Ҷаласаи Ситоди доимамалкунанда аз ҳисоби роҳбарони мақомоти марказӣ ва вилояти Хатлон дар соҳаи иҷтимоӣ доир шуд

Май 4, 2022 10:15

ДУШАНБЕ, 04.05.2022 /АМИТ «Ховар»/. Дар Вазорати маориф ва илми Ҷумҳурии Тоҷикистон таҳти раёсати Вазири маориф ва илм Раҳим Саидзода ҷаласаи Ситоди доимамалкунанда аз ҳисоби роҳбарони мақомоти марказӣ ва вилояти Хатлон дар соҳаи иҷтимоӣ ҷиҳати иҷрои банди 39 Нақшаи чорабиниҳо оид ба иҷрои дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон, ки аз  машварати корӣ бо фаъолони вилояти Хатлон (24 феврали соли 2022) бармеоянд, баргузор гардид.

Дар ҷаласа роҳбарон ва намояндагони вазоратҳои маориф ва илм, фарҳанг, тандурустӣ ва ҳифзи иҷтимоии аҳолӣ, меҳнат, муҳоҷират ва шуғли аҳолӣ, кумитаҳои телевизион ва радио, забон ва истилоҳот, кор бо ҷавонон ва варзиш, кор бо занон ва оила, дин, танзими анъана ва ҷашну маросим, Агентии назорат дар соҳаи маориф ва илм, Академияи миллии илмҳои Тоҷикистон, Агентии миллии иттилоотии Тоҷикистон «Ховар», Федератсияи иттифоқҳои касабаи мустақили Тоҷикистон ва муовини раиси вилояти Хатлон иштирок намуданд.

Дар он раиси ҷаласа, Вазири маориф ва илм Раҳим Саидзода иброз намуд, ки 24 феврали соли ҷорӣ мулоқоти Президенти Ҷумҳурии Точикистон, Пешвои миллат муҳтарам Эмомалӣ Раҳмон бо роҳбарон ва фаъолони вилояти Хатлон баргузор гардид, ки дар он тамоми паҳлӯҳои соҳаҳои иҷтимоиву иқтисодии вилоят мавриди таҳлилу баррасии ҳамаҷониба қарор гирифт. Дар зимн роҳбарони мақомоти иҷроияи ҳокимияти давлатии вилояти Хатлон ва шаҳру ноҳияҳои он дар якҷоягӣ бо вазорату идораҳои дахлдор дастур гирифтанд, ки баҳри бартараф намудани мушкилоти мавҷудаи вилоят тадбирҳои амалӣ андешанд.

Бо ин мақсад, Нақшаи чорабиниҳо оид ба иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон, ки дар машварати корӣ бо фаъолони вилояти Хатлон 24 феврали соли 2022 баён дошта буданд, ба тасвиб расид. Банди 39 он таъсиси ситоди доимамалкунанда аз ҳисоби роҳбарони мақомоти марказӣ ва вилояти Хатлонро дар соҳаи иҷтимоӣ тақозо менамояд. Дар асоси банди мазкур аз ҷониби муовини Сарвазири Ҷумҳурии Тоҷикистон Матлубахон Сатториён аз 21 апрели соли 2022 ҳайати ситод тасдиқ гардида, аъзои ситод вазифадор шудаанд, ки соҳаи иҷтимоии вилояти Хатлонро мавриди омӯзиш ва таҳлил қарор дода, вобаста ба мушкилоти мавҷуда нақшаи чорабиниҳо таҳия ва баҳри бартараф намудани онҳо тадбирҳо андешанд.

Зимни ҷаласа инчунин роҳбарият ва намояндагони вазоратҳои фарҳанг, тандурустӣ ва ҳифзи иҷтимоии аҳолӣ, меҳнат, муҳоҷират ва шуғли аҳолӣ, кумитаҳои телевизион ва радио, кор бо ҷавонон ва варзиш, кор бо занон ва оила, Агентии назорат дар соҳаи маориф ва илм, Академияи миллии илмҳои Тоҷикистон, Федератсияи иттифоқҳои касабаи мустақили Тоҷикистон ва муовини раиси вилояти Хатлон сухан гуфта, таклифу пешниҳодоти худро ҷиҳати ҳалли мушкилоти ҷойдошта дар соҳаи иҷтимоии вилояти Хатлон пешкаш намуданд.

Дар хатми ҳамоиш  қарор қабул гардид, ки ситод моҳе як маротиба ҷаласа доир намуда, аз натиҷаи корҳои анҷомдода ба Ҳукумати Ҷумҳурии Тоҷикистон маълумот пешниҳод намояд.

АКС: маркази матбуоти Вазорати маориф ва илми Ҷумҳурии Тоҷикистон

 

Май 4, 2022 10:15

Хабарҳои дигари ин бахш

Фестивали чоруми дӯстии ҷавонони шаҳри Душанбе баргузор гардид
«БАЧА АЗИЗ, ОДОБАШ АЗ ОН АЗИЗТАР…». Ба таълиму тарбияи фарзандон набояд бетарафӣ зоҳир намуд
Маркази тадқиқоти стратегии Тоҷикистон ва Институти байналмилалии Осиёи Марказӣ масоили ҳамкории илмию таҳлилиро баррасӣ намуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
ЗАБОН ДОНӢ-ҶАҲОН ДОНӢ. Аз 1 апрел кормандони мақомоти давлатӣ, худидоракунии маҳаллӣ ва ташкилотҳои давлатӣ ба омӯзиши ҳатмии забонҳои хориҷӣ фаро гирифта мешаванд
Дар ноҳияи Айнӣ сеюмин ҳамоиши гирандагони стипендияи президентӣ баргузор шуд
НАВРӮЗИ ХУҶАСТАПАЙ МУЖДАИ НЕКИ БАҲОРИ ХУРРАМ. Дар Суғд Ҷашни байналмилалии Наврӯз бо шукуҳи хоса таҷлил шуд
Тоҷикистон терроризму ифротгароиро қотеона маҳкум менамояд
24 МАРТ — РӮЗИ ҶАҲОНИИ МУБОРИЗА БО БЕМОРИИ СИЛ. Ҳадаф аз он огоҳӣ, пешгирӣ ва мубориза бар зидди ин беморӣ мебошад
ИМРӮЗ ДАР ТОҶИКИСТОН — РӮЗИ ГУЛ ВА НИҲОЛШИНОНӢ. Соли 2023 дар ҷумҳурӣ беш аз 1 миллион бех ниҳоли дарахтони гуногун шинонида шуд
МАСЛИҲАТИ МУТАХАССИС. Истеъмоли гулкарам масунияти инсонро боло мебардорад
МАСЛИҲАТИ МУТАХАССИС. Истеъмоли ғизои солим беҳтарин роҳи ҳифзи солимии шахс мебошад