Дар Вена «Шарҳи вазъи назорати маводи нашъаовар дар Ҷумҳурии Тоҷикистон дар соли 2021» муаррифӣ гардид
ДУШАНБЕ, 16.03.2022 /АМИТ «Ховар»/. 15 март дар доираи сафари Директори Агентии назорати маводи нашъаовари назди Президенти Ҷумҳурии Тоҷикистон Ҳабибулло Воҳидзода ба шаҳри Вена чорабинии канорӣ оид ба муаррифии маҷаллаи Шарҳи вазъи назорати маводи нашъаовар дар Ҷумҳурии Тоҷикистон дар соли 2021 тариқи маҷозӣ ташкил ва гузаронида шуд. Дар ин бора АМИТ «Ховар» бо истинод ба Агентии назорати маводи нашъаовари назди Президенти Ҷумҳурии Тоҷикистон хабар медиҳад.
Дар чорабинии мазкур роҳбарон ва ҳайатҳои воломақоми кишварҳои аъзои СММ, ташкилоти байналмилалӣ ва ҷомеаи шаҳрвандӣ ширкат варзиданд.
Таваҷҷуҳи иштирокдорон ба мавзӯъҳои тамоюлҳои асосии вазъи мухаддиротӣ дар кишвар ва минтақа, тадбирҳои андешидаи Ҳукумати Ҷумҳурии Тоҷикистон, вазорату идораҳо, ҳамчунин созмонҳои байналмилалӣ ва ҷамъиятӣ дар самти назорати маводи нашъаовар ва пешгирии нашъамандӣ, мубориза бо муомилоти ғайриқонунии маводи нашъадор дар мамлакат, мубориза бо қочоқи маводи мухаддир, гурӯҳҳои муташаккили ҷинояткор, мустаҳкам намудани сарҳади давлатӣ, гузаронидани амалиёти муштараки зиддимухаддиротӣ бо мақомоти ҳифзи ҳуқуқ, ҳамкории байналмилалӣ, амалисозии барномаҳо ва татбиқи лоиҳаҳои зиддимухаддиротӣ дар Ҷумҳурии Тоҷикистон ҷалб карда шуд.
Дар чорабинии мазкур роҳбарият ва масъулини Раёсати СММ оид ба маводи нашъаовар ва ҷинояткорӣ иштирок ва суханронӣ намуда, масъалаи таҳияи барномаҳо ва лоиҳаҳои зиддимухаддиротии СММ оид ба маводи нашъаовар ва ҷинояткориро дар Тоҷикистон ва татбиқи онро хуб арзёбӣ карданд.
Ҳамчунин иштирокдорони чорабинӣ ба талошҳои мақомоти ваколатдори Тоҷикистон, ки новобаста аз вазъи мураккаби минтақа дар мубориза бар зидди муомилоти ғайриқонунии маводи нашъаовар амалӣ карда мешавад, баҳои баланд доданд.
Дар фарҷом Ҳабибулло Воҳидзода бо назардошти таҳдиду хатарҳои аз Афғонистон бармеомада, аз ҷумла қочоқи рӯзафзуни маводи нашъаовар, силоҳ, кирдорҳои террористию экстремистӣ, савдои одамон ва дигар ҷиноятҳои фаромиллӣ, аз кишварҳои маблағгузор ва созмонҳои байналмилалӣ даъват ба амал овард, ки ҷиҳати таҳким бахшидани сарҳади Тоҷикистон бо Афғонистон ба мақомоти ваколатдори Ҷумҳурии Тоҷикистон кумакҳои молиявӣ ва моддӣ-техникӣ расонанд.
Дар ҷамъбаст иштирокдорон бо саволҳо муроҷиат намуда, аз ҷониби директори Агентӣ ҷавобҳои мушаххас гирифтанд.
АКС: Агентии назорати маводи нашъаовари назди Президенти ҶТ
«Собиқадорони Вазорати корҳои дохилӣ дар ҳифзи тартиботи ҷамъиятӣ нақши назаррас мегузоранд», — бардошт аз ҳамоиш
Дар Душанбе ҷаласаи ҳамоҳангсозии сохторҳои қудратӣ ва мақомоти ҳифзи ҳуқуқ доир гардид
Таваҷҷуҳ! Насби таҷҳизоти махсуси рӯшноӣ ва садо дар мошинҳои шахсӣ хилофи қонун аст
Дар панҷ соли охир музди меҳнати амалкунандаи кормандони мақомоти ҳифзи ҳуқуқ дар Тоҷикистон 100 фоиз зиёд карда шуд
Дар Қувваҳои мусаллаҳи Тоҷикистон даври якуми таҳсил оғоз гардид
Дар Раёсати Вазорати корҳои дохилӣ дар вилояти Суғд доир ба ҳифзи ҳуқуқу манфиатҳои ноболиғон ҳамоиш доир шуд
Вазорати корҳои дохилӣ: «Ҳеҷ гоҳ корти бонкӣ ё маълумоти онро ба шахсони сеюм надиҳед»
Дар Палатаи ҳисоб оид ба сиёсати ҳуқуқии давлат дар самти пешгирӣ ва муқовимат ба экстремизм ва терроризм машварат доир шуд
Ҷаласаи Комиссия оид ба ҳолатҳои фавқулода ва мудофиаи граждании ноҳияи Шаҳринав баргузор шуд
Прокуратураи генералӣ: «Дар робита ба кушторҳои дар шаҳри Конибодом рухдода гумонбарон дастгир гардиданд»
Дар Вазорати мудофиаи Тоҷикистон оид ба ҷамъбасти даъвати тирамоҳӣ ҷаласа баргузор гардид
1500 нафар ҷавонони синни даъватии вилояти Суғд даври омӯзишии ронандагиро хатм намуданд
