«Somon Air» дар масири Душанбе-Алмато-Душанбе ҳафтае ду маротиба парвоз анҷом медиҳад
ДУШАНБЕ, 27.04.2022 /АМИТ «Ховар»/. Шурӯъ аз 2 май ширкати ҳавопаймоии «Сомон Эйр» парвозҳояшро дар масири Душанбе-Алмато-Душанбе зиёд менамояд. Ин парвозҳо ҳафтае ду маротиба- рӯзҳои душанбе ва чоршанбе сурат мегиранд. Дар ин бора АМИТ «Ховар» бо истинод ба ширкати ҳавопаймоии «Сомон Эйр» иттилоъ медиҳад.
Парвозҳо дар рӯзҳои душанбе аз Душанбе соати 11:30, аз Алмаато ба Душанбе — соати 15:35, рӯзҳои чоршанбе аз Душанбе соати 10:00, аз Алмато — соати 14:00 ба вақти маҳаллӣ муқаррар шудаанд.
Шаҳрвандони Ҷумҳурии Тоҷикистон, ки ба Қазоқистон сафар мекунанд, бояд маълумотномаи гузаштани ПСР-тестро бо натиҷаи манфӣ (муҳлати эътибораш 3 шабонарӯз аз замони гирифтани маводи биологӣ то вуруд ба қаламрави Қазоқистон) бо забони русӣ ва ё англисӣ пешниҳод намоянд. Барои кӯдакони то 5-сола пешниҳоди маълумотнома лозим нест. Барои вуруд ба қаламрави Тоҷикистон мусофирон бояд гувоҳномаи гирифтани ваксинаро (пурра ва ё қисман) пешниҳод намоянд. Дар ҳолати надоштани гувоҳномаи ваксинатсия мусофиронро пешниҳоди маълумотномаи ПСР-тест бо натиҷаи манфӣ, ки давоми 72 соат пеш аз вуруд ба Ҷумҳурии Тоҷикистон дода шудааст, зарур мебошад. Кӯдакони то 3-сола аз пешниҳоди ПСР-тест озод мебошанд.
АКС аз манбаъҳои боз
CASA-1000. Ин лоиҳа ҳамчун пули энергетикӣ барои ҳамгироии иқтисодӣ ва сиёсӣ замина фароҳам меорад
Ба боғдорону соҳибкорон равандҳои ҳамлу нақл ва логистикаи содироти хушкмева аз Тоҷикистон ба бозорҳои ҷаҳон омӯзонида шуд
Иштирокчиёни Форуми сайёҳии «Суғд — чорроҳаи Роҳи бузурги Абрешим» Қалъаи Хуҷандро тамошо намуданд
Тоҷикистон барои сохтмони марказҳои агрологистикӣ хостори ҷалби сармоя аз Арабистони Саудӣ мебошад
Масоили марбут ба бунёди иншооти муҳими стратегӣ дар Тоҷикистон бо ҷалби сармояи Корея баррасӣ шуд
Дар Палатаи ҳисоб бо иштироки роҳбарони мақомоти олии аудити давлатҳои аъзои СҲШ ҳамоиш доир шуд
Тоҷикистон ва Эрон хостори таҳкими ҳамкории саноатӣ гардиданд
Ҷаласаи чоруми Комиссияи муштараки байниҳукуматӣ оид ба ҳамкории иқтисодию тиҷоратии Тоҷикистону Арманистон баргузор мегардад
Шарҳи дуюми татбиқи барномаи фишанги ҳамоҳангсозии сиёсати Хазинаи Байналмилалии Асъор барои Тоҷикистон баррасӣ шуд
Дар Душанбе гузариш ба иқтисоди «сабз» ва истифодаи оқилонаи захираҳои ангишт баррасӣ гардид
Дар ноҳияи Спитамен дар 6490 гектар пунбадона кишт карда мешавад
Тоҷикистон Эронро аз муҳимтарин шарикони стратегии минтақавӣ дар Ховари Миёна медонад
