Дар 4 моҳи соли 2022 дар Тоҷикистон зиёда аз 963 тонна моҳӣ истеҳсол гардид
ДУШАНБЕ, 30.05.2022 /АМИТ «Ховар»/. Дар 4 моҳи соли равон дар ҳамаи шаклҳои хоҷагидории Тоҷикистон 963,8 тонна моҳӣ истеҳсол гардид, ки нисбат ба ҳамин давраи соли гузашта мутаносибан 219 тонна зиёд мебошад. Дар ин бора зимни машғулияти илмию амалии ҷумҳуриявӣ оид ба рушди соҳаи моҳипарварӣ, ки 26-27 май дар вилояти Суғд баргузор гардид, гуфта шуд, хабар медиҳад АМИТ «Ховар» бо истинод ба Вазорати кишоварзии ҷумҳурӣ.
Дар машғулият муовини якуми Вазири кишоварзӣ Музаффар Мирзозода зикр намуд, ки маҳз бо дастгирии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз соли 2019 ба соҳаи моҳипарварӣ имтиёзҳои андозӣ ва гумрукӣ дода шуданд. То ин давра бо истифодаи имтиёзҳои додашуда соҳаи моҳипарварӣ босуръат рушд ёфта, шумораи хоҷагиҳои моҳипарварӣ ва истеҳсоли моҳӣ марҳила ба марҳила зиёд гардида истодааст.
«Айни замон дар миқёси ҷумҳурӣ 372 адад, аз ҷумла дар вилояти Суғд 32 адад хоҷагиҳои моҳипарварӣ фаъолият доранд, ки нисбат ба ҳамин давраи соли гузашта 12 адад зиёд аст, — тазаккур дод ӯ. Аз рӯи маълумоти оморӣ, ба ҳолати 1 майи соли 2022 дар ҳамаи шаклҳои хоҷагидории ҷумҳурӣ 963,8 тонна, аз ҷумла дар вилояти Суғд 285,1 тонна моҳӣ истеҳсол гардидааст, ки нисбат ба ҳамин давраи соли гузашта мутаносибан 219 ва 47,4 тонна зиёд мебошад».
Зикр гардид, ки тайи солҳои охир саҳми ҶДММ «Рахшона»-и ноҳияи Ашт ва ҶДММ «Корпоратсия Моҳии Тоҷик» дар пешрафти соҳаи моҳипарварии вилояти Суғд назаррас мебошад. Хусусан дар сехи моҳичабарории ҶДММ «Корпоратисия Моҳии Тоҷик» соли гузашта 70 млн. дона кирминамоҳӣ истеҳсол гардида, соли ҷорӣ масъулин тасмим доранд ин нишондиҳандаро ба зиёда аз 80 млн. дона расонанд.
Ҳамзамон соли 2021 ҶДММ «Рахшона» 160 тонна моҳӣ истеҳсол намуда, аз рӯи дурнамо то охири соли ҷорӣ истеҳсоли моҳӣ ба зиёда аз 200 тонна расонида мешавад.
Зимни машғулият мутахассисон ва олимони соҳа оид ба дастгириҳои Пешвои миллат ва Ҳукумати Ҷумҳурии Тоҷикистон ибрози назар карданд.
Инчунин мубодилаи таҷриба миёни роҳбарони хоҷагиҳои моҳипарварӣ сурат гирифта, иштирокчиёни чорабинӣ бо ҷараёни истеҳсоли кирминамоҳӣ дар сехи инкубатсионии ҶДММ «Корпоратсия Моҳии Тоҷик» шинос шуданд.
АКС: Хадамоти матбуоти Президенти ҶТ/АМИТ «Ховар»
Тавсеаи ҳамкории Тоҷикистон бо Швейтсария дар доираи лоиҳаи «Blue Peace Central Asia» баррасӣ шуд
Дар Душанбе ҷаласаи 18-уми Комиссияи байниҳукуматии Тоҷикистону Беларус доир мегардад
Таҳкими робитаҳои дуҷонибаи Тоҷикистон ва Ҷопон дар бахшҳои иқтисодӣ баррасӣ шуд
Масоили омодагӣ ва иштироки Корея дар Форуми байналмилалии сармоягузории «Dushanbe Invest – 2025» баррасӣ шуд
Резервати биосферии «Ромит» ба Феҳристи шабакаи ҷаҳонии резерватҳои биосферии ЮНЕСКО ворид карда мешавад
Хуршед Мирзо дар форуми БРИКС дар Чин омодагии Тоҷикистонро барои ҳамкории рақамӣ ва саноатӣ баён намуд
ФОРУМИ БАЙНАЛМИЛАЛИИ САРМОЯГУЗОРӢ ДАР СОҲАИ САЙЁҲӢ. Дар Душанбе имконияти нави сармоягузорӣ ба соҳаи сайёҳӣ баррасӣ шуд
«Харитаи роҳ ба самти бетарафии карбон барои Осиёи Марказӣ» дар Токио баррасӣ шуд
Кумитаи ҳифзи муҳити зист «Стратегияи миллии идоракунии партовҳо барои давраи то соли 2035»-ро таҳия менамояд
Тоҷикистон ва Хазинаи байналмилии асъор ҳамкориро дар самтҳои рушди соҳаҳои иқтисоди миллӣ густариш медиҳанд
Ҷаласаи махсуси ҳамоҳангсозии ҳарсолаи гӯруҳи ICAO оид ба такмили хатҳои ҳавоии минтақаи шарқ – «RDGЕ-SСМ/2025» идома дорад
Имрӯз дар Душанбе Форуми байналмилалии сармоягузорӣ дар соҳаи сайёҳӣ баргузор мешавад
