«ҶОМИ НАВРӮЗ-2022». Мунтахаби Тоҷикистон барои ҷойи сеюм бо дастаи Қирғизистон бозӣ мекунад
ДУШАНБЕ, 26.03.2022 /АМИТ «Ховар»/. Дар Намангони Узбекистон 25 март мусобиқаи байналмилалии «Ҷоми Наврӯз-2022» бо иштироки дастаҳои мунтахаби Тоҷикистон, Узбекистон, Қирғизистон ва Уганда оғоз ёфт. Дар ин бора АМИТ «Ховар» бо истинод ба Федератсияи футболи Тоҷикистон хабар медиҳад.
Дар бозии нахустини ниманиҳоӣ мунтахаби миллии Тоҷикистон бо мунтахаби Уганда вориди майдон шуда, вақти асосии бозӣ бо натиҷаи мусовии 1:1 анҷом ёфт. Баҳри муайян кардани ғолиб дастаҳо пас аз бозии бидуни гол дар си дақиқаи иловашуда ба задани силсилазарбаҳои пеналтӣ пардохтанд, ки дар он мунтахаби миллии Тоҷикистон аз яккачини Уганда бо ҳисоби 4:5 дучори шикаст шуд.
Дар бозии дигари даври ниманиҳоии мусобиқа дар ҳамин рӯз Узбекистон мунтахаби Қирғизистонро бо ҳисоби 3:1 мағлуб кард.
Ҳамин тариқ мунтахабҳои Тоҷикистон ва Қирғизистон барои ҷойи сеюм рақобат мекунанд. Мунтахабҳои Узбекистон ва Уганда дар финал барои дарёфти «Ҷоми Наврӯз-2022» қувва месанҷанд.
Мусобиқаи байналмилалии «Ҷоми Наврӯз-2022»
Нимфинал
25 март (ҷумъа)
Уганда — ТОҶИКИСТОН (1:1, силсилазарбаҳои пеналтӣ 5:4)
Узбекистон — Қирғизистон (3:1)
29 март (сешанбе)
16-00 — ТОҶИКИСТОН – Қирғизистон
20-00 — Уганда – Узбекистон
Эзоҳ: Ҳама бозиҳо дар Варзишгоҳи марказии Намангон баргузор мешаванд.
АКС: ФФТ
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Ҳиндустон ва Қирғизистон бозиҳои дӯстона анҷом медиҳад
Дар Истанбул бахшида ба Рӯзи ҷаҳонии футбол барои донишҷӯёни тоҷик мусобиқа доир карда шуд
Дастаи мунтахаби наврасони Тоҷикистон (U-16) дар Ҳисор бо дастаи Русия бозиҳои дӯстона анҷом медиҳад
Рақибони мунтахаби футзали Тоҷикистон дар марҳилаи интихобии Ҷоми Осиё-2026 рӯзи 26 июн маълум мешаванд
Рақибони дастаи мунтахаби олимпии Тоҷикистон (U-23) дар мусобиқоти интихобии Ҷоми Осиё-2026 муайян шуданд
Тоҷикистонро дар Чемпионати ҷаҳон оид ба гӯштини ҷудо 9 паҳлавон муаррифӣ мекунад
Дастаи мунтахаби Тоҷикистон барои анҷоми бозии дӯстона бо дастаи Камбоҷа вориди шаҳри Пномпен шуд
Дар Маҷмааи лижаронии «Сафеддара» «Эко-пойга барои пиряхҳо» баргузор шуд
Варзишгар аз Амрико Каролина Глейш: «Ба дӯстону ҳамкоронам дар бораи табиати нотакрори Тоҷикистон нақл хоҳам кард»
ФУТБОЛ. Дастаи наврасони то 16-солаи Тоҷикистон ғолиби Чемпионати CAFA-2025 гардид
Маҳмуд Амонзода Президенти Кумитаи паролимпии Тоҷикистон интихоб гардид
Дар Нуробод бахшида ба Рӯзи ҷаҳонии футбол фестивали футбол баргузор гардид
