Дар Тоҷикистон тайи 15 соли татбиқи қонуни танзим беш аз 25 миллиард сомонӣ ба нафъи шаҳрвандон пасандоз гардидааст

Май 2, 2022 13:02

ДУШАНБЕ, 02.05.2022 /АМИТ «Ховар»/. Аз оғози татбиқи яке аз қонунҳои миллии кишвар — Қонун «Дар бораи танзими анъана ва ҷашну маросим дар Ҷумҳурии Тоҷикистон» тибқи ҳисоботи мақомоти ваколатдор аз ҳисоби  ба низом омадани маъракаҳо, камхарҷ гузаронидани онҳо, ихтисори якчанд маъракаҳои такрорӣ дар маҷмӯъ беш аз 25 миллиард сомонӣ ба нафъи шаҳрвандон пасандоз гардидааст.  Дар ин бора  зимни ҷаласае, ки дар  Хадамоти гумруки назди Ҳукумати ҷумҳурӣ бо иштироки намояндаи Маркази исломшиносӣ дар назди Президенти Ҷумҳурии Тоҷикистон Азизулло Мирзозода, сардори Раёсати ташкилию бозрасии Хадамоти гумрук Абдумумин Муродиён ва ҳайати шахсии дастгоҳи марказии хадамот доир гардид, зикр шуд.

Ба АМИТ «Ховар» дар Хадамоти гумруки назди Ҳукумати Ҷумҳурии Тоҷикистон иттилоъ доданд, ки   дар ҷаласа раванди татбиқи қонунҳои Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» ва «Дар бораи озодии виҷдон ва итиҳодияҳои динӣ» баррасӣ гардид.

Сардори Раёсати ташкилию бозрасии Хадамоти гумрук Абдумумин Муродиён иброз дошт, ки «беш аз понздаҳ соли амалишавии Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» дар ҷомеаи мо  таҳаввулоти бузурги фикрӣ ба бор оварда, сабаби решакан гардидани бисёр амалҳои хурофотӣ гардид. Аммо ҳанӯз ҳам баъзе унсурҳои номатлуб миёни қишрҳои ноогоҳи ҷомеа барҷой мондаанд, ки боиси нигаронист».

Зикр шуд, ки хурофот дар зеҳни мардуме шакл мегирад, ки бобати ин ё он мавзӯъ дониши кофӣ надоранд ва маҳз миёни гурӯҳҳое густариш пайдо мекунад, ки сатҳи донишу маърифаташон паст аст.

Корманди Маркази исломшиносӣ дар назди Президенти Ҷумҳурии Тоҷикистон Азизулло Мирзозода оид ба иҷрои талаботи қонунҳои Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» ва «Дар бораи озодии виҷдон ва итиҳодияҳои динӣ» ибрози назар намуда, ҷанбаҳои ҳуқуқии онҳоро тавзеҳ дода, тадбирҳои дар ин самт роҳандозишударо бо мисолҳои мушаххас ба иштирокдорон фаҳмонид.

Муҳимтарин  хусусияти қонунҳои соҳавии муосири Тоҷикистон дар он аст, ки ба арзишҳои миллии давлатдории дунявӣ бештар арҷ гузошта мешавад. Аз ин нуқтаи назар миёни арзишҳои динӣ ва арзишҳои давлати миллии дунявии Тоҷикистон дар қонунгузории миллӣ ягон ихтилофот мавҷуд нест ва ҳама фаъолият дар асоси он қонунгузорие ба роҳ монда мешавад, ки манфиати умумии давлатро дар мадди назар дорад. Қонуни Ҷумҳурии Тоҷикистон «Дар бораи озодии виҷдон ва иттиҳодияҳои динӣ» муносибатҳо оид ба ҳуқуқи инсон ба озодии виҷдон ва озодии пайравӣ ба дин, муносибатҳои байни давлат ва иттиҳодияҳои динӣ, инчунин вазъи ҳуқуқии иттиҳодияҳои диниро танзим менамояд.

Яке  аз қонунҳои миллӣ- Қонуни Ҷумҳурии Тоҷикистон «Дар бораи танзими анъана ва ҷашну маросим» бо иқдоми Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 8 июни соли 2007 қабул гардида, ҳадафаш баланд бурдани сатҳи некуаҳволии сокинони кишвар, пешгирӣ аз хароҷоти беҳуда ва исрофкорӣ,  ба низом даровардани маъракаҳои хурсандӣ ва азодории шаҳрвандон аст.

Бо гузашти 15 сол аз қабул ва татбиқи ин қонуни миллӣ он то андозае  ба ҳадафҳои худ расид. Дар моддаи 7 банди 4-и қонуни зикршуда ба шаҳрвандон бобати дар рӯзҳои иди Рамазон ва Қурбон оростани хони маънавӣ ва дурӣ ҷустан аз исроф ва зиёдаравӣ дастур дода шудааст, аммо мутаассифона, то ҳоло аз ҷониби як теъдод ҳамватанон ин амали носавоб ба мушоҳида мерасад.

Аз ин рӯ даъват ба амал оварда шуд, ки аҳли ҷомеа бояд иқдомҳои Президенти Ҷумҳурии Тоҷикистон муҳтарам Эмомалӣ Раҳмонро дар самти  татбиқи пурраи ин қонунҳо ҷонибдорӣ намуда, барои ҳифзи якпорчагӣ, таъмини амният, субот  ва пешрафти кишварамон саҳми бориз гузоранд.

 АКС: Хадамоти гумруки назди  Ҳукумати ҶТ 

Май 2, 2022 13:02

Хабарҳои дигари ин бахш

Ба сокинони аз офатҳои табиӣ зарардидаи ноҳияи Фархор кумак расонида шуд
Дар Деваштич дар мавзуи технологияи парвариши картошка машварати илмӣ-амалии ҷумҳуриявӣ баргузор шуд
НИШАСТИ МАТБУОТӢ. То соли 2032 тамоми аҳолии Тоҷикистон бо оби нӯшокии мутамарказонидашуда таъмин мегардад
САЛОМАТИИ МИЛЛАТ — БОИГАРИИ АСОСИИ ДАВЛАТ. Дар Тоҷикистон барои пешгирии бемориии гепатит чораҳои мақсаднок андешида мешаванд
ҲИФЗИ СИРРИ ДАВЛАТӢ ВА ҲИФЗИ ТЕХНИКИИ ИТТИЛООТ. Роҳбарони дастгоҳҳои шаҳру ноҳияҳои тобеи ҷумҳурӣ такмили ихтисос намуданд
35-СОЛАГИИ ИСТИҚЛОЛИ ДАВЛАТӢ. Дар деҳаи Долонаи Ашт мактаб ва бунгоҳи тиббӣ сохта мешавад
Дар Душанбе вобаста ба нақши қонунҳои миллӣ дар таъмини зиндагии шоистаи мардум конференсияи илмӣ — назариявӣ доир гардид
Дар ташкилоти ибтидоии ҳизбии «Заминсоз» маҷлиси ҳисоботӣ-интихоботӣ баргузор шуд
Дар Вазорати тандурустӣ ва ҳифзи иҷтимоии аҳолӣ масъалаи ошкорсозӣ ва бақайдгирии гепатитҳои вирусӣ баррасӣ гардид
Тоҷикистон ва Туркия бо мақсади рушди инфрасохтори соҳаи кор бо ҷавонон ва варзиш ҳамкориро тақвият медиҳанд
Риояи талаботи муқаррароти қонунҳои миллӣ дар Бонки миллии Тоҷикистон шарҳу тавзеҳ дода шуд
Дар Вазорати меҳнат, муҳоҷират ва шуғли аҳолӣ вобаста ба татбиқи Стратегияи давлатии муқовимат бо коррупсия вохӯрӣ доир гардид