Дар ҷаласаи навбатии иҷлосияи сеюми Маҷлиси намояндагон ба якчанд қонун тағйиру иловаҳо ворид гардиданд

Апрель 20, 2022 14:00

ДУШАНБЕ, 20.04.2022 /АМИТ «Ховар»/. Имрӯз таҳти раёсати Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода  ҷаласаи навбатии иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати шашум баргузор гардид, ки дар он ба якчанд қонун тағйиру иловаҳо ворид карда шуданд, хабар дод котиби матбуоти Маҷлиси намояндагон Муҳаммадато Султонов ба АМИТ «Ховар».

Дар иҷлосия Созишномаи грантӣ (амалиёти махсус) миёни Ҷумҳурии Тоҷикистон ва Бонки Осиёии Рушд оид ба лоиҳаи системаи обёрии ба тағйирёбии иқлим ва офатҳои табиӣ тобовар ва навсозии заҳкашу заҳбурҳо дар ҳавзаи дарёи Вахш, лоиҳаи Қонуни конститутсионии Ҷумҳурии Тоҷикистон «Оид ба ворид намудани иловаҳо ба Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ», лоиҳаи Қонуни конститутсионии Ҷумҳурии Тоҷикистон «Оид ба ворид намудани тағйирот ба Қонуни конститутсионии Ҷумҳурии Тоҷикистон «Дар бораи вазъи ҳуқуқии узви Маҷлиси миллӣ ва вакили Маҷлиси намояндагони Маҷлиси Олии Ҷумҳурии Тоҷикистон», лоиҳаи Қонуни Ҷумҳурии Тоҷикистон «Оид ба ворид намудани тағйироту иловаҳо ба Қонуни Ҷумҳурии Тоҷикистон «Дар бораи мудофиа» ва лоиҳаи Қонуни Ҷумҳурии Тоҷикистон «Оид ба ворид намудани тағйироту илова ба Қонуни Ҷумҳурии Тоҷикистон «Дар бораи таҳсилоти иловагӣ» мавриди баррасӣ қарор гирифт.

Зикр шуд, ки мақсад аз ворид намудани тағйирот ба лоиҳаи Қонуни конститутсионии Ҷумҳурии Тоҷикистон «Оид ба ворид намудани иловаҳо ба Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ»- ин татбиқи муроҷиат, раҳнамоӣ ва нишондодҳои Президенти Ҷумҳурии Тоҷикистон дар иҷлосияи якуми Маҷлиси миллии Маҷлиси Олии Ҷумҳурии Тоҷикистон, даъвати шашум аз 17 апрели соли 2020 ҷиҳати баланд бардоштани масъулияти раисони шаҳру ноҳия ва вилоят барои риояи қонунгузории кишвар, махсусан дар самти пешгирии коррупсия, танзими анъана ва ҷашну маросим дар Ҷумҳурии Тоҷикистон ва истифодаи замин мебошад.

Дар иҷлосия ҳамчунин зикр шуд, ки лоиҳаи Қонуни Ҷумҳурии Тоҷикистон «Оид ба ворид намудани тағйироту иловаҳо ба Қонуни Ҷумҳурии Тоҷикистон «Дар бораи мудофиа» ҷиҳати мутобиқгардонии он ба талаботи Конститутсияи Ҷумҳурии Тоҷикистон, қонунҳои Ҷумҳурии Тоҷикистон «Дар бораи санадҳои меъёрии ҳуқуқӣ» ва «Дар бораи забони давлатии Ҷумҳурии Тоҷикистон», инчунин бо мақсади ифодаи дурусти қоидаҳои имлои забони тоҷикӣ, мушаххас ва дақиқ намудани меъёрҳои он таҳия ва пешниҳод гардидааст.

Мақсади Лоиҳаи Қонуни Ҷумҳурии Тоҷикистон «Оид ба ворид намудани тағйироту илова ба Қонуни Ҷумҳурии Тоҷикистон «Дар бораи таҳсилоти иловагӣ» мутобиқгардонии қонуни мазкур ба санадҳои қонунгузории Ҷумҳурии Тоҷикистон арзёбӣ гардид.

Қисмҳои 1 ва 4 лоиҳаи қонун хусусияти техникӣ дошта, бо мақсади мутобиқ намудан ба талаботи техникаи қонунгузорӣ пешниҳод гардидаанд. Мутобиқи қисми 2 лоиҳа, ба қонуни мазкур тағйироту илова ба моддаи 12 ворид мегарданд, ки тибқи он ваколатҳои Агентии назорат дар соҳаи маориф ва илм мушаххас гардида, такрорёбии ваколатҳоро аз байн мебарад.

Вакилони Маҷлиси намояндагони Маҷлиси Олии Ҷумҳурии Тоҷикистон аз рӯи ҳамаи масъалаҳо қарорҳои дахлдор қабул намуданд.

 АКС: МН МО ҶТ

Апрель 20, 2022 14:00

Хабарҳои дигари ин бахш

ҲХДТ номзадашро ба вакилии Маҷлиси намояндагон дар ҳавзаи интихоботии якмандатии Фирдавсӣ №1 пешбарӣ намуд
КМИР: 26 август дар ҳавзаҳои ВМКБ №1 ва НТҶ №5 интихоботи аъзои Маҷлиси миллӣ ба ивази вакилони хориҷшуда баргузор мегардад
Маҳмадтоир Зокирзода бо Эмре Зеки Карагёл мулоқот намуд
Дар Парлумон Қонуни Ҷумҳурии Тоҷикистон «Дар бораи чарогоҳ»-ро мавриди баррасӣ қарор доданд
Вакилони Маҷлиси намояндагон дар конференсияи байналмилалии парлумонии шаҳри Минск иштирок намуданд
Дар Маҷлиси намояндагон бахшида ба Рӯзи Ваҳдати миллӣ ҳамоиш баргузор шуд
Дар Парлумон ҷаласаи якуми Гурӯҳи доимоамалкунанда оид ба ҳуқуқҳои маъюбон баргузор гардид
Вакилони Маҷлиси намояндагон лоиҳаи қонун «Дар бораи моҳипарварӣ, моҳигирӣ ва ҳифзи захираҳои моҳӣ»-ро мавриди баррасӣ қарор доданд
Дар Парлумон таъмини муассисаҳои таълимӣ бо кабинетҳои фаннӣ ва озмоишгоҳҳо муҳокима шуд
Дар Душанбе масъалаи густариши равобити Маҷлиси намояндагон бо ниҳодҳои тобеи СММ баррасӣ шуд
Дар Парлумон оид ба шоҳасари «Тоҷикон»-и Бобоҷон Ғафуров ва шуҳрати он ҳамоиш баргузор шуд
ПАРЛАМЕНТИ ҶАВОН – НАЗАРЕ БА ОЯНДАИ ИТТИҲОД. Таҳти ин унвон Форуми байнипарлумонии ҷавонон баргузор шуд