУС»-И ТОҶИКИСТОН ТО «АФРОДИ МАХФӢ»-И АМРИКО. Аз 14 то 18 март дар кинотеатри ба номи Тоҳир Собирови Душанбе Фестивали филмҳои ҶТ ва ИМА доир мегардад
ДУШАНБЕ, 15.03.2022 /АМИТ «Ховар»/. Аз 14 то 18 март дар кинотеатри ба номи Тоҳир Собиров дар робита ба 30-солагии истиқрори муносиботи дипломатӣ миёни Ҷумҳурии Тоҷикистон ва Иёлоти Муттаҳидаи Амрико Фестивали филмҳои Тоҷикистон ва Амрико баргузор мегардад, иттилоъ доданд ба АМИТ «Ховар» дар МД «Тоҷикфилм».
Гуфта шуд, ки дар фестивали мазкур филмҳои истеҳсоли Тоҷикистон ва Амрико пешниҳоди тамошобинон гардонида мешаванд.
13 март зимни маросими ифтитоҳи Фестивали филмҳои Амрикою Тоҷикистон дар кинотеатри мазкур алоқамандони кино, собиқадорону мутахассисони соҳа ва намояндагони Сафорати Иёлоти Муттаҳидаи Амрико дар Ҷумҳурии Тоҷикистон иштирок намуданд. Дар ин рӯз филми мустанади «Аз алла то вобалам»-и коргардон Аниса Собирӣ намоиш дода шуд.
Баргузории фестивали мазкур ба таҳкими минбаъдаи ҳамкорӣ миёни филмбардорони Тоҷикистону Амрико ва тақвияти робитаҳои фарҳангӣ мусоидат менамояд.
Нақшаи намоиши филмҳо:
14.03.2022, соати 15:30: филми ҳунарии «Селма» (ИМА). Коргардон: Ава Дюверней. Филм дар бораи ҳаёт ва фаъолияти ҳомии ҳуқуқи сиёҳпӯстон Мартин Лютер Кинг ҳикоям мекунад ва соли 2015 соҳиби ҷоизаи «Оскар» шудааст.
14.03.2022, соати 17:00: филми ҳунарии «Падари моҳтобӣ» («Лунный папа»-и коргардон Бахтиёр Худойназров (истеҳсоли Тоҷикистон якҷоя бо Русия, Олмон, Швейтсария, Австрия, Ҷопон ва Франсия), ба забони русӣ бо зерматни англисӣ.
15.03.2022, соати 17:00: филми ҳунарии «Лигаи хусусии онҳо» (ИМА), ба забони англисӣ. Коргардон: Пенни Маршалл. Дар нақшҳо: Том Хэнкс, Ҷина Дэвис, Мадонна, Ҷимми Дуган.
16.03.2022, соати 17:00: филми ҳунарии «Автобус» (Тоҷикистон), ба забони тоҷикӣ бо зерматни англисӣ. Коргардон: Абдулҳай Зокиров. Дар нақшҳо: Мавлона Наҷмиддинова, Зарина Хушвахт, Абдулмӯмин Шарипов, Насриддин Нуриддинов.
17.03.2022, соати 15:30: филми ҳунарии «Афроди махфӣ» («Secret People», ИМА), ба забони англисӣ. Коргардон: Торолд Дикинсон.
18.03.2022, соати 14:00: филми ҳунарии «Сафари ҳавоӣ» («Air Safar»,Тоҷикистон), ба забони тоҷикӣ бо зерматни англисӣ. Коргардон: Далер Раҳматов.
ДАР АКС: лаҳзае аз филми «Селма»(ИМА)
Дар Душанбе дуюмин Синамоҷашнвораи байналмилалӣ «Тоҷи сомон» баргузор мегардад
Дар театри Муҳаммадҷон Қосимов намоишномаи «Ман Таҳминаам…» аз рӯи достони «Шоҳнома» пешниҳод мегардад
Бо ташаббуси Агентии ҳифзи мероси таърихию фарҳангӣ дар ноҳияи Ховалинг Рӯзи Ваҳдати миллӣ ҷашн гирифта шуд
Шоири халқии Тоҷикистон Камол Насрулло: «Ҳақиқат ин аст, ки Пешвои миллат ваҳдатро бунёд гузошту таҳким доду қавӣ сохт»
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
Таҳти унвони «Қисса ва ҳикояҳо» китоби Абдурофеъ Рабизода нашр гардид
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
Дар Агентии ҳифзи мероси таърихию фарҳангӣ таҳти унвони «Ваҳдати миллат — бақои миллат!» ҳамоиш баргузор шуд
Дар ёдгории Ҳалқаҷари ноҳияи Хуросон бозёфти нодири таърихӣ — «обкӯзаи хонуми Сагкин» кашф гардид
«Душанбе — нусхае аз биҳишт». Таҳти ин унвон дар васфи пойтахти Тоҷикистон китоб ба нашр расид
