Маркази барномаҳои байналмилалӣ барои таҳсили шаҳрвандони Тоҷикистон дар муассисаҳои таҳсилоти олии касбии хориҷӣ қабули ҳуҷҷатҳоро эълон намуд

ДУШАНБЕ, 08.04.2022 /АМИТ «Ховар»/. Муассисаи давлатии «Маркази барномаҳои байналмилалӣ»-и Вазорати маориф ва илми Ҷумҳурии Тоҷикистон ба маълумоти довталабон мерасонад, ки барои таҳсили шаҳрвандони Ҷумҳурии Тоҷикистон дар муассисаҳои таҳсилоти олии касбии хориҷи кишвар тибқи Стипендияи байналмилалии Президенти Ҷумҳурии Тоҷикистон «Дурахшандагон» дар зинаҳои бакалавр, мутахассис, магистр, аспирантура, докторантура ва коромӯз аз рӯи ихтисосҳои гуногун қабули ҳуҷҷатҳо оғоз гардидааст.

Дар ин бора ба  АМИТ «Ховар» дар  Муассисаи давлатии «Маркази барномаҳои байналмилалӣ» хабар доданд.

Хоҳишмандон метавонанд барои супоридани ҳуҷҷат (номнавис шудан) ба «Маркази барномаҳои байналмилалӣ» бо суроғаи шаҳри Душанбе, кӯчаи Мирзо Турсунзода, 47 (рӯ ба рӯи Алиф Сармоя), муроҷиат намоянд.

Телефон барои тамос: 2232359, 2211175

АКС аз бойгонӣ