Масъулини ширкатҳои нассоҷиву дӯзандагии Тоҷикистон роҳҳои ворид шудан ба бозорҳои интернетии ҷаҳониро омӯхтанд

Март 19, 2022 09:49

ДУШАНБЕ, 19.03.2022 /АМИТ «Ховар»/. Барномаи ҷаҳонии нассоҷӣ ва дӯзандагӣ (GTEX)-и Маркази тиҷорати байналмилалӣ (МТБ) силсилавебинарҳо дар мавзӯи тиҷорати электрониро ба анҷом расонид, иттилоъ доданд дар Маркази тиҷорати байналмилалӣ ба АМИТ «Ховар».

Ин омӯзишҳо бо ҳадафи боз кардани роҳи соҳаи нассоҷиву дӯзандагии тоҷик ба бозорҳои интернетии ҷаҳонӣ ва минтақавӣ ва мусоидат ба инқилоби рақамии истеҳсолкунандагони маҳаллӣ рӯи даст гирифта шуд. Вебинарҳои моҳи марти соли 2022 иштироккунандагонро бо бозорҳои минтақавии интернетии мӯд ва либос, лоиҳаҳои тиҷорати электронӣ, муҳимияти ҳузур дар интернет ва ҳамчунин истифода аз шабакаҳои иҷтимоӣ барои пешбурду фурӯш шинос карданд.

Коршиноси МТБ ва тренер Тамари Миминошвилӣ шарҳ дод, ки бозорҳои интернетӣ чӣ гуна ба платформаи муфид барои соҳибкории хурду миёна ҷиҳати муаррифии брендашон ва афзоиши фурӯши маҳсулоташон табдил гардиданд. Тамари Миминошвилӣ дар ин вебинарҳо воситаҳои ҷолибу наверо барои афзоиши фурӯшҳои онлайнии маҳсулот ба корхонаҳои дӯзандагии Тоҷикистон таълим дод. Вай бар ин бовар аст, ки ин маълумоту дониш ба корхонаҳои тоҷик барои ҳамроҳ гардидан ба равандҳои муосири рақамисозӣ ва баҳрабардорӣ аз онҳо имконияти нав фароҳам меорад: «Мо ба истеҳсолкунандагон пойгоҳу платформаҳои маъруф ва шинохтаи интернетиро муаррифӣ кардем, то тавонанд ба воситаи онҳо дар ҷаҳони виртуалӣ ҳузур пайдо кунанд ва имконияти сареътар ва осонтари пешниҳоди молу маҳсулот ва хидматрасониҳояшонро дар интернет дошта бошанд. Ҳадафи ниҳоии мо кумак ба соҳибкорон барои оғозу беҳтар кардани тиҷорат дар интернет мебошад».

Ширкатҳои тоҷик ҳамчунин сохтани дӯкони касбии интернетӣ бо василаҳои замонавии ҷалби муштарӣ ва эҷоди муҳтавои ҷолибро омӯхтанд. Онҳо бо тарҳрезии лоиҳаҳои онлайнии мустақим-бо-муштарӣ, эҷоди сохтори гурӯҳи кормандон оид ба тиҷорати электронӣ ва ҳалли масъалаҳои рӯзмарра, ба монанди логистика, идораи анбор ва омодаву ирсоли фармоишҳо низ шиносоӣ пайдо карданд.

Мудири иҷроияи ширкати дӯзандагии «Тоҷтекс» Абдурашид Абдуҳамидов мегӯяд, ки “хушҳолем, ки метавонем донишҳои аз ин вебинарҳо омӯхтаамонро дар самти пеш бурдани тиҷоратамон дар интернет ва ворид шудан ба бозорҳои нав амалӣ намоем. Мо фаҳмидем, ки чӣ гуна аз пойгоҳҳои интернетӣ ба ҳайси як воситаи сареъ, арзон ва самаранок барои дастёбӣ ба муштариён дар тамоми ҷаҳон истифода барем. Ширкати мо аз ин имкониятҳо истифода хоҳад кард”.

Мавриди зикр аст, ки дар асри тиҷорати рақамӣ ширкатҳои дӯзандагии Тоҷикистон низ омодаи пешниҳоди имконияти онлайнӣ ба муштариёнашон мебошанд.

АКС аз манбаъҳои боз

Март 19, 2022 09:49

Хабарҳои дигари ин бахш

Дар ҷаласаи машваратии мудирони Хазинаи байналмилалии асъор шарҳи вазъи монетарии минтақа пешниҳод гардид
Алӣ Ғиёсуддин Муҳаммад: «Тоҷикистон имкон дорад бо истифода аз захираҳои табиӣ ба яке аз давлатҳои пешрафтаи ҷаҳон табдил гардад»
Бонки миллии Тоҷикистон ҳамкориро бо Бонки миллии Швейтсария тақвият медиҳад
АСАЛ ДАВОИ ДАРД. Имрӯз дар Душанбе «Фестивали занбӯрпарварон, намоиш ва фурӯши асал» баргузор гардид
Дар Тоҷикистон 250 навъи харбуза парвариш карда мешавад
ИСТИФОДАИ САМАРАНОКИ ЗАМИН. Кишоварзони шаҳри Панҷакент дар беш аз 2600 гектар кишти такрорӣ гузарониданд
МАСЛИҲАТИ МУТАХАССИС. Истеъмоли биринҷ ҷисми инсонро фарбеҳ менамояд
МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст
Дар Хатлон ҳаҷми истеҳсоли маҳсулоти саноатӣ беш аз 7 фоиз зиёд гардидаст
Тоҷикистон ва Узбекистон дар самтҳои рушди ҳукумати электронӣ, таҳияи платформаҳо ва ҳамгироии рақамӣ ба мувофиқа расиданд