ДАР ДУШАНБЕ ФОРУМИ ДОРОИ АҲАМИЯТИ ҶАҲОНӢ БАРГУЗОР МЕГАРДАД. Сарвазири Ҷумҳурии Тоҷикистон дирӯз ҷаласаи навбатии кумитаи тадорукотро баргузор намуд

Май 19, 2022 12:01

ДУШАНБЕ, 19.05.2022 /АМИТ «Ховар»/. Дирӯз дар шаҳри Душанбе яке аз ҷаласаҳои ҷамъбастии кумитаи тадорукоти Конфронси дуюми сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028» баргузор гардид. Ҷаласаро Сарвазири Тоҷикистон, раиси кумитаи тадорукот Қоҳир Расулзода доир намуд.

Вазири корҳои хориҷии Ҷумҳурии Тоҷикистон, муовини раиси кумитаи тадорукот Сироҷиддин Муҳриддин оид ба омодагӣ ба Конфронси дуюми сатҳи баланд сухан гуфт. Зикр гардид, ки дар назди Вазорати корҳои хориҷӣ котиботи чорабинӣ иборат аз 11 нафар таъсис ёфта, ба сарони давлату ҳукуматҳо, роҳбарияти СММ ва дигар созмонҳои дахлдори байналмилалӣ даъватнома ирсол гардидааст. Зиёда аз 2000 нафар меҳмонони хориҷӣ аллакай сабти ном шуда, иштироки худро тасдиқ кардаанд.

Раиси Кумитаи иҷроияи Хазинаи байналмилалии наҷоти Арал Султон Раҳимзода дар бораи омодагиҳо ба Намоишгоҳи байналмилалӣ дар чаҳорчӯби Конфронси сатҳи баланд сухан гуфт.

Ба иштирокчиёни ҷаласа дар бораи ҷараёни марафони ҷаҳонӣ бо иштироки давандаи австралиягӣ, муассис ва директори генералии фонди «Thirst», ки 15 май дар Душанбе шурӯъ шуда, дар арафаи ифтитоҳи Конференсияи СММ оид ба об дар Ню-Йорк ба анҷом мерасад, иттилоъ дода шуд.

Намояндагони роҳбарияти дигар вазорату идораҳо оид ба омодагӣ ба фестивали об, ҷадвали экскурсияҳои иштирокчиёни хориҷии Конфронси дуюми сатҳи олӣ ба маконҳои таърихию фарҳангӣ ва дигар ҷойҳои қобили тамошои кишвари мо, инчунин оид ба таъминоти моддӣ ва дигар чорабиниҳои ташкилӣ ҳисобот доданд.

Дар ҷамъбасти ҷаласа Сарвазири мамлакат Қоҳир Расулзода ба вазорату идораҳои дахлдор ҷиҳати ҳарчи зудтар дар сатҳи баланд анҷом додани корҳои боқимонда оид ба омодагӣ ба конфронс дастурҳои мушаххас дод.

Ёдовар мешавем, ки Конфронси дуюми байналмилалии сатҳи баланд бахшида ба Даҳсолаи байналмилалии амал «Об барои рушди устувор, солҳои 2018-2028» таҳти унвони «Ҳавасмандгардонии амал ва шарикӣ дар соҳаи захираҳои об дар сатҳи маҳаллӣ, миллӣ, минтақавӣ ва ҷаҳонӣ» 6-9 июни соли 2022 дар шаҳри Душанбе баргузор мегардад.

АКС: АМИТ «Ховар»

Май 19, 2022 12:01

Хабарҳои дигари ин бахш

Сарвазири Тоҷикистон Қоҳир Расулзода дар ҷаласаи навбатии Шӯрои сарони ҳукуматҳои кишварҳои узви ИДМ тариқи видеоконференсия иштирок намуд
МИНА ГУЛИ – ДАР ТОҶИКИСТОН: МАРАФОНИ ҶАҲОНӢ ИДОМА ДОРАД. Он баҳори соли оянда дар Ню-Йорк ба анҷом мерасад
Президенти Тоҷикистон Созмони Аҳдномаи амнияти дастҷамъиро аз таҳия шудани барномаҳои мухталиф дар марзҳои ҷанубӣ огоҳ намуданд
ДАР РУСИЯ ШУМОРАИ НАФАРОНИ ДАР ЯК ШАБОНАРӮЗ БО COVID-19 БИСТАРИШУДА СЕ МАРОТИБА АФЗУД. Вазъи коронавирус дар Тоҷикистон чӣ гуна назорат мешавад?
КОНФРОНСИ ДУЮМИ САТҲИ БАЛАНД ОИД БА МАСЪАЛАҲОИ ОБ ДАР ДУШАНБЕ. То имрӯз ҷиҳати иштирок дар он беш аз 1000 нафар номнавис шудаанд
Пешвои миллат Эмомалӣ Раҳмон 9 майро санаи ёдоварӣ аз муборизаи фидокоронаи фарзандони Тоҷикистон дар ҷабҳаҳои ҷанг хонданд
САҲМИ ФИРИСТОДАГОНИ ТОҶИКИСТОН ДАР ҒАЛАБА. Зиёда аз 250 ҳазор нафар ихтиёрӣ ба фронт рафта, барои таъмини Ғалаба ҷонбозиҳо намудаанд
«ПЕШВОИ МИЛЛАТ — ТАШАББУСКОРИ ҲАДАФҲОИ ҶАҲОНИИ РУШДИ УСТУВОР ДАР СОҲАИ ОБ». Таҳти ин унвон дар Душанбе конференсия доир шуд
ТАВАҶҶУҲ! ДАР РУСИЯ — МАВҶИ НОАЁНИ COVID-19. Шумораи гирифторони коронавирус дар ҷаҳон аз 514 миллион нафар гузашт
ИМРӮЗ — РӮЗИ УМУМИҶАҲОНИИ ОЗОДИИ МАТБУОТ. Тоҷикистон дар раддабандии нави Созмони «Гузоришгарони бидуни марз» 10 зина боло рафт
ШУМОРАИ 108-УМИ БЮЛЛЕТЕН ДАР БОРАИ МУБОРИЗА БАР ЗИДДИ COVID-19 ДАР ИДМ БА НАШР РАСИД. Бахш оид ба Тоҷикистон аз маводи АМИТ «Ховар» иборат аст
МАЪЛУМОТ БАРОИ МУЛОҲИЗА. Пандемия ҳанӯз поён наёфтааст, дар Русия замони хуруҷи нави COVID-19-ро пешгӯӣ намуданд