Ба Вазири рушди иқтисод ва савдои Тоҷикистон Сертификати беҳтарин гурӯҳи татбиқи лоиҳаи БОР тақдим гардид
ДУШАНБЕ, 06.04.2022 /АМИТ «Ховар»/. 5 апрел дар Душанбе вохӯрии муовини Вазири рушди иқтисод ва савдои Ҷумҳурии Тоҷикистон Абдураҳмон Абдураҳмонзода бо Сардори шуъбаи идораи лоиҳаҳои Бонки Осиёии Рушд (БОР) Родора Консепсиён баргузор шуд, ки зимни он масъалаи марҳилаи дуюми лоиҳаи «Ҳамкории иқтисодии минтақавии Осиёи Марказӣ оид ба такмили фаъолияти мақомоти наздисарҳадӣ» баррасӣ гардид.
Тавре ба мухбири АМИТ «Ховар» дар Вазорати рушди иқтисод хабар доданд, зимни вохӯрӣ аз ҷониби Родора Консепсиён ба Вазири рушди иқтисод ва савдои Ҷумҳурии Тоҷикистон Завқӣ Завқизода барои бомуваффақият татбиқ ва анҷом додани лоиҳаи «Ҳамкории иқтисодии минтақавии Осиёи Марказӣ оид ба такмили фаъолияти мақомоти наздисарҳадӣ» Сертификати беҳтарин гурӯҳи татбиқи лоиҳаи БОР тақдим гардид.
Дар ҷараёни вохӯрӣ А. Абдураҳмонзода ба намояндаи БОР марҳилаи дуюми лоиҳаи «Ҳамкории иқтисодии минтақавии Осиёи Марказӣ оид ба такмили фаъолияти мақомоти наздисарҳадӣ»-ро барои маблағгузорӣ шудан аз ҷониби БОР пешниҳод намуд. Намояндаи БОР пешниҳоди мазкурро ҷонибдорӣ намуда, иброз дошт, ки масъалаи мазкурро барои баррасӣ ба БОР пешниҳод менамояд.
Ёдовар мешавем, ки бо дастгириҳои бевоситаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 1 сентябри соли 2020 «Равзанаи ягонаи барасмиятдарории амалиёти содиротию воридотӣ ва транзитӣ дар Ҷумҳурии Тоҷикистон» расман ба фаъолият оғоз намуд.
Равзанаи ягона дар доираи лоиҳаи «Ҳамкории иқтисодии минтақавии Осиёи Марказӣ оид ба такмили фаъолияти мақомоти наздисарҳадӣ» таъсис ёфта, ба он 11 мақомоти дахлдори давлатӣ шомил мебошанд.
То моҳи апрели соли 2022 дар ин низом зиёда аз 2000 истифодабарандагон ба қайд гирифта шуда, 70 298 адад дархост ворид гардидааст, ки аз ин шумора 60 992 адад ҳуҷҷатҳои иҷозатдиҳӣ ва сертификатҳо ба иштирокчиёни фаъолияти иқтисоди хориҷӣ пешниҳод шудаанд.
Дар анҷоми вохӯрӣ ҷонибҳо омодагии худро барои густариш ва истифодаи самараноки имконияти мавҷуда дар татбиқи лоиҳаҳои афзалиятноки Ҷумҳурии Тоҷикистон изҳор намуданд.
АКС: Вазорати рушди иқтисод ва савдои ҶТ
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
