Созмони умумиҷаҳонии савдо ду баробар коҳишёбии суръати рушди тиҷоратро дар ҷаҳон пешгӯӣ мекунад

Апрель 13, 2022 12:06

ДУШАНБЕ, 13.04.2022 /АМИТ «Ховар»/. Созмони умумиҷаҳонии савдо (СУС)  коҳишёбии суръати рушди тиҷорати ҷаҳониро дар соли 2022 аз 4,7% то 2,4-3% гузориш додааст, хабар медиҳад АМИТ Ховар бо истинод ба ТАСС.

Коҳиши тиҷорат ва истеҳсолотро  мардуми саросари ҷаҳон ба далели «беш аз пеш баланд гардидани  нархи маводи ғизоӣ ва энергия ва ҳамчунин коҳиши дастрасии молҳои содиротии Русия ва Украина» эҳсос  менамоянд. Аз ин рӯ,  давлатҳое, ки даромад ба ҳар сари аҳолияшон  паст аст, ба «хатари калонтар» мувоҷеҳ мегарданд, зеро онҳо нисбат ба кишварҳое, ки сарватманданд, ҳиссаи бештари даромади худро барои озуқа сарф мекунанд.

Русия ва Украина таъминкунандагони асосии  «маҳсулоти муҳим», аз қабили озуқа ва энергия ҳастанд. «Аврупо, ки макони асосии самти содироти Русия ва Украина мебошад, эҳтимол дорад таъсири гарони иқтисодиро бар дӯш гирад. Дар ҳамин ҳол муаллифони гузориш ҳамчунин Африқо ва Шарқи Наздикро  «минтақаҳои осебпазир» арзёбӣ намудаанд, зеро онҳо беш аз нисфи зиёди ғаллаи худро аз Русия ва Украина ворид менамоянд.

СУС аз «таваккалҳои дарозмуддат» бо далели ҳаводиси Украина ҳушдор дод: ин эҳтимоли «пароканда шудани иқтисоди ҷаҳонӣ ба блокҳои алоҳида» аст. «Таҳримҳои иқтисодӣ метавонанд боиси он шаванд, ки иқтисодҳои бузург бар асоси ҳисобҳои геополитикӣ ба сӯи «ҷудошавӣ» аз дигарҳо ҳаракат кунанд, то ба худкифоии бештар дар истеҳсолот ва тиҷорат ноил шаванд», — мегӯянд коршиносон.

Ба ақидаи онҳо, ҳатто агар дар ҷаҳон «блокҳои расмӣ»-и нав вуҷуд надошта бошанд ҳам, «бозингарони хусусӣ» метавонанд кӯшиш кунанд, ки «бо роҳи тағйир додани занҷирҳои таъминот хатарҳоро ба ҳадди ақалл расонанд».

Акс аз бойгонӣ

Апрель 13, 2022 12:06

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст