ТАВАҶҶУҲ! Шаҳрвандони Тоҷикистон метавонанд дар Душанбе соҳиби раводиди Хорватия шаванд
ДУШАНБЕ, 12.04.2022 /АМИТ «Ховар»/. Шурӯъ аз 23 марти соли 2022 шаҳрвандони Ҷумҳурии Тоҷикистон метавонанд барои дарёфти раводиди Хорватия ба Маркази дархости раводиди VFS Global дар Душанбе муроҷиат кунанд. Дар ин бора ба АМИТ «Ховар» аз Сафорати Тоҷикистон дар Қазоқистон хабар доданд.
Бино ба иттилои Сафорати Тоҷикистон дар Нур-Султон, дархости дахлдор ба Сафорати мо аз Сафорати Хорватия дар Қазоқистон ворид шудааст.
Муносибатҳои дипломатӣ миёни Ҷумҳурии Тоҷикистон ва Ҷумҳурии Хорватия 1 апрели соли 1999 барқарор шудаанд.
Ёдовар мешавем, ки 18 феврали 2021 дар Қасри миллат Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз сафирони навтаъйини Афғонистон, Франсия, Фаластин, Италия, Маҷористон ва Хорватия эътимоднома қабул намуданд.
Пас аз супоридани эътимодномаҳо Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон перомуни муносибатҳои дуҷониба, масъалаҳои мубрами байналмилалӣ ва минтақавӣ табодули андеша карданд.
Сафири навтаъйини Фавқулода ва Мухтори Ҷумҳурии Хорватия дар Ҷумҳурии Тоҷикистон Рефик Шабанович бардошти худро пас аз мулоқот бо Пешвои миллат Эмомалӣ Раҳмон чунин баён намуд: «Президенти Тоҷикистон Эмомалӣ Раҳмон аз имконияту зарфияти васеи ҳамкории Тоҷикистон ва Хорватия дар соҳаҳои иқтисоду сиёсат, сармоягузорӣ ва фарҳанг ҳарф заданд. Президенти Тоҷикистон бо хушнудӣ аз сафари соли 2009 ба Хорватия кардаашон ёдовар шуданд, ки ин барои ман мояи хушнудист».
Пайрав ҚОСИМ,
АМИТ «Ховар»
АКСҲО: Хадамоти матбуоти Президенти ҶТ/АМИТ «Ховар»
Тоҷикистон аъзои Гурӯҳи дӯстони Эътилофи тамаддунҳои СММ гардид
Гӯшаи фарҳангии Тоҷикистон дар Фестивали оила ва кӯдак дар шаҳри Кванҷуи Корея ташкил карда шуд
Ҳайати Тоҷикистон дар Нишасти сатҳи баланди Конвенсияҳои Базел, Роттердам ва Стокҳолм иштирок намуд
Сафири Тоҷикистон бо Директори генералии Маркази омӯзиш ва таҳқиқоти стратегии Амороти Муттаҳидаи Араб мулоқот намуд
Акрам Каримӣ бо раиси Федератсияи палатаҳои тиҷоратии Арабистони Саудӣ мулоқот намуд
Дар шаҳри Масқат дар мавзуи тақвияти муносибатҳои дуҷонибаи Тоҷикистон ва Уммон ҳамоиш доир гардид
Дар Душанбе вобаста ба ҳамгироии давлатҳои Осиёи Марказӣ ҳамоиш доир шуд
Сафири Тоҷикистон ба Вазири корҳои хориҷии Марокаш нусхаи эътимоднома супорид
Дурнамои таҳкими равобит байни Тоҷикистон ва Уммон баррасӣ гардид
Дар Арабистони Саудӣ масъалаҳои хамкории дуҷониба дар бахши воридоту содирот баррасӣ гардид
Акрам Каримӣ бо Дабири кулли Созмони ҳамкории исломӣ мулоқот намуд
Тсюй Дунъюй: «Созмони озуқаворӣ ва кишоварзии Созмони Милали Муттаҳид ҳамеша омодаи ҳамкорӣ бо Тоҷикистон аст»
