БА ИСТИҚБОЛИ 35-СОЛАГИИ ИСТИҚЛОЛИ ДАВЛАТӢ. Дар Мурғоб майдони нишону парчами давлатӣ ва Неругоҳи барқи офтобӣ бунёд мегарданд
ДУШАНБЕ, 12.04.2022 /АМИТ «Ховар»/. Гурӯҳи кории ҳукуматӣ таҳти роҳбарии Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода ба ноҳияи Мурғоб сафари корӣ анҷом дода, бо вазъи иқтисодию иҷтимоии ин минтақаи баландкӯҳи Тоҷикистон шинос гардид, иттилоъ доданд ба АМИТ «Ховар аз Кумитаи мазкур.
Сафари мазкур бо мақсади шарҳу тавзеҳи Паёми Президенти Ҷумҳурии Тоҷикистон муҳтарам Эмомалӣ Раҳмон ба Парлумони кишвар, инчунин дастуру супоришҳои Ҳукумати Ҷумҳурии Тоҷикистон ҷиҳати дар сатҳи баланд истиқбол намудани ҷашни 35-солагии Истиқлоли давлатии Ҷумҳурии Тоҷикистон, сурат гирифт.
Зимни сафари корӣ раиси Кумита бо ҷараёни корҳои сохтмонӣ дар иншооти ҷашнӣ –майдони нишон ва парчам, муассисаҳои таълимӣ, беморхона, неругоҳ, парваришгоҳи ҳайвоноти нодир шинос шуда, ҷиҳати сари вақт ба анҷом расонидани сохтмони иншооти мазкур ба масъулин дастуру тавсияҳои мушаххас дод.
Ҳамзамон гуруҳи корӣ таҳти роҳбарии Раиси Кумитаи ҳифзи муҳити зисти ҷумҳурӣ бо сокинони ҷамоатҳои дурдасти ноҳия, аз ҷумла ҷамоати Қизилработ, Шаймок, Қаракӯл ва Рангкӯл вохӯрию суҳбат намуд.
Дар машварати ҷамъбастие, ки бо иштироки фаъолони ноҳия, роҳбарияти Вилояти Мухтори Кӯҳистони Бадахшон ва дигар масъулин доир гардид, масъалаҳои марбут ба дурнамои рушди иқтисодию иҷтимоии ноҳия ва равнақи бунёдкорию созанагӣ дар иртибот ба истиқболи ҷашни 35-солагии Истиқлоли давлатии Ҷумҳурии Тоҷикистон баррасӣ гардиданд.
Ҳангоми бозгашт Раиси Кумитаи ҳифзи муҳити зисти назди Ҳукумати ҷумҳурӣ Баҳодур Шерализода дар ҷамоати Аличор аз ҷараёни корҳои сохтмони Неругоҳи барқи офтобӣ ва парваришгоҳи ҳайвоноти нодири хоҷагии шикории «Барс» боздид намуд.
АКСҲО: Кумитаи ҳифзи муҳити зисти назди Ҳукумати ҶТ
Дар Донишкадаи давлатии санъати тасвирӣ ва дизайни Тоҷикистон намоиши «Баҳори Истиқлол» баргузор шуд
Сохтмони муҷассама дар гардиши дараи Алмосии шаҳри Ҳисор ба анҷом мерасад
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
СИЁСАТИ ФАРҲАНГПАРВАРОНАИ ПЕШВОИ МИЛЛАТ – ЗАМИНАИ ГУСТАРИШИ МАЪРИФАТ ВА ХУДШИНОСИИ МИЛЛӢ. Дар ҳошияи Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ
СОЛИ ОБОДОНИЮ БУНЁДКОРӢ. Дар Ҷамоати деҳоти Овчиқалъача биноҳои иловагии муассисаҳои маорифу тандурустӣ сохта мешаванд
35-СОЛАГИИ ИСТИҚЛОЛИ ДАВЛАТӢ. Дар шаҳри Бӯстон бинои меҳмонхонаи «Хуҷанд» пурра таҷдиду навсозӣ мегардад
Роҳҳои мошингарди ноҳияи Муъминобод таҷдиду навсозӣ мегарданд
35-СОЛАГИИ ИСТИҚЛОЛИ ДАВЛАТӢ. Дар шаҳри Хуҷанд сохтмони иншооти ҷашнӣ вусъат меёбад
Дар ноҳияи Муъминобод корҳои сохтмонӣ вусъати тоза меёбанд
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар Суғд бо мақсади таҷлили шоистаи ҷашни Наврӯз корҳои сабзу хуррамгардонӣ оғоз шуданд
Дар шаҳри Кӯлоб таҳти раёсати Сарвазири Ҷумҳурии Тоҷикистон ҷаласаи корӣ баргузор шуд
