«Tajikistan Fashion Week» тарроҳони шинохтаро дар Душанбе ҷамъ меорад
ДУШАНБЕ, 12.04.2022 /АМИТ «Ховар»/. Интизор меравад, ки нимаи аввали моҳи майи соли равон зимни мизбонии Душанбе аз фасли ҳаштуми Ҳафтаи мӯди Тоҷикистон «Tajikistan Fashion Week» тарроҳони шинохтаи ватанӣ ва хориҷӣ коллексияҳои худро пешкаши дӯстдорони олами мӯд намоянд.
Тавре дар суҳбат ба хабарнигори АМИТ «Ховар» сардори Раёсати саноати сабук ва пиллаи Вазорати саноат ва технологияҳои нави ҷумҳурӣ Малика Ёрбобоева изҳор дошт, фасли ҳаштуми Ҳафтаи мӯди Тоҷикистон «Tajikistan Fashion Week» бо ибтикори ташкилоти эҷодии «Tajikistan Fashion Week» ва дастгирии Вазорати саноат ва технологияҳои нави Ҷумҳурии Тоҷикистон дар доираи иҷрои дастуру супоришҳои Пешвои миллат муҳтарам Эмомалӣ Раҳмон, ки дар Паёмашон ба Парлумони мамлакат баён намуда буданд ва Солҳои рушди саноат эълон гардидани солҳои 2022-2026 гузаронида мешавад.
Мавсуф афзуд, ки ҳадафи баргузории Ҳафтаи мӯди Тоҷикистон «Tajikistan Fashion Week» рушди соҳаи мӯд ва маҳсулоти тарроҳони ватанӣ, ташвиқу тарғиби матоъ, маҳсулоти пахтагин ва муаррифии ҳарчи бештари имконоти ресандагию бофандагии Тоҷикистон мебошад.
Афзалияти бештаре, ки имсол дар фасли ҳаштуми Ҳафтаи мӯди Тоҷикистон «Tajikistan Fashion Week» дида мешавад, ин ба маърази тамошо гузоштани коллексияҳои тарроҳон, ки аз матоъҳои анъанавии пахтагин ва абрешимӣ омода кардаанд, мебошад.
Инчунин доир намудани фасли ҳаштуми Ҳафтаи мӯди Тоҷикистон ба омода намудан ва сайқал бахшидани кори тарроҳони ҷавони ватанӣ мусоидат менамояд, мегӯяд Малика Ёрбобоева.
Фасли ҳаштуми Ҳафтаи мӯди Тоҷикистон ба пахтаи тоҷик ва матоъҳои аз пахта истеҳсолшаванда бахшида мешавад.
АКС: аз манбаъҳои боз
«ТОҶИКОНА МЕПӮШЕМ!». Ин иқдом соли ҳаштум аст бо мақсади ҳифзи либоси миллӣ гузаронида мешавад
МАН СУРУДИ ОСИЁЯМ, ҚИТЪАИ ОГОҲДИЛ. Эҳдо ба 115-солагии Шоири халқии Тоҷикистон Мирзо Турсунзода
«ТОҶИКОНА МЕПӮШЕМ». Дар ноҳияи Ёвон роҳпаймоӣ баргузор гардид
Дар шароити ҷаҳонишавӣ мероси миллӣ ва маънавиро ҳифз мебояд кард
Бахшида ба Рӯзи байналмилалии ҳифзи пиряхҳо дар Осорхонаи миллӣ конфронси илмӣ доир шуд
Ҷаласаи комиссияи Озмуни ҷумҳуриявии «Тоҷикистон — Ватани азизи ман» дар соли 2026 баргузор гардид
Дар «Тоҷикфилм» 12 лоиҳаи нави синамоӣ муаррифӣ карда шуд
Дар Донишкадаи кӯҳию металлургии Тоҷикистон Кафедраи ЮНЕСКО таъсис дода шуд
ИСТЕҲСОЛИ ФИЛМҲОИ МИЛЛӢ ДАР ТОҶИКИСТОН КАМ АСТ. Ва ё рушди кинои миллӣ аз кӣ ва чӣ вобаста аст?
Маҷмуаи ашъори «Каманди зулф»-и Шоири халқии Тоҷикистон дар нашриёти «Орван»-и Теҳрон ба табъ расид
Намоиши ҷашнии «Тасвири шуҷоат ва мардонагии фарзандони тоҷик дар нигораҳои Осорхонаи миллӣ» ифтитоҳ шуд
