Дар Душанбе рушди ҳамкории мутақобилан судманди Тоҷикистон ва Дафтари Швейтсария оид ба ҳамкории иқтисодӣ баррасӣ гардид

Апрель 26, 2022 14:10

ДУШАНБЕ, 26.04.2022. /АМИТ «Ховар»/. 25 апрел вохӯрии муовини Вазири рушди иқтисод ва савдои Ҷумҳурии Тоҷикистон Абдураҳмон Абдураҳмонзода бо муовини директори Дафтари Швейтсария оид ба ҳамкории иқтисодӣ (СЕКО) Ришар Шеневар дар фазои дӯстӣ ва якдигарфаҳмӣ баргузор шуда, дар доираи он тавсеа ва рушди минбаъдаи ҳамкории мутақобилан судманд мавриди баррасӣ қарор гирифт.

Тавре дар Вазорати рушди иқтисод ва савдо ба АМИТ «Ховар» хабар доданд, зимни мулоқот зикр шуд, ки Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатӣ зикр намуданд, ки «ояндаи наздик сиёсати давлатӣ дар соҳаи савдо ва хизматрасонӣ бояд дар се самт — пешбурди содирот, диверсификатсияи истеҳсолоти ба содирот нигаронидашуда ва содагардонии расмиёти савдо амалӣ карда шавад».

Зимни вохӯрӣ ҷонибҳо татбиқи барномаи ҷаҳонии нассоҷӣ ва дӯзандагӣ (GTEX), дастовардҳо ва самтҳои афзалиятноки ҳамкории минбаъдаро муҳокима карданд.

Инчунин А. Абдураҳмонзода ҷиҳати пайгирии ҳамкории иқтисодию иҷтимоии дуҷониба баргузории ҷаласаи Комиссияи муштараки байниҳукуматии Тарафҳоро дар соли равон мувофиқи мақсад шуморид.

Муовини Вазири рушди иқтисод ва савдо вобаста ба ҳамкории мутақобилан судманд бо Ҳукумати Конфедератсияи Швейтсария дар самти рушди соҳаи нассоҷӣ ва дӯзандагӣ, фаъолияти Кумитаи ҳамоҳангсоз оид ба содагардонии расмиёти савдо, Барномаи давлатии рушди содироти Ҷумҳурии Тоҷикистон барои солҳои 2021-2025, Равзанаи ягонаи барасмиятдарории амалиёти содиротию воридотӣ ва транзитӣ дар Ҷумҳурии Тоҷикистон, Портали савдои Тоҷикистон сухан гуфта, ҷиҳати густариши ҳамкорӣ дар самтҳои зикршуда пешниҳодҳо намуд.

Ҳамзамон ҷиҳати ҳамкорӣ дар доираи Барномаи миёнамуҳлати рушди иқтисоди рақамии Ҷумҳурии Тоҷикистон барои солҳои 2021-2025 таклифҳо барои татбиқи нақшаи чорабиниҳои барномаи мазкур ба амал оварда шуданд.

Намояндагони СЕКО пешниҳодҳои ҷониби Тоҷикистонро пазируфта, зикр намуданд, ки аз ҷониби ин кишвар Барномаи нав дар самти рушди занҷираи арзиши иловашудаи маҳсулоти кишоварзӣ мавриди таҳия қарор дошта, дар доираи он дар қатори дигар кишварҳо ба роҳ мондан ва афзоиши истеҳсоли маҳсулоти ниҳоии ба содирот нигаронидаи Ҷумҳурии Тоҷикистон низ пешбинӣ шудааст.

АКС: Вазорати рушди иқтисод ва савдои ҶТ

Апрель 26, 2022 14:10

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст