Ғолибони Мусобиқаи ҷумҳуриявии Ҷоми Федератсияи тенниси рӯи мизи Тоҷикистон муайян гардиданд
ДУШАНБЕ, 11.05.2022 /АМИТ «Ховар»/. 7 — 9 май дар шаҳри Душанбе Мусобиқаи ҷумҳуриявии Ҷоми Федератсияи тенниси рӯи мизи Тоҷикистон дар сатҳи баланд баргузор шуд, хабар медиҳад шореҳи варзиши АМИТ «Ховар» бо истинод ба федератсияи мазкур.
Мусобиқа ба таври инфиродӣ миёни мардҳо ва бонувон хеле ҷолиб сурат гирифт. Дар он 56 варзишгар – 32 мард, 24 зан аз ҳамаи минтақаҳои кишвар ширкат карданд. Дар натиҷа миёни мардҳо ҷои якумро Афзал Маҳмудов (Суғд) сазовор шуд. Ҷои дуюм насиби Убайдулло Султонов (Душанбе), ҷои сеюм насиби Муҳаммад Зоҳидов (Суғд) гардид. Миёни бонувон Манижа Самадова (Душанбе) ғолиб шуд. Ӯ дар сабқати ниҳоӣ бар Сабрина Муродӣ (Суғд) пирӯз гардид. Ҷои сеюмро Меҳринисо Шарипова (Хатлон-2) ишғол намуд.
Дар маросими ҷамъбасти мусобиқа Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, ноиби Президенти Кумитаи миллии олимпии Тоҷикистон Абдулло Раҳмонзода, Раиси Федератсияи тенниси рӯи мизи Ҷумҳурии Тоҷикистон Мирзо Исмоилзода, узви Маҷлиси намояндагони Маҷлиси Олии Ҷумҳурии Тоҷикистон Шариф Ҳакимзода, Котиби генералии Кумитаи миллии олимпии Тоҷикистон Муҳаммадшо Абдуллозода иштирок карда, ба ғолибон ва ҷоизадорон ҷом, медал, ифтихорнома ва ҷоизапулӣ тақдим карданд.
АКС: КМО Тоҷикистон
ҶОМИ ФУТЗАЛИ ОСИЁ-2026. Бозии дастаҳои мунтахаби Тоҷикистон ва Узбекистон мусовӣ анҷом ёфт
Дастаи мунтахаби наврасони Тоҷикистон (U-17) бо ҳамтоён аз Ҳиндустон бозиҳои санҷишӣ анҷом медиҳад
ҶОМИ ОСИЁ-2026. Имрӯз дастаи мунтахаби Тоҷикистон оид ба футзал бо дастаи Узбекистон бозӣ мекунад
Довар аз Тоҷикистон бозиҳои қисми ниҳоии Ҷоми футзали Осиё-2026-ро ҳакамӣ мекунад
35-СОЛАГИИ ИСТИҚЛОЛИ ДАВЛАТӢ. Дар Вилояти Мухтори Кӯҳистони Бадахшон беш аз 20 майдонча ва толори варзишӣ сохта шуд
Машғулият оид ба таҳлили бозиҳо барои мураббиёни лигаҳои наврасони Тоҷикистон оид ба футбол идома дорад
Дастаи мунтахаби Тоҷикистон оид ба футбол ба 100-гонаи беҳтаринҳои раддабандии ФИФА ворид гардид
Бозии дастаҳои мунтахаби Тоҷикистон ва Арабистони Саудӣ оид ба футзал мусовӣ анҷом ёфт
«ФУТБОЛ БА НАЗДИ ШУМО МЕОЯД». Дастаи кӯдакони ноҳияи Лахш соҳиби ҷойи аввал гардид
Дастаи мунтахаби Тоҷикистон оид ба футзал дар доираи машқҳои таълимӣ ду бозии санҷишӣ доир кард
ФУТБОЛ. Дастаи мунтахаби наврасони Тоҷикистон (U-17) Аморати Муттаҳидаи Арабро мағлуб намуд
ФУТБОЛ. Дастаи мунтахаби наврасони то 17-солаи Тоҷикистон дар бозии дӯстона дастаи Арабистони Саудиро мағлуб намуд
