«ВОРУХ — ДЕВОРИ ВАТАН». Дар Амстердам таҳти ин унвон китоби нав муаррифӣ гардид
ДУШАНБЕ, 07.04.2022 /АМИТ «Ховар»/. 18 март дар шаҳри Амстердам дар доираи ҷамъомади ҷамъияти тоҷикони Нидерланд «Сомониён» бахшида ба Ҷашни байналмилалии Наврӯз маросими муаррифии китоби Шаҳзодаи Самарқандӣ «Ворух — девори Ватан» баргузор гардид.
Муаллифи китоб нависанда ва шоираи тоҷик, рӯзноманигор ва муҳаққиқ Шаҳзодаи Самарқандӣ мебошад.
Ӯ дар ин китоб мақолаву ашъор дар бораи Ворух, инчунин ёддоштҳои сафар ва тадқиқоти таърихиро ба забонҳои тоҷикӣ, русӣ ва англисӣ гирдоварӣ кардааст.
Дар маросими муаррифии китоби «Ворух – девори Ватан» Сафири Фавқулода ва Мухтори Ҷумҳурии Тоҷикистон дар Шоҳигарии Белгия Эркинхон Раҳматуллозода иштирок ва суханронӣ намуд.
Эркинхон Раҳматуллозода тазаккур дод, ки масъалаи Ворух барояш хеле дарднок аст, зеро худи ӯ аз ин гӯшаи Тоҷикистон мебошад.
Сафири Тоҷикистон аз номи Сафорат ба Шаҳзодаи Самарқандӣ барои таълифи ин китоб сипоснома супорид. «Ба нишони қардонӣ аз заҳматҳои бедареғи Шаҳзодаи Самарқандӣ – нависанда, рӯзноманигор ва муҳаққиқи шинохта дар роҳи дифоъ аз манофеъи кулли порсигӯён, тақвияти ҳамбастагӣ ва ваҳдати онон, интишору таблиғи беҳтарин намунаҳои фарҳангу тамаддуни волои мо сарфароз гардонида мешавад», — омадааст дар сипосномаи Сафорати Тоҷикистон.
Ёдовар мешавем, ки Шаҳзодаи Самарқандӣ (Шоҳзода Назарова), ки дар Самарқанд зода шуда, факултаи филологияи тоҷики Донишгоҳи давлатии Самарқандро хатм кардааст, ҳоло дар Нидерланд кору зиндагӣ дорад. Ӯ қаблан романҳои «Бозгашт ба Бухоро» («Возвращение в Бухару», «Back to Bukhara», ба забонҳои тоҷикӣ ва англисӣ нашр шудааст) ва «Регистон»-ро таълиф карда буд. Муаррифии «Регистон» соли 2016 дар Гаага баргузор шуда буд. Ин ду роман аз рӯзгори тоҷикони Самарқанду Бухороро дар гузаштаҳо, минҷумла дар замони пошхӯрии Иттиҳоди Шӯравӣ қисса мекунанд.
Шаҳзодаи Самарқандӣ шеър низ менависад. Дӯстдорони назм бо китобҳои ӯ «Дар сояи сафар» (2005) ва «Сабри Санг» (1994) хуб ошноянд.
Зебои ЮСУФ,
АМИТ «Ховар»
АКСҲО аз бойгонии шахсии Шаҳзодаи Самарқандӣ
«САД РАНГИ ЧАКАН». Дар Душанбе ин фестивали ҷумҳуриявӣ ҷамъбаст гардид
Роҳбарзанони Узбекистон бо табиати зебои шаҳри Норак шинос шуданд
Дар Душанбе ҳамкории илмии Академияи миллии илмҳои Тоҷикистон ва Донишгоҳи Акитаи Ҷопон баррасӣ шуд
Дар Донишгоҳи техникии Тоҷикистон даври аввали Озмуни ҷумҳуриявии «Илм-фурӯғи маърифат» баргузор шуд
Донишкадаи давлатии фарҳанг ва санъати Тоҷикистон бо 4 муассисаи таҳсилоти олии Узбекистон ҳамкорӣ мекунад
«ШОҲРОҲИ БУЗУРГИ АБРЕШИМ». Тоҷикистон барои иштирок дар ин намоиши байналмилалӣ омодагии ҷиддӣ мебинад
Дар Душанбе конференсияи ҷумҳуриявӣ оид ба ҳифзи ёдгориҳои таърихию фарҳангӣ доир гардид
Дар Душанбе бо иштироки олимону зиёиёни Тоҷикистон ва Узбекистон конференсияи байналмилалӣ баргузор шуд
Дар доираи Ҳафтаи илм оид ба мероси уран дар Осиёи Марказӣ конфронси байналмилалӣ баргузор гардид
Имрӯз дар Душанбе бо иштироки меҳмонон аз Узбекистон Озмуни ҷумҳуриявии «Кадбонуи беҳтарин» ҷамъбаст гардид
«ИЛМ-ФУРӮҒИ МАЪРИФАТ». Баҳри омодагӣ ба озмун дар Душанбе ҳамоиш доир гардид
ИМРӮЗ-РӮЗИ ҶАҲОНИИ ҲИФЗИ ЁДГОРИҲОИ ТАЪРИХИЮ ФАРҲАНГӢ. Дар Тоҷикистон зиёда аз 100 ёдгории таърихиву фарҳангӣ тармиму барқарор гардид
