Академики Академияи илмҳои Русия Алексей Завалин: «Конфронси дуюми байналмилалии сатҳи баланд ба ҳалли масъалаҳои об натанҳо дар минтақаи Осиёи Марказӣ, балки дар ҷаҳон низ мусоидат менамояд»
ДУШАНБЕ,07.06.2022 /АМИТ «Ховар»/. «Конфронси дуюми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028», ки имрӯзҳо дар пойтахти Точикистон — шаҳри Душанбе баргузор гардида истодааст, ба ҳалли масъалаҳои марбут ба об натанҳо дар минтақаи Осиёи Марказӣ, балки дар сатҳи ҷаҳон низ мусоидат хоҳад намуд», — гуфт дар суҳбат ба хабарнигори АМИТ «Ховар» Академик, роҳбари бахши заминсозӣ, мелиоратсия, об ва хоҷагии ҷангали Академияи илмҳои Русия Алексей Завалин.
Мавсуф афзуд, ки ташаббусҳои Ҳукумати Ҷумҳурии Тоҷикистон, хосса Президент Эмомалӣ Раҳмон дар ҳалли масъалаҳои глобалии марбут ба об, ки аз ҷониби ҷомеаи ҷаҳонӣ ва созмонҳои бонуфузи байналмилалӣ ҷонибдорӣ гардидаанд, дар ҳалли масъалаҳои об дар сайёра мусоидат менамоянд.
«Мебоист таҷрибаи Тоҷикистон дар масъалаи ҳифзи манбаъҳои обӣ, ки барои сайёра дар асри 21 хеле муҳим аст, аз ҷониби бархе аз кишварҳои ҷаҳон, аз ҷумла кишварҳои қораи Африқо, ки ба норасоии об танқисӣ мекашанд, мавриди истифода қарор гирад. Зеро пешрафту шукуфоии соҳаҳои иқтисодиву иҷтимоии ҳар як кишвар қабл аз хама ба об ва захираҳои обӣ ва истифодаи самарабахшу оқилонаи он иртиботи қавӣ дорад», — тазаккур дод ӯ.
Ба андешаи А. Завалин, конфронс бори дигар ҷомеаи ҷаҳонро ба он водор менамояд, ки дар ҳалли масъалаҳои марбут ба об роҳҳои самарабхшу афзалиятноки ҳамкориро пайдо намоянд.
Марзия САИДЗОДА,
АМИТ «Ховар»
АКС: АМИТ «Ховар»
Шавкат Мирзиёев: «Узбекистон минбаъд низ кӯшишҳои самимонаи мардуми шарафманд ва меҳнатдӯсти тоҷикро дастгирӣ менамояд»
Шавкат Мирзиёев: «Узбекистон минбаъд низ дар паҳлуи Тоҷикистон меистад»
ТАШАККУЛИ МАКТАБИ ЗЕҲНГАРОЁНАИ ИДОРАКУНӢ ДАР СИЁСАТИ ҶУМҲУРИИ ТОҶИКИСТОН. Мулоҳизаҳои докторони илми фалсафа Хайриддин Усмонзода ва Саидмурод Фаттоҳзода
Президенти Тоҷикистон: «Сарфакорона истифода бурдани обу неруи барқро дар тамоми фаслҳои сол, ҳатто дар тобистон қатъиян таъмин намоем»
Президенти Тоҷикистон: «Бояд ҳамеша сарҷамъ ва дар зери парчами миллиамон муттаҳид бошем»
ХАЙРУ САДАҚОТ – СУННАТИ НЕК. Андешаҳои вакили Маҷлиси намояндагон Файзулло Баротзода дар ин мавзуъ
Эмомалӣ Раҳмон: «Ба ҷойи намоишкориву исрофкорӣ мо бояд кӯшиш кунем, ки барои таълиму тарбияи фарзандонамон шароити беҳтарин муҳайё созем»
Сарвари давлат сокинони Тоҷикистонро ба роҳ надодан ба зиёдаравию исрофкорӣ ва намоишкориву риёкорӣ даъват намуданд
Эмомалӣ Раҳмон: «Анҷом додани хайру садақот ва саховат кардан анъана ва суннати нек мебошад»
МУҲАББАТ БА ВАТАН АЗ ИМОН АСТ. Андешаҳои раиси Шурои уламои Маркази исломии Ҷумҳурии Тоҷикистон Саидмукаррам Абдулқодирзода
МАЪРИФАТИ ҲУҚУҚӢ-МАСЪАЛАИ МУҲИМИ ЗАМОНИ МУОСИР. Андешаҳои профессор Махфират Хидирзода дар ин мавзуъ
Профессор Мурод Муродӣ: «Барои ислом худнамоӣ ва шуҳратпарастӣ бегона аст, мусулмони ҳақиқӣ амали хайрашро пинҳонӣ ба анҷом мерасонад»
