«МАНЗАРНИГОР». Таҳти чунин унвон дар Осорхонаи миллии Тоҷикистон намоиш ифтитоҳ гардид
ДУШАНБЕ, 29.04.2022 /АМИТ «Ховар»/. Аз 28 апрел то 15 май дар Осорхонаи миллии Тоҷикистон бахшида ба 110-солагии яке аз поягузорони мактаби рассомӣ дар Тоҷикистон, рассом, Ходими хизматнишондодаи санъати Тоҷикистон Маҷид Хошмуҳаммедов таҳти унвони «Манзаранигор» намоиш ҷараён мегирад.
Тавре сардори шуъбаи экскурсионӣ ва оммавии Осорхонаи миллии Тоҷикистон Фаридун Кенҷаев иброз намуд, 28 апрел зимни ифтитоҳи намоиш роҳбарият ва кормандони Осорхонаи миллӣ, намояндагони Коллеҷи ҷумҳуриявии рассомии ба номи Мирзораҳмат Олимов, Иттифоқи рассомони Тоҷикистон, донишҷӯёни муассисаҳои таҳсилоти олии мамлакат, ки дар риштаи рассомӣ таҳсил менамоянд ва намояндагони ВАД иштирок намуданд.
Дар намоиш аз фонди Осорхонаи миллӣ зиёда аз 40 адад асарҳои офаридаи Маҷид Хошмуҳаммедов ба намоиш бароварда шудаанд, ки инъикосгари паҳлӯҳои гуногуни ҳаёти мардуми тоҷик, аз ҷумла табиати нотакрори Тоҷикистон мебошанд. Асарҳо дар солҳои гуногун офарида шуда, дар онҳо мавзӯъҳои зерин: «Ҷамъоварии ҳосил» (1944), «Вохӯрии қаҳрамонон» (1943), «Кӯчаҳои боронӣ» (1941), «Корхонаи пахта» (1948), «Сохтмони неругоҳи Қайроққум» (1955), «Самарқанд. Шоҳи зинда» (1974), «Тирамоҳ» (1978) ва ғайраҳо инъикос шудаанд.
Дар намоиш иштирокчиён зикр намуданд, ки Маҷид Хошмуҳаммедов (1912-1985) солҳои тӯлонӣ дар вазифаи Раиси Иттифоқи рассомони Тоҷикистон ифои вазифа намуда, дар рушди ин ҳунар ва омода намудани кадрҳои соҳа саҳми назаррас гузоштааст. Инчунин мусаввараҳои офаридаи рассом борҳо дар намоишҳои ҷумҳуриявӣ ва байналмилалӣ ба намоиш бароварда шудаанд.
АКС: Осорхонаи миллии Тоҷикистон
Туҳфаи Президенти Тоҷикистон — «Шоҳнома»-и Абулқосим Фирдавсӣ ба ноҳияи Мастчоҳ расид
ҲИФЗИ МЕРОСИ МИЛЛӢ ДАР ТОҶИКИСТОН. Тавассути сиёсати хирадмандона имрӯз ҷаҳониён бо таъриху фарҳанги миллати мо шинос мешаванд
Донишкадаи давлатии санъати тасвирӣ ва дизайни Тоҷикистон бо «Россотрудничество» ҳамкориро густариш медиҳад
Дар Институти масъалаҳои об, гидроэнергетика ва экология озмоишгоҳи муштараки муҳити экологӣ ба истифода дода шуд
Фестивали байналмилалии «Сӯзании Панҷакент» баргузор мешавад
«Харитаи хатсайри Шӯриши Восеъ» таҳия мегардад
«ФАРҲАНГИ СУМАНАКПАЗӢ». Номинатсияи миллии Ҷумҳурии Тоҷикистон ба Феҳристи мероси фарҳанги ғайримоддии ЮНЕСКО ворид гардид
РӮЗИ БАЙНАЛМИЛАЛИИ РАССОМОН. Ин ҳунар дар Тоҷикистон беш аз ҳазор сол пеш ба вуҷуд омадааст
«ҲИФЗИ МЕРОС». Бо мақсади муаррифии сазовори таъриху фарҳанги миллати тоҷик маҷаллаи илмӣ ба нашр расид
РӮЗҲОИ ФАРҲАНГИ ЧИН ДАР ТОҶИКИСТОН. Дар Донишкадаи давлатии фарҳанг ва санъат барномаи фарҳангӣ доир шуд
«МАВЛОНО ВА ТАМАДДУНИ ИНСОНӢ». Ин китоби Президенти Ҷумҳурии Тоҷикистон дар озмуни байналмилалӣ сазовори ҷойи якум гардид
Байни АМИТ «Ховар» ва Агентии иттилоотии «S.P.A»-и Арабистони Саудӣ Ёддошти тафоҳум оид ба ҳамкорӣ дар соҳаи мубодилаи иттилоот ба имзо расид
